CHƆN 3:15 - Yataa 'a Dɔbɛnɛ Nama

¹⁵ Chɛ ɛ a ma‑a wan, mɔ ɔ mɔ min kai faen mu n na, an ni kuɔ fɔ fɔɛ ma sɔn.”

CHƆN 3:15 ပူးပေါင်းရင်းမြစ်များ

MATIU 18:10

Chisɔsi ɔ te to, “Wo wo kun ma fɛn. Wo ma wo ya a yii n fɛ denɛ den tachɛen bɛɛ ma. N ni a ma din wo tena, mbɛ maeka n mbe wan an boo ɔ banda bu ɔ, tɛɛ ee miin tɛ an bɛ Fa Yataa a.

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

DUKU 19:10

N fan, Mɔ Gbu 'a Denɛ, n naen mu dunya chɛ ɔ mɔɛ n fan yan koe a, miin toen mu a ɔ Yataa ma, n ni an kun ka.”

CHƆN 1:12

Chɛɛ mɔɛ n‑na an boo si wan a kɔɔ, miin‑na an kai fa a a. Chɛ ko a, an mɔɛ chɛ nu, a‑a gbasaya be wan an ma, ma koe a Yataa 'a denɛ n na.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHƆN 20:31

Chɛɛ miin nyɛndenɛ ɛ ka gboo chɛ ɔ, an nyɛn‑da, min mbe a ma, wo ni wo kai fa Chisɔsi a, mbɛ a wan mu kunka mansa a. A yɛ to, mbɛ Yataa 'a denɛ mu a a, a sin, ni wo‑a wo kai fa a a, wo e kuɔ fɔ fɔɛ ma sɔn‑da wan.

CHƆN 3:16

Yataa na‑a a 'a Den dɔndɔ gbe be wan, a ɔ yian koe a mɔɛ n na dunya ɔ, koadia min nyɔn sima ɛ a faa ɔ, mɔɛ gbɛɛ ko a. Chɛ an fɛ mu, ni mɔ ɔ mɔ‑a a kai fa a 'a Den chɛ a, a ee fa‑a, a ni to saya ɔ, chɛɛ ɛ kuɔ fɔ fɔɛ ma sɔn‑da wan.

CHƆN 3:36

Mɔɛ min mbe a kai fa‑a Yataa 'a denɛ a, ɛ kuɔ fɔ fɔɛ ma sɔn‑da wan. Chɛɛ mɔɛ min mbe ee a kai fa‑a a 'a Denɛ a, a ee kuɔ fɔ fɔɛ ma sɔn‑da. Koe min na mu, Yataa faa tɛenɛ an mbe ma‑a a ma.

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHƆN 6:27

Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

CHƆN 6:40

A mu min na, Fa Yataa toen mu min na, an nɛ. Mɔ ɔ mɔ min mbe dɔn‑da a ma, mbɛ Yataa 'a denɛ mu n na, mbɛ a‑a a kai fa n na, n ni a ma, a ni kuɔ fɔ fɔɛ ma sɔn. A sin, n mbe an kɔɔ sɔ‑a wan, a ka saya ɔ tee dankama ma.”

CHƆN 6:47

N mbe chɛ ma din tena wo tena, mbɛ mɔɛ min mbe a kai fa‑a n na, an mbe kuɔ fɔ fɔɛ ma sɔn‑da.

CHISƆSI 'A SƆ MƆƐ NU 13:41

‘Wo a yen, bai yama sa mɔɛ nu, a si Yataa da a bai n ma. N mbe na tena wan koe ma‑a bi tee chɛ kɔɔ, wo ee dan‑da min na kuɔ fɔ, mɔɛ ni a ɔ yian bɛɛ wo a. Chɛ an fɛ mu, wo da a ɔ gbaa‑a wan, mbɛ wo fa‑a.’ ”

CHISƆSI 'A SƆ MƆƐ NU 8:36

Mbɛ an mbe kɛn ta‑a chia chɛ a, an che‑a wan kaina, yii ni kaina min. Mbɛ Itiopia mɔ chenama chɛ‑a a fɔ Fiipi ye, a ɔ, “Yii yen ko nɛ. Ko ɔ ko ɛ wan nɔ, min mbe i ka‑a to yii chɛ‑a n kunɛ ɔ, Yataa chia a?”

GBOO DOMI KO A 5:21

N da a bai kunɛ a bia koe a, ko yama‑a gbasaya ɔ yian buɛ min dɔ saya ɔ, Yataa 'a koadia demanɛ a ta gbasaya wɛɛ ɔ, mmɔ ya‑a ka wan mɔ tandenɛ n na a chen kɔɔ. Chɛ‑a a ma wan, mmɔ‑a kuɔ fɔ fɔɛ ma sɔn, mmɔ 'a mansa Chisɔsi Chasi‑a min be.

GBOO SAA KƆYINDI KO A 1:18

A mu min na, sakana bai chɛ a si Chisɔsi Chasi fa koe ma kɔn gbengbanden chɛ ma, a mu wooya bai an na mɔɛ dɔ n tena. Chɛ nu, miin mbe ee na‑a bauncha ma sɔn‑da. Chɛɛ mmɔ wɛn mbe bauncha chia ma, bai chɛ mu Yataa 'a gbasaya an na.

GBOO FEAN BƆƐ KƆYINDI KO A 4:3

A sin, nn mbe chɛ ma tena wɛɛ, mɔɛ dɔ n mbe ee che Yataa bai chɛ ɔ gbɛ‑a, nn mbe min dɔ yian tena. An mɔɛ chɛ nu, miin mbe ee a ɔ gbɛ, an mu chɛ n fan na, miin mbe kasaa tena.

Gboo Kadesia Ko A 2:16

Chɛ gbɛɛ ɔ, mmɔ wɛn mu Chu mɔɛ n na, mmɔ ni a ɔ sɔn, mbɛ mɔɛ ɛ wai min chɛ, an mbe ee a ma, Yataa ni a ya mɔ tandenɛ a, a tena. Chɛɛ chɛ ɛ bɔ kai fa an dɔ, mɔɛ ɛ min chɛ Chisɔsi Chasi a. Chɛ ko a, mmɔ wɛɛ mmɔ‑a mmɔ kai fa Chisɔsi Chasi a, min mbe a ma, Yataa ni mmɔ ya mɔ tandenɛ n na, a tena, mmɔ 'a kaifa chɛ ko a. A ee bɔ wai an dɔ, sawa ɛ a ma, mɔɛ ɛ min chɛ. Koe min na mu, ni wai ta fɛ chia a mu, sawa ɛ a ma mɔɛ ɛ min chɛ, Yataa ee mɔ ɔ mɔ ya mɔ tandenɛ a, a tena.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

GBOO IBU MƆƐ N KO A 10:39

Chɛɛ mɔɛ ma mmɔ wan na, miin mbe an kan kɔ sɔ, mbɛ an ka‑a Yataa chia ma. Chɛɛ mmɔ kai faen fan mu Chisɔsi a, a sin, mmɔ kun kaen fan mu.

GBOO IBU MƆƐ N KO A 7:25

A sin fan fɛ mu, mɔɛ miin mbe na Yataa tena, a 'a gbasaya ɔ, ɛ an mɔɛ chɛ n kun bɔ wan tima ɔ tima an 'na ko yama n dɔ. Koe min na mu, tima ɔ tima ko a, ɛ wan nɔ, Yataa ma nande koe a, an mɔɛ chɛ n ko a.

1 CHƆN 2:25

A‑a mmɔ too ɔ dia chɛ an na, kuɔ fɔ fɔɛ.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.