CHƆN 4:48 - Yataa 'a Dɔbɛnɛ Nama

⁴⁸ Mbɛ Chisɔsi ɔ a ma, a ɔ, “Wo wan, ni wo ma kamaya koe n dɔ yen ni ma‑a, wo dɔndɔ wɛɛ ee wo kai fa n na.”

CHƆN 4:48 ပူးပေါင်းရင်းမြစ်များ

MATIU 16:1

Tima ɛnden gbakɔ, Chu mɔɛ nu, miin ni Fayisii n na, an bɛ chɛ n na, miin ni Sadusii n na, an na‑a wan Chisɔsi tena. An toen ni an ni a bia a chen kɔ. Chɛ‑a a ma wan, an‑na a ɔ tisa, an dɔ, a ni kamaya koe ma an ye, min mbe a ɔ yian, mbɛ a 'a gbasaya kaen ni Yataa an tena.

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 27:42

An dɔ, “A‑a mɔ dɔ mende n baun, chɛɛ a ee che a ni a wandi baun. Kamin chɛ an‑na a fɔ, a ɔ, an mu Isɔɛɛ mɔɛ n 'na mansa a. Ni a wan mu a a, a ni puin bɛ kɔn gbengbanden chɛ ma sanche, min mbe a ma, nn ni dan a a.

MAKI 13:22

A mu min na, fania kunka mansa an mbe na‑a wan, a basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

DUKU 10:18

Mbɛ Chisɔsi ɔ, “N‑na Sitana yen fan bea‑a a ka banda bu ɔ, yɔ banda manɛ.

DUKU 16:31

Chɛɛ Ebeami ɔ, ‘Ni an mbe ee che an too ma sɔ‑a bai chɛ n ma gboo chɛ n dɔ, an mbe ee na‑a che‑a an ni dan a a, ni mɔɛ wɛɛ‑a a kɔɔ sɔ a ka saya ɔ.’ ”

CHƆN 12:37

Chisɔsi na‑a kamaya koe chɛ n gbɛɛ ma boo ɔ boo an ya kɔɔ, chɛ gbɛɛ ɔ, an nii ma an kai fa ni a a.

CHƆN 15:24

Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.

CHƆN 2:18

Mbɛ Chu mɔɛ nu, an ya ɔ sɔɛ nu, an sɔ‑a a kanɛ ɔ. An dɔ, “I‑a koe min ma ka, nn ma a ɔ sɔn ni a gbasaya chɛ ɛ wan i boo ɔ, a ma koe a. E kamaya koe minan ma‑a, a ɔ yian koe a, mbɛ a gbasaya chɛ ɛ wan i boo ɔ?”

CHƆN 20:29

Mbɛ Chisɔsi ɔ a ma, a ɔ, “I‑a n yenɛ min chɛ, an‑na a ma dechee, i‑a i kai fa n na. Dua ni ma mɔɛ chɛ n ma, miin ma n yen ni, chɛɛ an‑na an kai fa‑a n na.”

CHƆN 4:49

Mbɛ kɔmende mɔɛ chɛ ɔ, “Kai, na, mɔ ni ta, n 'na denɛ ma na fa.”

CHISƆSI 'A SƆ MƆƐ NU 14:3

Pɔɔ an fea Banabasi a, an ni wan nɔ an duu chɛ ɔ, tima ɔ yansama ko a. An ni bai sa wan faagbɛa a, a si Mansa Chisɔsi ma. Mansa Chisɔsi sin gbu‑a a ɔ yian fan, mbɛ sakana bai chɛ, an mbe min sa, a si a 'a koadia demanɛ ma, tea bai nu mu. Chisɔsi ni a ma wan, sɔ mɔɛ chɛ n ni kamaya ko wa sɛsɛ n ma, an kun ma a a.

