CHƆN 5:15 - Yataa 'a Dɔbɛnɛ Nama

¹⁵ Mbɛ kamin chɛ ka‑a nɔ, a ta‑a, mbɛ a‑a Chu mɔɛ n ya ɔ sɔɛ chɛ n tan. A‑a a ɔ yian an na, mbɛ Chisɔsi an na‑a a baun gbandi chɛ ɔ.

CHƆN 5:15 ပူးပေါင်းရင်းမြစ်များ

MAKI 1:45

Chɛɛ a ta‑a kɛn dechee, a bun‑da koɔ‑a boo ka boo ka, a‑a a ɔ yian kan kɔ kan. Chɛ‑a a ma wan, Chisɔsi nii che to bɔ‑a ya a ma, duu kan kɔ kan dɔ, fanka fanka ma chianɛ ko a. Chɛɛ a ni gbɛ ben‑da tanda n fan dɔ, mɔ ee kaina. Chɛ gbɛɛ ɔ, mɔɛ n ni bɔ wan kan kɔ kan, an mbe na a tan.

CHƆN 1:19

Mbɛ Chu mɔɛ nu Chuusaɛn duu ɔ, an ya ɔ sɔɛ nu, an‑na mɔɛ dɔ n sɔ wan Chɔn tena. An tɛ mɔɛ nu Yataa a, a basan mɔɛ n na, miin bɛɛ bɔ‑a Difai 'a dambi ɔ, an‑na an sɔ wan. An dɔ, an ni Chɔn dɔ tisa, ni mɔɛ minan sima mu a a. Chɔn na‑a chɛ an fɔ an ye.

CHƆN 4:29

Mbɛ a ɔ, “Wo na, wo ni kaminɛ yen, min‑na ko ɔ ko ɔ yian n na, n‑na miin gbɛɛ ma wɛ. A e na ma kunka mansa chɛ an na?”

CHƆN 5:10

Chɛ‑a a ma wan, Chu mɔɛ n ya ɔ sɔɛ nu, an‑na a fɔ kamin chɛ ye, an dɔ, “Suin tee mu bi a, a sin, mmɔ 'a sawa ma dɔn ni a ma, i ni ma ka ben ben‑da i 'a waa a.”

CHƆN 5:12

Mbɛ an‑na a ɔ tisa, an dɔ, “Mɔɛ minan mu, min‑na chɛ fɔ i ye?”

CHƆN 5:16

Chu mɔɛ chɛ nu, an ya ɔ sɔɛ chɛ n‑na chɛɛ ma nyɔncha bun fan Chisɔsi ma, kamin chɛ 'a baun koe a, an 'na suin tee chɛ ma.

CHƆN 5:18

A 'a bai chɛ, a gbu‑a a ma gbɛ, Chu n ya ɔ sɔɛ chɛ n‑na an faa a kɔɔ gbɛ chɛndɛ chɛ, a fa koe a. An ma yiinachii chɛ chɛ ni, an 'na sawa chɛ dechee an yɔn koe ko a. Chɛɛ a‑a a fɔɛ min chɛ ka, mbɛ a fa an nɛ Yataa a. Mbɛ a chia chɛ a, a‑a a wandi ya wan ka, mbɛ an fea Yataa a, an na kanden fan mu.

CHƆN 9:15

Mbɛ an Fayisii chɛ n bɛɛ, an bun‑da kamin chɛ ɔ tisa‑a to, an dɔ, a ni a ɔ yian an bɛɛ a, a ya a ka‑a buɛ min dɔ. Mbɛ a ɔ, “A‑a boobo an sin n ya gbingbii kɔɔ, mbɛ n‑na n ya a ko yii ɔ. Chɛ an‑na a ma, n mbe kaina yen tena ka gbɛ.”

CHƆN 9:25

Mbɛ a ɔ, “A ni ma ko yama ma mɔ a, a ma ma a a, n mbe ee kun n ni a ɔ sɔn. N‑na koe min dɔ sɔn dechee, an nɛ chɛ a. N fionden fan ni tee, chɛɛ n mbe kaina yen fan gbɛ.”

CHƆN 9:30

Mbɛ kamin chɛ ɔ, “N ma kamaya koe chɛ sima ɔ yen nin bɛ. Wo ma kamin chɛ ka tena sɔn, chɛɛ a yen ko, a‑a a ma, n‑na kaina yen.

CHƆN 9:34

Chɛɛ ya ɔ sɔɛ chɛ n dɔ, “I wan, i suun‑da ko yama an dɔ. E ee kun i ni nn kan fen kɔ fen na.” Mbɛ an‑na a gbain nɔ fɛsɛ fɛsɛ, an 'na samun chɛ chen chɛ a.