CHƆN 21:9 - Yataa 'a Dɔbɛnɛ Nama

⁹ An che‑a kɛn tindi ma, an bɔ‑a dɛndɛ chɛ ɔ, mbɛ an‑na ta a dɛndenɛ tan nɔ, nyɛ kua ɛ gbaa sa ɔ ta chɛ a. An na‑a biidi wɛɛ yen fan nɔ si ɔ.

CHƆN 21:9 ပူးပေါင်းရင်းမြစ်များ

MATIU 4:11

Mbɛ Sitana gbu ka‑a Chisɔsi fɛ, a ta‑a. A yen ko, mbɛ maeka n na‑a, an‑na a deman.

MAKI 8:3

Ni n‑na a ma sunɛ an ni ta an kɔnkɔ tɔɛ a, an mbe ka‑a wan an chenɛ kɔɔ chia a, an ni bɔn a ma. Koe min na mu, an dɔ nu, an ka‑a kaina min nu, an dɔ yansan.”

CHƆN 18:18

Chima an ni na tena a tima chɛ a, min‑na a ma, tɛ mɔ wa chɛ 'a bɔi denɛ chɛ n dɔ nu, an bɛ Yataa 'a kata kun ma fɛn poesi chɛ n na, an‑na ta chɛ chɛmbu ɔ. A sin, an tindanden fan ni a a, an mbe an gbaa‑a. Mbɛ Pita wɛɛ na‑a an tena, a sɔ‑a, a bun‑da a gbaa‑a.

CHƆN 21:10

Mbɛ Chisɔsi a ɔ an ma, a ɔ, “Wo na nyɛ dɔ a, wo‑a miin bia ka sanche.”

CHƆN 21:13

Mbɛ Chisɔsi‑a a boo a ta, a‑a biidi chɛ ya, mbɛ a‑a a be an ma. A‑a chɛ an ma nyɛ chɛ wɛɛ a, min ni ta chɛ a.

CHƆN 21:8

A bɔɛ fɛ denɛ tɔɛ chɛ n to‑a wan dɛndɛ gbu ɔ, aan an na‑a tindi ma, an mbe yaa chɛ sawan‑da, min na faenɛ ni ka nyɛ n na. Tindi chɛ ma ɔ nii ma yansan an na. An tɛɛ ni ma wan yadi chɛmɛ dɔndɔ nyɔn na.

CHƆN 6:11

Mbɛ Chisɔsi‑a biidi chɛ ya, a‑a Yataa wai bɔ, mbɛ a‑a a ma, a du‑a mɔɛ chɛ n gbɛɛ ma, miin ni ka nɔ si ɔ. A‑a ko dɔndɔ gbe chɛ an ma nyɛ chɛ wɛɛ a, mbɛ a‑a a ma, a wɛɛ du‑a mɔɛ chɛ n ma. A sin, an gbɛɛ, an‑na an bu fa daunɛ chɛ wan, yɔ an toen ni min na.

CHƆN 6:9

a ɔ, “Kaienɛ yen ko nɛ, biidi gbugbu duu, ɛ min boo ɔ, a basan nyɛ gbaa fea a. Chɛɛ chɛ gbu, ɛ fen bɔ mɔ bonda chɛ n ko a?”