CHƆN 4:46 - Yataa 'a Dɔbɛnɛ Nama

⁴⁶ Mbɛ Chisɔsi che‑a Kana duu ɔ, Kadidi chɛnyɛ chɛ ɔ, a na‑a yii ma fan kaina min gbɛ a. Duu dɔndɔ ɔ, min tɔ ni Kapanaun, kɔmende mɔ dɔndɔ 'a den kaienɛ gbandienɛ ni wan nɔ.

CHƆN 4:46 ပူးပေါင်းရင်းမြစ်များ

MATIU 15:22

Mbɛ a tima chɛ a, musu dɔndɔ ni wan an tanda chɛ ɔ, min ni Kenaan mɔɛ a. A na‑a wan Chisɔsi tena. A bun‑da yee tɛ‑a, a ɔ, “I wɛn bɔ‑a Mansa Defidi 'a dambi ɔ, chinchin n ma. Mansa, n 'na den musuma gbandien mu a yama boo a, nyina yama ɛ a tɔɔ tena.”

MATIU 4:13

Chɛɛ a nii ma dɔn ni si koe a Nasaɛti duu ɔ. A na‑a ben fan, a ta Kapanaun. Kapanaun ni duu an na Kadidi yii daa baima, a sin, a ni Sɛbudɔn ni Nafadi tanda n tɛtɛ ma wan.

MATIU 9:18

Chisɔsi to‑a koɔ an na mɔɛ chɛ n tena, mbɛ a yen ko, ya ɔ sɔ dɔndɔ na‑a a tena. Mbɛ a‑a a kumbai gbangban Chisɔsi chen na, a ɔ, “N 'na den musuma fa‑a ka sanche. Chɛɛ mɔ ta, i ni i boo bun a ma, min mbe a ma, a fɔɛ ni yɛ to a ma.”

DUKU 4:23

Mbɛ Chisɔsi ɔ, “N danden fan mu a a, mbɛ wo e tai chɛ tɛ‑a wan a si n ma, min‑na a fɔ, a ɔ, ‘Danda chɛ mɔɛ, i wandi baun.’ Wo e a fɔ‑a wan to n ye, wo ɔ, wo‑a a a min fan, n‑na min ma Kapanaun duu ɔ, wo ɔ, n ni a nyɔn sima ma wɛ nɛ wɛɛ, n ta suun duu gbu ɔ.

DUKU 7:2

Soya gbakoo dɔndɔ ni wan nɔ, min ka‑a Domi chɛnyɛ ɔ. Soya chɛmɛ dɔndɔ ni wan a kɔɔ. Bɔi denɛ ni wan a boo ɔ, min bakoe a ni di a ye gbeden. Bɔi den chɛ gbandi‑a wan, min‑na a ma, ɛnden fan na‑a to a ni fa.

DUKU 8:42

Koe min na mu, a 'a den musuen dɔndɔ gbe, min sanɛ ni gbɛ san tan kun ma fea, a ni gbɛ a ni ma tanka an na dechee. Chisɔsi‑a a kuu sɔ kɛn ta‑a dechee, mɔɛ n findi findi‑a wan a ma, a ka kaka kan kɔ kan ma.

CHƆN 2:12

Chɛ gbakɔ, Chisɔsi yii‑a Kapanaun duu ɔ. An fea ni a de a, a basan a suun ma nyɔɛ kaima n na, ni a fɛ denɛ nu. An‑na tee kuunden ben fan nɔ.

CHƆN 21:2

A fɛ den chɛ n fan ni nɔ. Saimɔn Pita, ni Tɔmɔsi, an ni min chee, Fɛn Kai, ni Natanɛɛ, min na‑a ka Kana, Kadidi chɛnyɛ ɔ, a basan kai Sɛbɛdi 'a denɛ kaima n na. Chisɔsi fɛ denɛ fea dɔ mende n ni wan to nɔ.