CHƆN 3:21 - Yataa 'a Dɔbɛnɛ Nama

²¹ Chɛɛ mɔ ɔ mɔ min mbe ko chɛndɛ ma, an mbe na man chɛ tena. A ɛ chɛ ma, min mbe a ma, man chɛ ni a ɔ yian, mbɛ ɛ kooya be wan Yataa ma, a chɛ chɛ wai n dɔ.

CHƆN 3:21 ပူးပေါင်းရင်းမြစ်များ

CHƆN 1:47

Chisɔsi‑a Natanɛɛ yen kɛn na‑a a tena, a‑a chɛ an fɔ, a si a ma. A ɔ, “Isɔɛɛ mɔɛ chɛndɛ chɛndɛ a yen ko na‑a, tɔɛ chɛ bɛnden mu min kun ma. Mɔɛ mu a a, a ee mɔ ɔ mɔ bun.”

CHƆN 3:20

Mɔ ɔ mɔ min mbe ko yama n ma, a ma to ni man chɛ a, a sin, a e na man chɛ ɛ ma kaina min. Koe min na mu, a ma to ni, man chɛ ni a 'a ko yama n na bɔ ya a ma.

CHƆN 5:39

Wo e Yataa 'a gboo kan fan chɛndɛ chɛ, koe min na mu, ɛ wo yii ma, an mbe a ma‑a, wo ni kuɔ fɔ fɔɛ ma sɔn. Bai miin gbu sin nyɛnden mu gboo chɛ ɔ, an sien mu n fan ma.

CHƆN 7:17

Mɔ ɔ mɔ min ma bɛnden mu, Yataa faa ma koe ma koe a, an mbe a ɔ sɔn, n mbe kanɛ min chɛ tena. A mɔɛ chɛ, an mbe a ɔ sɔn, ni n mbe Yataa da a bai an na ben tena. Chɛ ma, an mbe a ɔ sɔn, ni n mbe a chɛ tena n fandi kun ma an na.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

Gboo Kadesia Ko A 6:8

A sin, ni mɔɛ ma‑a dechee a faa ma koe yama ma‑a mɔgbuya ɔ, a gbɔɛ ɛ ma‑a kuɔ fɔ saya an na, a danka a. Chɛɛ mɔɛ min mbe ma‑a Yataa Nyina gbee a, a gbɔɛ ɛ ma‑a kuɔ fɔ fɔɛ an na.

Gboo Ɛfisɔsi Ko A 5:9

Koe min na mu, a ɔ ɛ yen ka wan, mbɛ mɔɛ ɛ wan manɛ kɔɔ. Mɔ ɔ mɔ min mbe manɛ chɛ kɔɔ, ɛ ko chɛndɛ an ma tea tea ɔ, a sin, a tanden mu Yataa tena.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 2:13

Koe min na mu, Yataa an mbe wai chɛ tena wo ɔ. A wan mbe a ma tena, wo ma bɛndenɛ ɛ kooya be koe a a ma. A sin, ɛ gbasaya chɛ wo ɔ, a faa ma koe ma koe a.

Gboo Kɔdɔsai Ko A 1:29

N mbe wai chɛ tena n sɔɛ gbɛɛ a, chɛ an ko a. Chasi wan sin‑na an gbasaya wa chɛ chɛ n dɔ.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 CHƆN 1:6

Ni mmɔ‑a a fɔ, mbɛ mmɔ bɛ an mbe gbɛ a a kuiɛ dɔndɔɛ ɔ, chɛɛ mmɔ ɛ a a tun‑da tachɛ koe a pimbi ɔ, mmɔ ɛ ma‑a ka fania an fɔ‑a. Mmɔ sin mbe ee ma‑a ka tea koe ɔ.

3 CHƆN 1:11

N dia nyɔɛ, i ma bea mɔɛ n fɛ, miin mbe ko yama ma. Chɛɛ bea chɛ n fan fɛ, miin mbe ko chɛndɛ ma. Mɔ ɔ mɔ min mbe koe ma min nyin, Yataa 'a mɔɛ mu. Chɛɛ mɔ ɔ mɔ min mbe koe ma, min ma nyin, a ma Yataa sɔn.

KO Ɔ NUNDENƐ 3:15

A ɔ, “N‑na a ɔ sɔn fan, wo e tachɛ tena buɛ min dɔ. Wo e wan dechee yɔ yii, min ma gbandi, a sin ma chima ni to. A ni nyan fan, wo ni ma chia dɔndɔ a, an ni a ma‑a wo ma gbɔsɔɛ ni ma n ma.