CHƆN 4:14 - Yataa 'a Dɔbɛnɛ Nama

¹⁴ Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHƆN 4:14 ပူးပေါင်းရင်းမြစ်များ

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

MATIU 5:6

“Mɔɛ miin mbe an faa gbɛɛ chɛ‑a Yataa faa ma koe ma koe a, an duaen mu. Yataa ɛ faachima be‑a wan an ma.

CHƆN 10:10

Kanka tana, ɛ na dechee kanka chɛ koe an na, fen fa koe a, a basan kasaa chɛ koe a. Chɛɛ n fan, n na‑a, min mbe a ma, n 'na sa n ni fɔɛ ma sɔn, kuɔ fɔ fɔɛ. An sin, an fɔɛ chɛ ɔ, an mbe n 'na dua gbɛɛ ma sɔn‑da wan.

CHƆN 11:26

A sin, mɔ ɔ mɔ miin mbe fɔɛ chɛ ɔ, an sin kai faen mu n na, an mbe kuɔ fɔ fɔɛ ma sɔn‑da wan n na. I danden fan mu chɛ a?”

CHƆN 4:10

Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”

CHƆN 4:11

Mbɛ musu chɛ ɔ, “Kai, yii bɔ chiti ee kɛn i boo ɔ, yii son chɛ sin dɔ yansan. E ka‑a gbɛ mende yii chɛ a, min mbe fɔɛ be mɔ gbu ma?

CHƆN 4:13

Mbɛ Chisɔsi ɔ, “Mɔɛ miin gbɛɛ, an mbe yii son chɛ min, an kanɛ a ɛ gbaa‑a wan to.

CHƆN 4:36

A tɛ mɔɛ nu, an mbe wan gbɛ wai‑a, an sin mbe wan gbɛ an 'na tɔnɔnɛ ma sɔn‑da. An sin mbe an fɛn fen chɛ min na sɔn sɔn‑da, an nɛ mɔɛ n na, miin‑na kuɔ fɔ fɔɛ ma sɔn. A fɛn mɔɛ nu, an bɛ a tɛ mɔɛ n na, an 'na buɔdia koo.

CHƆN 6:27

Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

CHƆN 6:35

Mbɛ Chisɔsi ɔ, “N fan mu daun fen chɛ a, kuɔ fɔ fɔɛ be koe a. Ni mɔ ɔ mɔ na‑a n tena, mbɛ a‑a a kai fa n na, kɔnkɔ ee a mɔɛ chɛ bia‑a to kuɔ fɔ, a sin, a kanɛ wɛɛ a ee gbaa‑a to.

CHƆN 6:58

Chɛ an‑na a fɔ, daun fen chɛ an yii‑a, a ka banda bu ɔ. Wo bemba n ta bemba n‑na daun fen chɛ daun fan, an ni min chee, an dɔ, mana, chɛɛ an fa‑a wan a gbakɔ. Chɛɛ chɛ tana, a ee ka. Mɔ ɔ mɔ min mbe daun fen chɛ daun‑da, ɛ a ma‑a wan, a ni kuɔ fɔ fɔɛ ma sɔn.”

CHƆN 7:37

An bɛnɛ chɛ tee dankama ma, mɔɛ n 'na buɔdia bɔɛ, a kun tɛ tee ni an na. Mbɛ Chisɔsi‑a a kɔɔ sɔ, a koɔ‑a gbankon, a ɔ, “Mɔ ɔ mɔ min kanɛ a gbaaen mu, a mɔɛ chɛ ɛ na n fan tena, a ni a min.

GBOO DOMI KO A 5:21

N da a bai kunɛ a bia koe a, ko yama‑a gbasaya ɔ yian buɛ min dɔ saya ɔ, Yataa 'a koadia demanɛ a ta gbasaya wɛɛ ɔ, mmɔ ya‑a ka wan mɔ tandenɛ n na a chen kɔɔ. Chɛ‑a a ma wan, mmɔ‑a kuɔ fɔ fɔɛ ma sɔn, mmɔ 'a mansa Chisɔsi Chasi‑a min be.

GBOO DOMI KO A 6:23

Ko yama tana, saya an mu a tɔnɔnɛ a, a wandi ɛ na min na. Chɛɛ Yataa ɛ min be mmɔ ma gbama gbama a, an nɛ kuɔ fɔ fɔɛ a. Chɛ ɛ ma wan, koe min na mu, mmɔ ma‑a mɔ dɔndɔɛ a Chisɔsi Chasi a, mmɔ 'a mansa.

GBOO FEAN BƆƐ KƆYINDI KO A 1:22

A sin fan‑na a boo gba to nn ma, a ɔ yian koe a, mbɛ nn mbe a wan ko a. A Nyina wɛɛ, a‑a a be wan nn ma to ma koe a nn fɛ. A ni a ma, nn ni dan a a, koe miin gbɛɛ a a boo ɔ nn ko a.

Gboo Ɛfisɔsi Ko A 4:30

Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

KO Ɔ NUNDENƐ 7:16

Kɔnkɔɛ ee an bia‑a to kuɔ fɔ, an kanɛ, a ee gbaa‑a to kuɔ fɔ. Tee wa ee bɔ‑a an ma, a winɛ ni si an dɔ.

KO Ɔ NUNDENƐ 7:17

Koe min na mu, sa tɔngbɔɛ chɛ sɔ ɔ mansa sea chɛ baima, ɛ ma‑a wan an kun ma fɛn mɔɛ a. A sin mbe chia yian‑da wan an na, an ni yii ma sɔn, min mbe fɔɛ be. A sin to, Yataa ɛ di ka‑a wan an ya a.”