CHƆN 5:10 - Yataa 'a Dɔbɛnɛ Nama

¹⁰ Chɛ‑a a ma wan, Chu mɔɛ n ya ɔ sɔɛ nu, an‑na a fɔ kamin chɛ ye, an dɔ, “Suin tee mu bi a, a sin, mmɔ 'a sawa ma dɔn ni a ma, i ni ma ka ben ben‑da i 'a waa a.”

CHƆN 5:10 ပူးပေါင်းရင်းမြစ်များ

MATIU 12:10

A‑a a a tinsɔn fan, mbɛ mɔɛ chɛ n tɛ ɔ nɔ, kamin dɔndɔ ni wan nɔ, min boo dɔndɔɛ gbaaen ni a ma. A tima chɛ a gbɛ, Chu mɔɛ chɛ nu, miin ni Fayisii n na nɔ, an dɔ, “Nn ma a ɔ sɔn, ni mmɔ 'a sawa dɔnden fan mu, mmɔ ni mɔɛ a baun suin tee ma.” An‑na chɛ fɔ, koe min na mu, an toen ni an ni koɛ be a ma.

MAKI 2:24

Mbɛ Fayisii chɛ nu, an dɔ, “A yen bɛ, i fɛ denɛ n mbe koe min ma tena, a ma nyin. Mmɔ 'a sawa ma dɔn ni chɛ ma, suin tee ma.”

MAKI 3:4

Mbɛ Chisɔsi ɔ, “A nyin fan mmɔ ni a ɔ sɔn, mmɔ 'a sawa dɔnden mu fen ma suin tee ma. Mmɔ 'a sawa dɔnden fan mu mɔ ni mɔɛ baun, a ben a fa koe ma. Mmɔ 'a sawa dɔnden fan mu to mɔ ni ko chɛndɛ ma, a ben ko yama ma koe ma.” Chɛɛ an ma bai fɔ ni, a si chɛ ma.

DUKU 13:14

Chɛɛ kun ti chɛ samun chɛ chen chɛ a, a faa tɛ‑a wan kaka, koe min na mu, Chisɔsi‑a mɔɛ baun suin tee ma. Chɛ ko a, a ɔ mɔɛ chɛ n ma, “Tee wɔdɔ an mbe mɔ gbu ko a wai chɛ koe a wichi kan kɔ kan dɔ. Chɛ an‑na a fɔ, wo na a tee wɔdɔɛ chɛ tɛ ɔ, an ni wo baun wo 'a gbandi n dɔ. Chɛɛ wo ma na suin tee ma.”

DUKU 23:56

Mbɛ an yɛ‑a duu ɔ, mbɛ an‑na tu kunyɛ a diama ɔ bɛn, a fasi fasi koe a Chisɔsi su ma. Chɛɛ suin tee‑a a kuu sɔ, mbɛ an‑na an suin, yɔ an 'na sawa‑a min fɔ.

DUKU 6:2

Mbɛ Chu mɔɛ dɔ nu nɔ, miin ni Fayisii n na, an dɔ, “Wo e ka ko bonda min ma tena suin tee ma, a ma nyin ɛnden bɛɛ a. Mmɔ 'a sawa ma dɔn ni, mɔ ni wai chɛ suin tee ma.”

CHƆN 1:19

Mbɛ Chu mɔɛ nu Chuusaɛn duu ɔ, an ya ɔ sɔɛ nu, an‑na mɔɛ dɔ n sɔ wan Chɔn tena. An tɛ mɔɛ nu Yataa a, a basan mɔɛ n na, miin bɛɛ bɔ‑a Difai 'a dambi ɔ, an‑na an sɔ wan. An dɔ, an ni Chɔn dɔ tisa, ni mɔɛ minan sima mu a a. Chɔn na‑a chɛ an fɔ an ye.

CHƆN 5:11

Chɛɛ kamin chɛ ɔ, “Chɛɛ mɔɛ min‑na a ma n baun‑da, a na‑a a fɔ ka wan n ye, a ɔ, n ni n 'na waa ya, a ɔ, n ni ben ben.”

CHƆN 5:15

Mbɛ kamin chɛ ka‑a nɔ, a ta‑a, mbɛ a‑a Chu mɔɛ n ya ɔ sɔɛ chɛ n tan. A‑a a ɔ yian an na, mbɛ Chisɔsi an na‑a a baun gbandi chɛ ɔ.

CHƆN 5:16

Chu mɔɛ chɛ nu, an ya ɔ sɔɛ chɛ n‑na chɛɛ ma nyɔncha bun fan Chisɔsi ma, kamin chɛ 'a baun koe a, an 'na suin tee chɛ ma.

CHƆN 7:23

Wo ee che tandin‑da suin tee wɛɛ ɔ, wo 'a denɛ n 'na kamincha koe a, wo ma na sawa chɛ yɔn, min be‑a Mosisi ma. Chɛ an‑na a fɔ, wo faa ee che tɛ‑a n ma, koe min na mu, n‑na a ma, gbandi bɔ‑a mɔna chɛ gboo gbɛɛ ɔ, suin tee ma. Fen ko a wo faa ɛ tɛ?

CHƆN 9:16

Mbɛ Fayisii chɛ dɔ nu, an dɔ, “Mɔɛ min‑na chɛ ma, suin tee sawa yɔn koe a, an mɔɛ chɛ, Yataa an ma a sɔ ni a ma.” Chɛɛ an dɔ n sin, an dɔ, “Mɔ ɔ mɔ min mu ko yama ma mɔɛ a, a ee kamaya ko bonda chɛ sima ma.” Chɛ‑a a ɔ yian fan, mbɛ an kuiɛ a nii ma kan ni, a si Chisɔsi ma.