CHƆN 3:36 - Yataa 'a Dɔbɛnɛ Nama

³⁶ Mɔɛ min mbe a kai fa‑a Yataa 'a denɛ a, ɛ kuɔ fɔ fɔɛ ma sɔn‑da wan. Chɛɛ mɔɛ min mbe ee a kai fa‑a a 'a Denɛ a, a ee kuɔ fɔ fɔɛ ma sɔn‑da. Koe min na mu, Yataa faa tɛenɛ an mbe ma‑a a ma.

CHƆN 3:36 ပူးပေါင်းရင်းမြစ်များ

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

DUKU 2:30

N‑na i 'a mɔɛ yen gbɛ pɛnɛnɛ, min na‑a bauncha a.

DUKU 3:6

A ɔ, a sin, a tima chɛ a, mɔ ɔ mɔ‑a a ɔ yen‑da wan, Yataa ɛ mɔɛ n baun buɛ min dɔ.”

CHƆN 1:12

Chɛɛ mɔɛ n‑na an boo si wan a kɔɔ, miin‑na an kai fa a a. Chɛ ko a, an mɔɛ chɛ nu, a‑a gbasaya be wan an ma, ma koe a Yataa 'a denɛ n na.

CHƆN 10:28

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

CHƆN 3:3

Mbɛ Chisɔsi ɔ, “N ni a ma din i tena, mɔ ɔ mɔ ee don Yataa 'a mansaya kɔɔ, mɔɔ ni a mɔɛ chɛ suun‑da to a nama a.

CHƆN 4:36

A tɛ mɔɛ nu, an mbe wan gbɛ wai‑a, an sin mbe wan gbɛ an 'na tɔnɔnɛ ma sɔn‑da. An sin mbe an fɛn fen chɛ min na sɔn sɔn‑da, an nɛ mɔɛ n na, miin‑na kuɔ fɔ fɔɛ ma sɔn. A fɛn mɔɛ nu, an bɛ a tɛ mɔɛ n na, an 'na buɔdia koo.

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHƆN 6:58

Chɛ an‑na a fɔ, daun fen chɛ an yii‑a, a ka banda bu ɔ. Wo bemba n ta bemba n‑na daun fen chɛ daun fan, an ni min chee, an dɔ, mana, chɛɛ an fa‑a wan a gbakɔ. Chɛɛ chɛ tana, a ee ka. Mɔ ɔ mɔ min mbe daun fen chɛ daun‑da, ɛ a ma‑a wan, a ni kuɔ fɔ fɔɛ ma sɔn.”

CHƆN 8:51

N mbe chɛ ma din tena wo tena, mbɛ mɔ ɔ mɔ min mbe ma‑a a da a kuiɛ ma, a mɔɛ chɛ ee fa‑a.”

CHISƆSI 'A SƆ MƆƐ NU 14:2

Chɛɛ Chu mɔɛ tɔɛ chɛ nu, miin nii ma dɔn ni an kai fa koe a Chisɔsi a, an don‑da mɔɛ chɛ n dɔ, miin nii ma Chu mɔ a. A sin, an‑na an na sɛ wan Chisɔsi fɛ mɔɛ chɛ n ma.

GBOO DOMI KO A 4:15

Yataa faa ɛ tɛ wan, ni mɔɛ‑a a 'a sawa yɔn, a na‑a min be Mosisi ma. Chɛɛ ni sawa kan kɔ kan mbe ee kaina min, sawa yɔn mbe ee ma nɔ.

GBOO DOMI KO A 5:9

A wii min sin bɔn‑da, an‑na mmɔ ya sanche gbɛ mɔ tandenɛ n na Yataa chen kɔɔ. Ni Chasi ɛ kun fan a ni chɛ ma mmɔ ko a, mmɔ ni dan a a, mbɛ ɛ mmɔ kun bɔ‑a wan Yataa 'a faatɛ ɔ.

GBOO DOMI KO A 8:1

Chɛ an fɛ mu sanche chɛ ɔ, ni mɔ ɔ mɔ ma‑a mɔ dɔndɔɛ a Chisɔsi Chasi a, Yataa ee kaa a tɛ‑a a wakoe ma, a ni tɔɔ.

