CHƆN 4:25 - Yataa 'a Dɔbɛnɛ Nama

²⁵ Mbɛ musu chɛ ɔ, “N‑na a ɔ sɔn fan, mbɛ Chasi, kunka mansa ɛ na tena wan. A sin mbe na‑a kɛn, ɛ ko ɔ ko ɔ yian‑da wan mmɔ a.”

CHƆN 4:25 ပူးပေါင်းရင်းမြစ်များ

MATIU 1:16

Chekɔpi an‑na Chosɛfi suun, min 'na musu ni Mɛi a, min na‑a Chisɔsi suun, an mbe min chee, an dɔ, Chasi, kunka mansa.

MATIU 27:17

Fanka chɛ a kan‑da kɛn, mbɛ Kɔfana Padeti‑a an dɔ tisa, a ɔ, “Baabasi yen ko bia ɔ, an fea Chisɔsi a, an mbe min chee, an dɔ, kunka mansa. Wo toen mu n ni n boo ka mɔɛ minan na, mɔ fea chɛ n tɛ ɔ?”

MATIU 27:22

Mbɛ Kɔfana Padeti ɔ, “Wo toen mu gbɛ n ni fen ma Chisɔsi a, an mbe min chee, an dɔ, Chasi, kunka mansa chɛ?” Mbɛ an gbɛɛ ɔ, “A ma an ni a gbangban kɔn gbengbandenɛ ma, a ni fa nɔ.”

DUKU 2:11

Den toa suun‑da Mansa Defidi 'a duu ɔ bi tee chɛ a. An den toa chɛ, an mbe wo baun‑da. An mu kunka mansa a, tea Mansa.

CHƆN 1:49

Natanɛɛ ɔ, “Kan mɔ,” a ɔ, “Yataa 'a denɛ chɛndɛ chɛndɛ mu i a,” a ɔ, “Isɔɛɛ mɔɛ n 'na mansa mu i a.”

CHƆN 4:29

Mbɛ a ɔ, “Wo na, wo ni kaminɛ yen, min‑na ko ɔ ko ɔ yian n na, n‑na miin gbɛɛ ma wɛ. A e na ma kunka mansa chɛ an na?”

CHƆN 4:39

Samayia mɔɛ chɛ n sɛsɛ nu, an duu chɛ ɔ, an na‑a an kai fa wan Chisɔsi a. Chɛ na‑a ka musu chɛ da a bai an ma, a na‑a a fɔɛ min chɛ, a ɔ, a‑a ko ɔ ko ɔ yian a a, a ɔ, a wan musu chɛ, a ɔ, a na‑a min ma fɔɛ ɔ.

CHƆN 4:42

Mbɛ an dɔ musu chɛ ma, an dɔ, “I da a bai dechee an mbe ee a ma tena to, nn mbe nn kai fa tena a a. Chɛɛ koe min na mu, nn fandi gbu, nn‑na a da a bai a min. A sin, nn‑na a ɔ sɔn gbɛ, mbɛ a wan gbu mu dunya chɛ baun mɔɛ a.”