CHƆN 4:22 - Yataa 'a Dɔbɛnɛ Nama

²² Wo wan Samayia mɔɛ nu, wo ma a ɔ sɔn, wo e min gbu fai tena. Chɛɛ nn fan Chu mɔɛ nu, nn‑na a ɔ sɔn fan, nn mbe min fai. Koe min na mu, Yataa‑a nn too ɔ dia wan, a ma koe a, mɔɛ n ni a 'a bauncha ma sɔn.

CHƆN 4:22 ပူးပေါင်းရင်းမြစ်များ

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

CHISƆSI 'A SƆ MƆƐ NU 17:23

Koe min na mu, n mbe ma ben ben‑da wo 'a duu chɛ ɔ, n mbe fenɛ n yen fan, wo e miin fai. A yɛ to, n‑na gbengbe yen fan, yasi bɔ koe a, a nyɛndenɛ ɛ min ma, a ɔ, ‘Yataa tena, nn ma min sɔn.’ An Yataa chɛ, wo e min fai ka, chɛɛ wo sin ma a sɔn, n mbe ka gbɛ an bakoe ɔ yian tena wo a.

CHISƆSI 'A SƆ MƆƐ NU 17:30

Tima min na ni wo nii ma a ɔ sɔn, wo ni koe miin ma tena, Yataa‑a a ya ka a nɛnɛ a. Chɛɛ sanche gbɛ, ɛ a fɔ tena mɔ ɔ mɔ ye, dunya gbɛɛ ɔ, mbɛ an ni an kan kɔ sɔ an 'na ko yama n na.

CHISƆSI 'A SƆ MƆƐ NU 3:26

Yataa‑a a 'a wai chɛ mɔɛ Chisɔsi a na kɛn, a‑a a sɔ wo pɛn pɛn tena, wo wan Isɔɛɛ mɔɛ nu. Yataa‑a chɛ ma, min mbe a ma, a ni wo dua, wo ni wo kan kɔ sɔ wo 'a faamagbaa koe n na.”

GBOO DOMI KO A 11:18

Chɛ an fɛ mu, wo ma yonka tɛ an na. Ni wo‑a chɛ ma, chɛ ni ma wo 'a yiinachii ɔ, mbɛ wo wan mbe ee a be tena an ma, chɛɛ an fan mbe an fandi kɔ tena, ni wo wɛɛ.

GBOO IBU MƆƐ N KO A 7:14

Koe min na mu, a ɔ sɔnden fan mu chɛndɛ chɛ, mbɛ mmɔ 'a mansa Chisɔsi bɔ‑a Chuda 'a dambi an dɔ. A sin, min sien mu an dambi chɛ ma, Mosisi nii ma bai ɔ bai sa ni, a si tɛ mɔɛ koe ma.