CHƆN 3:25 - Yataa 'a Dɔbɛnɛ Nama

²⁵ A tima chɛ a, Chɔn fɛ denɛ dɔ nu, kɔɔsa don‑da wan an tɛ, an bɛ Chu mɔ dɔndɔ a. An kɔɔsa chɛ kunɛ ni mɔɛ ɛ a wandi ma ko buɛ min dɔ Yataa ko a.

CHƆN 3:25 ပူးပေါင်းရင်းမြစ်များ

MATIU 3:11

N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

MAKI 7:8

Chisɔsi ɔ, “Wo ta sin, wo e Yataa 'a sawa to wan, mbɛ wo bea‑a wo ta kanɛ fɛ.”

CHƆN 2:6

Chu mɔɛ nu, an 'na Yataa fai ɔ, an 'na sawa n kɔkoo, a si an ko buɛ ma. Chɛ an‑na a fɔ, yii si fenɛ n ni wan nɔ si ɔ, an ni wɔdɔ, an sin gbɛɛ ni koo wan. An nyanden ni senɛ ɔ wan, a sin, a dɔndɔɛ, a ni yii ya wan, min mbe kadɔn bi fea tɛ bi sawa a.

GBOO IBU MƆƐ N KO A 6:2

Mmɔ ma an kan to, a si yii chɛ koe ma mɔɛ n kunɛ ɔ Yataa chia a. A yɛ to, boo bunɛ mɔɛ n ma, an ni dua ma sɔn, ni mɔɛ kɔɔ sɔ koe a, a ka saya ɔ, a basan kaa a tɛ a, min mbe ma‑a nɔ kuɔ fɔ ko a.

GBOO IBU MƆƐ N KO A 9:10

Koe min na mu, chia kɔma chɛ sien ni daun fenɛ n fan bakoe ma. A yɛ to, mɔɛ ma ɛ ko buɛ min dɔ, Chu n 'na sawa ta fɛ chia a. Chɛ n gbɛɛ, sawa gbama n fan nɛ. An ni nɔ dechee aan tima chɛ an ko a, Yataa na‑a a ta dɔbɛn nama chɛ tima min na.

GBOO IBU MƆƐ N KO A 9:23

Chɛ ko a, koe ni min mbe ma, fen chɛ nu, miin bɔen mu fenɛ n na miin mbe banda bu ɔ, an ni ko fo chia chɛ a. Chɛɛ fen chɛ nu banda bu ɔ, yasi min mbe bɔ an ko koe a fion, a nyin an yasi chɛ ni ben dunya ɔ nɛnɛ ta ma.

1 PITA 3:21

Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.