CHƆN 4:6 - Yataa 'a Dɔbɛnɛ Nama

⁶ Yii sonɛ wɛɛ, a wan kai Chekɔpi ta ni min na suun, a ni wan bɛ nɔ. Mbɛ Chisɔsi si‑a an yii son chɛ baima, koe min na mu, tachɛ ɔ yansama chɛ na‑a a gboo ɔ fa wan. A tima chɛ a, tee cheenɛ ni gbɛ mɔ kun tɛ.

CHƆN 4:6 ပူးပေါင်းရင်းမြစ်များ

MATIU 27:45

Chɛ gbakɔ, tee che‑a kɛn kun tɛ, pimbi bun‑da wan chɛnyɛ gbɛɛ ɔ, aan awa sawa ko a.

MATIU 4:2

A sin, Chisɔsi nii ma fen kɔ fen daun ni a tima chɛ a, tee bi naanin, ni pimbi bi naanin ko a. Mbɛ kɔnkɔɛ‑a a bia.

MATIU 8:24

Mbɛ an bun‑da ta‑a. A yen ko, fia wa dɛgbɛ‑a a kuu sɔ bɔ‑a yii chɛ a, mbɛ an tima chɛ a, faagbaa ni wan dɛndɛ chɛ kun ma a to koe a yii ɔ. Chɛɛ fia chɛ ni kɛn bɔ tena, Chisɔsi ni sa ɔ chinɔɛ ɔ wan.

DUKU 2:7

Mbɛ a‑a a saa denɛ suun, den kainɛ. A‑a koa n mɔndɔ mɔndɔ a, mbɛ a‑a a sa fenɛ ɔ, an ni daun fenɛ be min dɔ sɔ fenɛ n ma. Chɛ ma‑a koe min na, sa tena kan kɔ kan nii nɔ sonda yia chenɛ a.

DUKU 9:58

Mbɛ Chisɔsi ɔ, “Sonɛ n mbe fia ɔ soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina, n ni n suin.”

CHƆN 11:9

Mbɛ Chisɔsi ɔ, “Awa tan kun ma fea an mbe tee ɔ, ae? Chɛ an fɛ mu, mɔ ɔ mɔ min mbe tachɛ chɛ‑a tee a den, a ee a chenɛ a tu, a ni bea. Koe min na mu, ɛ manɛ yen tena wan.

CHƆN 4:12

Nn bemba n ta bemba kai Chekɔpi, an‑na yii son chɛ to nn boo ɔ. An bɛ a 'a denɛ n na, an ni yii son chɛ an min. A 'a sɔ fenɛ n bɛɛ, yii son dɔndɔ gbe chɛ ɔ yii, an ni an min. I toen mu i ni a fɔ n ye, mbɛ i benden mu nn bemba Chekɔpi ma, ae?”

CHƆN 4:5

Samayia chɛnyɛ chɛ ɔ, a‑a duu dɔndɔ tan fan, min tɔ ni Sika. Nɔ tena ɔ nii ma yansan duu gboo chɛ a, kai Chekɔpi na‑a min be a 'a denɛ Chosɛfi ma.

CHƆN 4:7

A ɔ ma yansan ni, mbɛ Samayia musu dɔndɔ na‑a yii bɔ tena son chɛ ɔ. Mbɛ Chisɔsi ɔ a ma, “N kɔ yii ɔ, n mbe n min.”

GBOO FEAN BƆƐ KƆYINDI KO A 8:9

Koe min na mu, wo‑a koadia deman chɛ ɔ sɔn fan, mmɔ 'a mansa Chisɔsi Chasi‑a min chɛ. Mbɛ a nyanden ni wɛɛ, chɛɛ chɛ gbɛɛ ɔ, wo ko a, a‑a a wandi ma yɔn tɔɛ a. A‑a chɛ ma, min mbe a ma, a 'a yɔncha chɛ ɔ, wo wɛɛ ni ma nyan tɔɛ n na.

GBOO IBU MƆƐ N KO A 2:17

Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.

GBOO IBU MƆƐ N KO A 4:15

Koe min na mu, tɛ mɔ wa an nɛ, mmɔ tɛ Yataa a, min mbe chinchin mmɔ ma, koe n dɔ miin mu mmɔ yama chia an na. Mɔɛ mu an na, chia ɔ chia a, Sitana na‑a a yiima yan fan, ko yama ma koe a, yɔ ɛ mmɔ ta yan buɛ min dɔ. Chɛɛ chɛ gbɛɛ ɔ, Chasi ma ko yama ma ni.