CHƆN 4:15 - Yataa 'a Dɔbɛnɛ Nama

¹⁵ Mbɛ musu chɛ ɔ, “Kai, an yii chɛ be n ma, n mbe a min, min mbe a ma‑a, n kanɛ a ee gbaa‑a to kuɔ fɔ ko a. N mbe ee ma‑a to yii chɛ ɔ chia ma, yii bɔɛ a tee ɔ tee a.”

CHƆN 4:15 ပူးပေါင်းရင်းမြစ်များ

CHƆN 4:16

Mbɛ Chisɔsi ni a fɔ gbɛ a ye, a ɔ, “Ta wɛ, i ni i chɛɛ chee, mbɛ wo fea na‑a a a.”

CHƆN 6:26

Chisɔsi ɔ, “N mbe chɛ ma din tena wo tena, koe min na mu, wo e n yan tena. Wo‑a biidi miin daun, wo bu fa‑a gban, an fɛ mu. Chɛɛ an ma a fɔ ni, mbɛ wo‑a kamaya koe chɛ n dɔ gbɛ wan, n‑na miin ma.

CHƆN 6:34

Mbɛ an dɔ, “Kai, an daun fen chɛ be nn ma, tima ɔ tima ko a.”

CHƆN 6:35

Mbɛ Chisɔsi ɔ, “N fan mu daun fen chɛ a, kuɔ fɔ fɔɛ be koe a. Ni mɔ ɔ mɔ na‑a n tena, mbɛ a‑a a kai fa n na, kɔnkɔ ee a mɔɛ chɛ bia‑a to kuɔ fɔ, a sin, a kanɛ wɛɛ a ee gbaa‑a to.

GBOO DOMI KO A 6:23

Ko yama tana, saya an mu a tɔnɔnɛ a, a wandi ɛ na min na. Chɛɛ Yataa ɛ min be mmɔ ma gbama gbama a, an nɛ kuɔ fɔ fɔɛ a. Chɛ ɛ ma wan, koe min na mu, mmɔ ma‑a mɔ dɔndɔɛ a Chisɔsi Chasi a, mmɔ 'a mansa.

GBOO DOMI KO A 8:5

Mɔɛ chɛ min mbe fɔɛ ɔ, mɔgbuya ɔ min ma nyin, ɛ koe n fan ma dechee, miin na di a ye. A yiima gbɛɛ ɛ ma gbasaya an kɔɔ, mɔgbuya ɔ min ma nyin. Chɛɛ mɔɛ chɛ nu fɔɛ ɔ, miin mbe koe ma, min na di Yataa Nyina ye, an yiima gbɛɛ ɛ ma Nyina chɛ 'a gbasaya an kɔɔ.

GBOO SAA KƆYINDI KO A 2:14

Chɛɛ mɔɛ nu, Yataa Nyina ee miin fɛ, an mbe ee dɔn, an ni an boo si fen chɛ n kɔɔ, Yataa Nyina ɛ miin be. Koe min na mu, an mbe an ya wooya fenɛ n fan na. An mbe ee che an dɔ gbɛ‑a. Koe min na mu, Yataa Nyina dechee, an mbe a ma, mɔɛ n ni koe n dɔ gbɛ miin ka‑a Yataa tena.

CHIMISI 4:3

Chɛɛ wo sin gbu, wo ni Yataa ɔ tisa wɛɛ, wo ee an ma sɔn. Koe min na mu, wo 'a samunɛ ee ma a chia ma. Wo e samunɛ chɛ fen chɛ n fan ko a, wo faa ma koe n dɔ bɛn koe a.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.