Gboo Kadesia Ko A 3:10

Mɔɛ gbɛɛ, miin too ma sɔen mu Mosisi 'a sawa ma, an tan koe a Yataa chen kɔɔ, an mbe Yataa 'a danka an kɔɔ. Koe min na mu, Yataa 'a gboo ɔ te, a ɔ, “Yataa ɛ mɔ ɔ mɔ danka‑a wan, min mbe ee don‑da koe chɛ n gbɛɛ kɔɔ, miin mbe a 'a sawa gboo ɔ, a ni an gbɛɛ ma.”

Gboo Ɛfisɔsi Ko A 5:6

Koe chɛ nu, an fan mbe a ma, Yataa ɛ faatɛ a bɔ mɔɛ chɛ n ma, miin mbe ee a kuiɛ ma. Mɔ ɔ mɔ kan kɔ kan, a ma daɔdia bai gbama n fɔ wo ye, wo bun koe a.

Gboo Saa Tɛsadonika Ko A 1:10

A sin, a 'a denɛ na koe, a ka banda bu ɔ, wo e a ma kɔn tena wan. A 'a denɛ Chisɔsi, a‑a a ma min na a kɔɔ sɔ, a ka saya ɔ. A 'a den chɛ sin fan‑na mmɔ kun ka, Yataa ma na faatɛ a bɔ mmɔ ma ya ɔ ma.

Gboo Saa Tɛsadonika Ko A 5:9

Yataa ma mmɔ ya ni a ta mɔɛ n na, a ma koe an na, a ni faa tɛ‑a bɔ mmɔ ma, mmɔ ni tɔɔya ɔ bia. Chɛɛ a ma koe mu, mmɔ ni bauncha ma sɔn, a ka mmɔ 'a mansa Chisɔsi Chasi a.

GBOO IBU MƆƐ N KO A 10:29

Ni tea mu chɛ a, fen koe ɛ na‑a ma‑a gbɛ mɔɛ chɛ a, min mbe ee a gbɔsɔ‑a Yataa 'a denɛ ko a? Yataa 'a dɔbɛn nama chɛ, Chisɔsi wii min bɔn‑da mmɔ 'a ko yama n ko a, mɔɛ min mbe ee a ya‑a fen kɔ fen na. Fen mbe ma‑a an mɔɛ chɛ a? Yataa Nyina, min mbe koadia demanɛ chɛ, mɔɛ min mbe a main. Fen mbe ma‑a an mɔɛ a? Wo wo yii na chii wɛ, ko yawaen chɛ a, Yataa ɛ min si‑a an mɔɛ chɛ a.

GBOO IBU MƆƐ N KO A 2:3

Chɛ mu ka buɛ min dɔ tea a, mmɔ ee kun mmɔ kunɛ ni bɔ tɔɔya ɔ, ni mmɔ‑a mmɔ too ka bauncha wa chɛ ma, Yataa na‑a min chɛ mmɔ a. Mansa Chisɔsi wandi gbu, an na‑a a ɔ yian, Yataa na‑a mmɔ baun chia min na. Mbɛ mɔɛ chɛ n bɛɛ, miin na‑a a da a kuiɛ chɛ a min, an na‑a toa si wan a kɔɔ mmɔ tena.

GBOO IBU MƆƐ N KO A 3:18

A sin, Yataa nii ma a kai ni mɔ dɔ gbɛɛ tena, mbɛ kuɔ fɔ ko a, an mbe ee don‑da suin tena chɛ, a‑a min dɔ bɛn. Chɛɛ a na‑a a fɔ chɛ n fan ye, miin nii ma an too ma sɔ ni a ma.

GBOO IBU MƆƐ N KO A 3:19

Mbɛ mmɔ ban‑da gbɛ a ɔ yen‑da, mbɛ an nii ma dan ni Yataa a. Chɛ an na‑a a ma, an ma che ni don‑da suin tena chɛ.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”