CHƆN 3:31 - Yataa 'a Dɔbɛnɛ Nama

³¹ Mɔɛ chɛ, min ka‑a banda bu ɔ, a benden mu mɔɛ gbɛɛ ma, tea ko a. Mɔɛ chɛ sin tana min mbe dunya chɛ ɔ, ɛ bai sa a si dunya ma koe n fan ma dechee.

CHƆN 3:31 ပူးပေါင်းရင်းမြစ်များ

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

CHƆN 1:15

Chɔn na‑a bai sa wan gbankon, a si a ma, a ɔ, “Mɔɛ chɛ mu, n‑na min na koe fɔ wo ye, n dɔ, ‘Mɔɛ min mbe na tena, n gbaa chia a, a gbasayaen mu a ni ben n ma.’ N dɔ, ‘Koe min na mu, a ni wan fɔɛ ɔ, n nii ma suun nin bɛ tima min na.’ ”

CHƆN 1:27

An mbe na tena sɔ‑a n chen gba ɔ. Chɛɛ a tɔɛ ɛ bɔ‑a wan gbeden, a sin gbu, n mbe ee che a 'a kɔɔwa yuu wɛɛ fuin koe a.”

CHƆN 1:30

Mɔɛ chɛ mu, n‑na min na koe fɔ wo ye, n dɔ, ‘Mɔɛ min mbe na tena, n gbaa chia a, a gbasayaen mu a ni ben n ma.’ N dɔ, ‘Koe min na mu, a ni wan fɔɛ ɔ, n nii ma suun nin bɛ tima min na.’

CHƆN 3:30

A nyin a wan ni ma mɔ chenama wa a, n sin tana n ni ma mɔ dɔɔma a.”

CHƆN 6:33

A mu min na, daun fen chɛ, Yataa‑a min be, a mu chɛ an na, min ka‑a banda bu ɔ, a yii‑a, a‑a fɔɛ be dunya ma.”

CHƆN 6:51

N fan mu fɔɛ be daun fen chɛ a, min yii‑a a ka banda bu ɔ. Ni mɔ ɔ mɔ‑a daun fen chɛ daun, ɛ kuɔ fɔ fɔɛ ma sɔn‑da wan. N mbe daun fen chɛ min sin be‑a a ma, a mu n gboo an na. N mbe a be‑a wan, fɔɛ ko a dunya ɔ.”

CHƆN 8:23

Chisɔsi ɔ, “Wo tana, dunya chɛ nɛ, a ɔ mɔɛ n mu wo a. Chɛɛ n tana, n ka‑a pande wan, banda bu ɔ. Dunya chɛ ɔ mɔɛ mu wo a, chɛɛ a ɔ mɔɛ ma n nan sin na.

CHISƆSI 'A SƆ MƆƐ NU 10:36

Wo‑a a ɔ sɔn fan, Yataa‑a bai min na ta Isɔɛɛ mɔɛ n tena. A ni wan sakana bai chɛ ɔ yian‑da, mbɛ faachima ɛ sɔn fan Yataa a, Chisɔsi Chasi 'a gbasaya ɔ, min mu mɔ gbu gbɛɛ 'a mansa a.

GBOO DOMI KO A 9:5

An bɔ kɔnkɔɛ nu, baa ni wan an ma kaka Yataa tena. A sin, Chasi 'a mɔgbuya ta fɛ chia a, a wɛɛ danka‑a bɔ‑a an 'na dambi dɔndɔ gbe chɛ an dɔ. Mɔɛ n gbɛɛ ni tando be a ma kuɔ fɔ ko a. An mu Yataa a fen kɔ fen ko a dunya chɛ ɔ. A ni ma ka.

GBOO IBU MƆƐ N KO A 9:1

Yataa na‑a dɔbɛnɛ saa min chɛ, an bɛ Isɔɛɛ mɔɛ n na, sawa n ni wan a ma, Yataa fai koe a. A sin, mɔ gbu n na‑a kaina nyan fan, samunɛ chɛ koe a.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.

1 CHƆN 4:5

Dunya chɛ ɔ mɔɛ mu an na. Chɛ an‑na a ma, an mbe dunya chɛ ma bai n fan sa, a sin, dunya chɛ ɛ a too ma sɔ wan an ma.

KO Ɔ NUNDENƐ 19:16

Doma kai chɛ min ni a ma, a woo kun ma, tɔɛ an nyɛnden ni a ma, min ni Mansa Wa 'a Mansa a.