CHƆN 3:27 - Yataa 'a Dɔbɛnɛ Nama

²⁷ Chɔn dɔ, “Ni koe ma‑a ka, Yataa an dɔn‑da a ma.

CHƆN 3:27 ပူးပေါင်းရင်းမြစ်များ

MATIU 21:25

Chɔn ni yii chɛ wan mɔɛ n kunɛ ɔ, Yataa chia a. Yataa an fea mɔ gbu a, nyɔn‑na gbasaya chɛ be a ma?” Mbɛ an‑na a kuu sɔ a tɛnsɛ‑a an nyɔn tɛ ɔ, an dɔ te, “Mmɔ ɛ fen fɔ kamin che ye? Ni mmɔ‑a a fɔ, mbɛ Chɔn 'na gbasaya ka‑a Yataa an tena, ɛ a fɔ‑a wan, mbɛ fen na‑a a ma, mmɔ nii ma dan ni Chɔn na.

MATIU 25:15

Kamin chɛ na‑a a 'a sɛn dɔ kamin chɛ n sɔn fan chɛndɛ chɛ. A‑a kɔpɔ sɛmbɛnden to wan an boo ɔ. A‑a a be dɔndɔ ma kain gbɛnsɛn wu duu, dɔndɔɛ wu fea, a sawan bɔɛ sin, wu dɔndɔ. Mbɛ a ta‑a tachɛ chɛ ɔ.

MAKI 13:34

A ɛ wan yɔ mɔɛ, ɛ ma ta‑a tachɛ ɔ. A ɛ ma a waa boo ka‑a, ɛ a 'a bɔi denɛ n to wan chenɛ kun ma fɛn koe a. A ɛ mɔ ɔ mɔ ta wai be wan a ma, mbɛ a‑a a fɔ a 'a chen ma kɔn mɔɛ n ye, a ɔ, an ni chenɛ kun ma fɛn.

CHƆN 10:41

Mɔ sɛsɛ na‑a wan, an‑na Chisɔsi tan. Mbɛ an nyɔn tɛ ɔ, an dɔ, “Chɔn nii ma kamaya ko kan kɔ kan ma ni. Chɛɛ bai n gbɛɛ, a‑a miin fɔ, a si kamin chɛ ma, an ma‑a tea a.”

CHƆN 6:65

Mbɛ a yɛ‑a to, a ɔ, “Kun chɛ gbu ko a mu, n‑na a fɔ wo ye, n dɔ, mɔ ɔ mɔ ee che na‑a n tena, mɔɔ ni Fa Yataa‑a gbasaya be a ma, a mɔɛ chɛ ma koe a n fɛ denɛ a.”

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO DOMI KO A 12:6

Chɛ an‑na a fɔ, Yataa‑a koadia demanɛ chɛ mmɔ a. A‑a mmɔ gbɛɛ kɔ wan mmɔ ta chia n na. Mmɔ wɛn, Yataa‑a mmɔ kɔ a 'a bai sa koe a mɔɛ n tena, mmɔ a sa danaya ɔ min nyɔn sima ɛ mmɔ ɔ.

GBOO SAA KƆYINDI KO A 1:1

N fan Pɔɔ, n fan mbe gboo chɛ nyɛn tena wo tena, nn fea Sositɛnesi a, mmɔ suun ma nyɔɛ Chasi ɔ. Yataa wandi gbu, an dɔn‑da, a boo sɔ koe a n ma, n ni ma Chisɔsi Chasi 'a sɔ mɔɛ a.

GBOO SAA KƆYINDI KO A 12:11

Yataa Nyina dɔndɔ gbe, an mbe a ma koe chɛ n gbɛɛ, an mbe che ma‑a, a ta faa ma a a. Mɔ gbu gbɛɛ, dɔndɔ dɔndɔɛ a, mmɔ ɛ dua chɛ ma sɔn an na.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO SAA KƆYINDI KO A 3:5

Chɛɛ n fan Pɔɔ, n ma mɔ a, Apɔdɔsi wɛɛ ma mɔ ɔ mɔ a. Min sin sien mu nn ma, Yataa 'a yɔnɛ gbama mu nn na, miin‑na a ma, wo dan‑da Chisɔsi Chasi a. Mansa Yataa‑a nn sɔ wai chɛ‑a buɛ min dɔ, nn‑na a chɛ ka wan.

GBOO SAA KƆYINDI KO A 4:7

Wo ta mɔgbuya, a a ma sɛ ni, a ni ben mɔ ɔ mɔ ta ma ɛnden bɛɛ a. Fen kɔ fen min mbe wo boo ɔ, Yataa an‑na a be wo ma. Ni wo‑a an ma sɔn Yataa an na, tea kan kɔ kan mbe ee wo boo ɔ, yonka tɛ koe a, yɔ wo ma an ma sɔn ni an na gbama a.

Gboo Kadesia Ko A 1:1

N fan Pɔɔ, n fan mbe gboo chɛ nyɛn tena, nn bɛ mmɔ suun ma nyɔɛ n gbɛɛ n na Chasi ɔ, miin mbe nɛ. Chisɔsi Chasi 'a sɔ mɔɛ mu n na. Mɔ gbu an ma a ma ni, chɛ ni ma. Chɛɛ Chisɔsi Chasi wandi, an‑na a ma, an fea mmɔ Fa Yataa a, min‑na Chasi chɛ kɔɔ sɔ a ka saya ɔ. N mbe a nyɛn tena wo wan tena, wo wɛn mbe chɔchi n dɔ, Kadesia chɛnyɛ ɔ.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.

CHIMISI 1:17

Ko chɛndɛ gbɛɛ, mabɔ ee min ma, ɛ ka Yataa an tena. Manɛ gbɛɛ, miin na dandenɛ ɛ banda bu ɔ, a boo gba mu an na. Ko chɛndɛ kan kɔ kan, mabɔ ee min ma, a wan‑na an be mmɔ ma, a ka banda bu ɔ. A tana, a ee mun kuɔ fɔ. A ee ka yɔ nininɛ, min mbe ka a gba ɔ.