CHƆN 3:32 - Yataa 'a Dɔbɛnɛ Nama

³² Mɔɛ min ka‑a banda bu ɔ, a tana, a‑a miin dɔ yen nɔ, a‑a miin na min, ɛ an fan dɔ yian. Chɛɛ chɛ gbɛɛ ɔ, mɔɛ n mbe ee an boo si a 'a sakana bai kɔɔ.

CHƆN 3:32 ပူးပေါင်းရင်းမြစ်များ

MATIU 7:8

Koe min na mu, mɔ ɔ mɔ min mbe a a tun‑da Yataa ɔ tisa koe a fen kɔ fen ko a, ɛ a be‑a wan an mɔɛ chɛ ma. Mɔ ɔ mɔ min mbe a a tun‑da a ya a kan‑da fenɛ a chɛndɛ chɛ, ɛ a yen‑da wan. Mɔ ɔ mɔ min mbe a a tun‑da chenɛ da tu koe a, Yataa ɛ a da a ka‑a wan a ye.

CHƆN 1:11

A ta‑a wan a waa a, chɛɛ a ta mɔɛ chɛ nu, an ma an boo a si ni a kɔɔ.

CHƆN 15:15

N mbe ee wo ya to n 'na bɔi den na, koe min na mu, bɔi den ma a kan mɔ yiima sɔn. N mbe min ma tena, n mbe wo ya tena gbɛ n bɔɛ n fan na. Koe min na mu, ko ɔ ko, Fa‑a min fɔ n ye, n‑na a gbɛɛ ɔ yian wo a.

CHƆN 18:37

Chɛ‑a a ma wan, Kɔfana Padeti ɔ, “E ka a fɔ an na gbɛ n ye, mbɛ mansa mu i a?” Mbɛ Chisɔsi ɔ, “I wan‑na a fɔ, i ɔ, mansa mu n na. N na‑a dunya chɛ ɔ, mbɛ n suun‑da mɔgbuya ɔ. Chɛ ma‑a, ko dɔndɔ gbe chɛ an ko a, tea ɔ yian koe a mɔɛ n na. A sin, mɔ ɔ mɔ min toen mu an tea chɛ a, ɛ a too ma sɔ wan n da a kuiɛ ma.”

CHƆN 3:11

N ni chɛ ma din i tena, mbɛ nn‑na koe miin dɔ sɔn, nn mbe koɔ a si an fan ma. A yɛ to, nn‑na koe miin dɔ yen, nn mbe siiya bɔ a si an fan ma. Chɛɛ chɛ gbɛɛ ɔ, wo dɔndɔ wɛɛ ma ma bɛn ni dan koe a nn 'na siiya a.

CHƆN 3:26

Mbɛ an na‑a Chɔn tena, an dɔ, “Kan mɔ, kaminɛ wɛɛ yen ko pan yii chɛ‑a mɔɛ n kunɛ ɔ, Yataa chia a. Mɔɛ n mbe nyɔndɔn tena wan gbɛ a tena. A to‑a wan i yii ma, wo fea ni kaminɛ min na Chɔdan yii kaka dɔndɔɛ ma, e min chee ka kunka mansa a, an kamin chɛ mu.”

CHƆN 3:33

Chɛɛ mɔɛ nu, miin mbe an boo si‑a a 'a sakana chɛ kɔɔ, an mbe ma‑a ka a ɔ yian fan na, mbɛ Yataa 'a bai mu tea an na.

CHƆN 5:20

Chɛ ɛ ma wan, koe min na mu, n ko a di Fa ye. A sin, ɛ koe miin gbɛɛ ma, ɛ an dɔ yian fan n na. A sin mbe kamaya koe n dɔ yian‑da wan n na, miin benden mu chɛ ma kaka, miin mbe wo gbɛɛ da n dɔ gbaa a.

CHƆN 8:26

Bai kɔkoo n yii ma, a si wo ma, a kɔkoo kaa a tɛ koe a wo wakoe ma. Chɛɛ an sin gbu, n fan yiima ko ma an na. Min‑na n sɔ, a wan yii ma koe nu mu, a sin mbe tea an fɔ. Chɛ an‑na a fɔ, ɛ min fɔ n ye dechee, n mbe an na ben mɔ ɔ mɔ tena dunya chɛ ɔ.”