CHISƆSI 'A SƆ MƆƐ NU 15:12

Pita ban‑da kɛn koɔ‑a, mɔɛ miin gbɛɛ a kanden ni ka, an‑na a ɔ maun fan don. Mbɛ an‑na an too ma sɔ Banabasi ma, an fea Pɔɔ a. An‑na a ɔ yian fan gbɛɛ, Yataa na‑a a ma, an‑na kamaya ko wa miin ma, mɔɛ chɛ n tɛ ɔ, miin nii ma Chu mɔ a.

CHISƆSI 'A SƆ MƆƐ NU 2:19

N mbe kamaya koe n ma‑a wan banda a, mbɛ n‑na tɔmɔsi n yian dunya ma. Wo e wii yen‑da wan, ni ta, a basan sisi sɛmbɛndenɛ a.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

CHISƆSI 'A SƆ MƆƐ NU 2:43

Yataa ni wan a ma‑a, Chisɔsi 'a sɔ mɔɛ n mbe kamaya koe sɛsɛ ma, a yɛ to, an ni tɔmɔsi sɛsɛ yian fan. Chɛ‑a a ma wan, mɔ ɔ mɔ da a fa‑a gban, an bakoe a.

CHISƆSI 'A SƆ MƆƐ NU 4:30

A ma mɔɛ n ni i 'a gbasaya ɔ yen, i 'a baun chɛ ɔ. Gbasaya be nn ma, nn ni kun a ma‑a, kamaya ko wa n ni ma, i 'a wai chɛ mɔɛ Chisɔsi tɔɛ ɔ, min mbe tenchen i ko a.”

CHISƆSI 'A SƆ MƆƐ NU 5:12

Chisɔsi 'a sɔ mɔɛ chɛ n ni kamaya ko sɛsɛ ma wan mɔɛ chɛ n tɛ ɔ, min ni an da a fa gban. Mɔɛ chɛ n gbɛɛ, miin‑na an kai fa ka Chisɔsi a, an ni bɛn fan suun ma nyɔncha ɔ kaina dɔndɔ Yataa 'a kata ɔ, an ni min chee, an dɔ, Mansa Sɔɔmon 'na Pɛsa.

CHISƆSI 'A SƆ MƆƐ NU 6:8

Sitibin ni mɔɛ an na, Yataa na‑a min dua a sɛmbɛnden na. A sin, Yataa Nyina ni wan a fɛ, min‑na a ma, a ni kun kamaya ko sɛsɛ ma koe a, miin ni a ɔ yian, mbɛ sakana bai chɛ ka‑a Yataa tena wan.

CHISƆSI 'A SƆ MƆƐ NU 7:36

Kamaya ko wa sɛsɛ, miin ni a ɔ yian, mbɛ Yataa ni wan an kɔ, Mosisi‑a an ma wan. A‑a an ma wan Ichipi chɛnyɛ ɔ, ni kɔ yii wa chɛ ɔ, an mbe min chee, an dɔ, Yii Yawa. A‑a a a tun fan an kamaya koe chɛ n ma‑a, san bi naanin chɛ gbɛɛ ɔ, an ni min dɔ fuinɛ chɛ ma.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.

GBOO SAA KƆYINDI KO A 1:22

Chu mɔɛ n tana, an toen mu kamaya koe n fan dɔ yen koe a, dan koe a a a. Mɔɛ chɛ n sin, miin ma Chu mɔ a, an mbe dan fan a a, ni an ta yiimatɛ‑a a fɔ an ye, mbɛ tea mu.

GBOO FEAN BƆƐ KƆYINDI KO A 12:12

Yataa‑a a ma wan, n‑na kamaya ko wa sɛsɛ ma, a ɔ yian koe a wo a, mbɛ Chisɔsi 'a sɔ mɔɛ mu n na. N na‑a an ma wan, faabia wa ɔ.

GBOO FEAN BƆƐ TƐSADONIKA KO A 2:9

Mɔɛ chɛ, min mbe ee sawa kɔɔ, Sitana 'a gbasaya kan kɔ kan mbe ma‑a wan a boo ɔ. Ɛ na‑a kamaya ko wa sɛsɛ ma‑a wan, fania nu.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.