CHƆN 3:11 - Yataa 'a Dɔbɛnɛ Nama

¹¹ N ni chɛ ma din i tena, mbɛ nn‑na koe miin dɔ sɔn, nn mbe koɔ a si an fan ma. A yɛ to, nn‑na koe miin dɔ yen, nn mbe siiya bɔ a si an fan ma. Chɛɛ chɛ gbɛɛ ɔ, wo dɔndɔ wɛɛ ma ma bɛn ni dan koe a nn 'na siiya a.

CHƆN 3:11 ပူးပေါင်းရင်းမြစ်များ

MATIU 11:27

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.

MATIU 23:37

Mbɛ Chisɔsi ɔ, “Wo wan Chuusaɛn mɔɛ nu, wo‑a a tun Yataa 'a gbonka chɛ mɔɛ n fa koe a. A yɛ to, Yataa ɛ a 'a sɔ mɔɛ miin na na wo tena, wo‑a a tun to an bon koe a, an ni fa. Tima sɛsɛ ko a, n toen ni, n ni wo a sɔn sɔn kaina dɔndɔɛ, yɔ tɛ kuinsa ɛ a 'a denɛ n don buɛ min dɔ a kambanɛ kɔɔ. Chɛɛ wo ma dɔn ni n ye.

DUKU 10:22

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma, ko ɔ ko kun ma. Fa dɔndɔ gbe an‑na a ɔ sɔn chɛndɛ chɛ, mɔɛ min mu n na. N bɛɛ n dɔndɔ gbe an‑na a ɔ sɔn chɛndɛ chɛ, mɔɛ min mu Fa a. N‑na mɔɛ miin ya Fa sɔn koe a, an bɛɛ‑a a ɔ sɔn‑da wan chɛndɛ chɛ, mɔɛ min mu Fa a.”

CHƆN 1:11

A ta‑a wan a waa a, chɛɛ a ta mɔɛ chɛ nu, an ma an boo a si ni a kɔɔ.

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 12:49

N mbe ee koɔ n fandi 'a gbasaya an kɔɔ. Chɛɛ Fa min‑na n sɔ, ɛ min fɔ n ye a fɔ koe a, n mbe an fɔ.

CHƆN 14:24

Mɔɛ min ma to ni n na, a ee che koe chɛ n ma‑a, n‑na miin fɔ a ye. A sin, n mbe bai chɛ miin gbɛɛ fɔ, n mbe ee an tɛ n fandi gboo an ma, chɛɛ Fa min‑na n sɔ, a 'a sakana bai nu mu, n mbe an na ben.

CHƆN 3:12

Ni n‑na dunya ma koe n dɔ yian wo a, wo ma dan ni n na, wo ee che‑a wo ni dan n na, ni n‑na banda bu ɔ koe n dɔ yian wo a. Chɛ ɛ ma‑a wan?

CHƆN 3:13

A sin ko, mɔ ɔ mɔ ma sɛ nin bɛ banda bu ɔ, mɔɔ dechee n fan, Mɔ Gbu 'a Denɛ. N fan ka‑a nɔ, n yii‑a nɛ dunya chɛ ɔ.

CHƆN 3:3

Mbɛ Chisɔsi ɔ, “N ni a ma din i tena, mɔ ɔ mɔ ee don Yataa 'a mansaya kɔɔ, mɔɔ ni a mɔɛ chɛ suun‑da to a nama a.

CHƆN 3:5

Mbɛ Chisɔsi ɔ, “N ni a ma din to i tena, mbɛ mɔ ɔ mɔ ee che don‑da Yataa 'a mansaya kɔɔ, mɔɔ ni a suun‑da to yii a, an fea Yataa Nyina a.

CHƆN 5:43

N fan mu mɔɛ a, Fa‑a min na na, ma koe a a ya a wo tɛ ɔ. Chɛɛ wo ma wo boo si ni n kɔɔ. Chɛɛ mɔɛ chɛ nu, miin mbe na dechee an fandi kun ye, wo e wo boo si an fan kɔɔ.

CHƆN 7:16

Chɛ ko a, mbɛ Chisɔsi ɔ, “N mbe kanɛ miin chɛ, an mbe ee bɔ n ta yiimatɛ an dɔ. Chɛɛ Fa Yataa, min‑na n sɔ, an mbe an be n ma.

CHƆN 8:14

Chisɔsi ɔ, “A ee ka. Mmɔ a ya, mbɛ n mbe siiya an bɔ tena n fandi ko a. Chɛɛ n mbe bai miin fɔ tena, tea mu. Koe min na mu, n ka‑a kaina min, n‑na nɔ sɔn fan. A sin to, n‑na n ta tena sɔn fan. Chɛɛ wo tana, wo ma an kaina chɛ n dɔndɔ wɛɛ sɔn.

CHƆN 8:26

Bai kɔkoo n yii ma, a si wo ma, a kɔkoo kaa a tɛ koe a wo wakoe ma. Chɛɛ an sin gbu, n fan yiima ko ma an na. Min‑na n sɔ, a wan yii ma koe nu mu, a sin mbe tea an fɔ. Chɛ an‑na a fɔ, ɛ min fɔ n ye dechee, n mbe an na ben mɔ ɔ mɔ tena dunya chɛ ɔ.”

CHƆN 8:38

Fa na‑a koe miin yian n na, n mbe koɔ tena a si an fan ma. Wo sin, wo fa na‑a koe miin fɔ wo ye, wo e an fan ma ka.”

CHISƆSI 'A SƆ MƆƐ NU 22:18

mbɛ n‑na Mansa Chisɔsi yen. A ni wan a fɔ tena n ye, a ɔ, ‘A a gbandia, i ni bɔ dɔndɔ gbe nɛ chɛ Chuusaɛn duu ɔ. Koe min na mu, an mbe ee an boo si‑a bai chɛ kɔɔ, e miin fɔ‑a, a si n ma.’

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”