CHƆN 3:34 - Yataa 'a Dɔbɛnɛ Nama

³⁴ Mɔɛ chɛ, Yataa‑a min na na, an mbe a 'a bai sa. Koe min na mu, Yataa‑a a Nyina min na yii, a ni ma a fɛ, a da faen gban.

CHƆN 3:34 ပူးပေါင်းရင်းမြစ်များ

MATIU 12:18

Yataa 'a bai chɛ, Aisaya na‑a min na ben, a ɔ, “Mɔɛ yen ko, n‑na n boo sɔ min ma, n 'na wai chɛ koe a. A ko a di n ye, a sin a wakoe‑a n faa chima to. N mbe n Nyina bea‑a wan a fɛ. Ɛ a ɔ yian‑da wan mɔɛ n gbɛɛ a dunya ɔ, mbɛ n fan Yataa, mabɔ ee n 'na kaa tɛenɛ ma.

DUKU 4:18

“Mansa Yataa Nyina ɛ n fɛ, koe min na mu, Mansa Yataa‑a a boo sɔ n ma, sakana bai chɛndɛ chɛ ɔ yian koe a yɔn tɔɛ n na. A‑a n sɔ a fɔ koe a mɔɛ n ye, miin mbe bia ɔ, mbɛ an mbe bɔ‑a wan a ɔ, mbɛ ya te tɔɛ chɛ n bɛɛ, an mbe kaina yen‑da wan to. A‑a n na na, chɛ n bɔ koe a mɔɛ chɛ n 'na gbasaya kɔɔ, miin mbe an yɔn bia chɛ tena.

CHƆN 1:16

Koadia chinchimaya min faen mu a faa ɔ, an mbe a ma tena, ɛ mmɔ gbɛɛ dua tena tima sɛsɛ a.

CHƆN 15:26

“Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.

CHƆN 16:7

Chɛɛ n mbe chɛ ma din tena wo tena, mbɛ a nyin fan wo ko a, n ni ta. Koe min na mu, ni n ma yɛ ni, Yataa Nyina min mbe wo deman‑da, a ee na‑a wo tena. Chɛɛ ni n yɛ‑a, n mbe a ma‑a wan, a ni na wo tena.

CHƆN 3:17

Koe min na mu to, Yataa ma a 'a Den chɛ a na ni dunya ɔ, kaa an na tɛ koe a mɔɛ n ma, a ni an tɔɔ. Chɛɛ a‑a a a na, a ni ma an kun ka mɔɛ a.

CHƆN 5:26

N Fa ɛ a ma wan, mɔɛ n mbe fɔɛ ma sɔn. A chia dɔndɔ gbe chɛ a, n bɛɛ, a 'a denɛ, a‑a a ma, n mbe fɔɛ be.

CHƆN 7:16

Chɛ ko a, mbɛ Chisɔsi ɔ, “N mbe kanɛ miin chɛ, an mbe ee bɔ n ta yiimatɛ an dɔ. Chɛɛ Fa Yataa, min‑na n sɔ, an mbe an be n ma.

CHƆN 8:40

Chɛɛ wo tana, wo ma bɛndenɛ min chɛen mu ka, n fa koe a, Ebeami nii ma a ma ni ka. N sɔnɛ gbɛɛ wɛ wo tena, an nɛ tea bai chɛ n na, miin kaen mu Yataa tena, n mbe miin fɔ.

CHƆN 8:47

Mɔ ɔ mɔ min mu Yataa 'a denɛ a, a bu ɔ di wan tima ɔ tima, a too ma sɔ koe a Yataa bai ma. Chɛɛ wo tana, a 'a denɛ ma wo a, an fɛ mu, wo e ban wo too ma sɔ koe a, a da a bai n ma.”

CHISƆSI 'A SƆ MƆƐ NU 1:2

aan a sɔ tee chɛ a, Yataa‑a a wan Chisɔsi ya min ma, a sɛ banda bu ɔ. A e na to ya‑a, a sɛ banda bu ɔ, a 'a sɔ mɔɛ nu, a na‑a a boo sɔ miin ma, a koɔ‑a pɛn an tena, Yataa Nyina 'a gbasaya ɔ.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

GBOO DOMI KO A 8:2

A mu min na, Chisɔsi Chasi 'a gbasaya ɔ, mmɔ kunɛ bɔ‑a ko yama 'a gbasaya ɔ, min mbe na saya a. Yataa Nyina min mbe fɔɛ chɛndɛ be, an‑na a ma chɛ ma‑a.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Kɔdɔsai Ko A 1:19

Yataa sɔnɛ ni wan Chasi ɔ chia ɔ chia a. Yataa wandi sin fan na‑a chɛ ɔ bɛn.

Gboo Kɔdɔsai Ko A 2:9

Koe min na mu, Chasi ni mɔ gbu gboo an dɔ nɛ dunya ma, chɛɛ Yataa ni a a, chia ɔ chia a.

KO Ɔ NUNDENƐ 21:6

Mbɛ a ɔ te n ma to, a ɔ, “N ban‑da koe chɛ n gbɛɛ chɛ‑a. N fan mbe a ma fen fen mbe a kuu sɔ, n fan mbe a ma to fen fen mbe danka. Mɔ ɔ mɔ min kanɛ a gbaaen mu, n mbe yii be‑a wan a ma. N mbe yii be‑a wan an ma, min ka‑a yii chɛ ɔ, yii min mbe fɔɛ be mɔɛ ma gbama gbama ko a.

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.