CHƆN 21:7 - Yataa 'a Dɔbɛnɛ Nama

⁷ Mbɛ Chisɔsi fɛ denɛ dɔndɔɛ chɛ, min ko a ni di ka a ye gbeden, a‑a a fɔ Pita ye, a ɔ, “Mansa Chisɔsi an mbe ka sɔ ɔ tindi ma.” Pita‑a chɛ a min kɛn, mbɛ an 'na mansa an nɛ, mbɛ a na‑a a 'a doma min bɔ ka, ɛ nyɛ gbain chɛ‑a, mbɛ a‑a a chii fɔin a bu tɛ, mbɛ a dɛ‑a yii chɛ ɔ.

CHƆN 21:7 ပူးပေါင်းရင်းမြစ်များ

MAKI 11:3

Ni mɔ ɔ mɔ‑a wo ɔ tisa, fen ko a mu wo e chɛ ma tena, wo a fɔ a ye, wo ɔ, mansa an mbe a ma gbɔsɔɛ bɔ tena a a. Wo ɔ, ni a ban‑da dechee, wo e yɛ‑a wan a a dɔndɔ gbe.”

DUKU 12:35

Chisɔsi ɔ, “Wo wo ma bɛn, mbɛ wo‑a wo 'a dambo a man wai chɛ koe a.

DUKU 2:11

Den toa suun‑da Mansa Defidi 'a duu ɔ bi tee chɛ a. An den toa chɛ, an mbe wo baun‑da. An mu kunka mansa a, tea Mansa.

DUKU 7:47

Chɛ an‑na a fɔ, n ni a ma din i tena, mbɛ musu chɛ‑a koadia chenama min dɔ yian ka n na, a‑a a ɔ yian fan, mbɛ Yataa‑a a boo bɔ a 'a ko yama chɛ n gbɛɛ ɔ. Chɛɛ Yataa ɛ a boo bɔ‑a mɔɛ min 'na ko yama sima sima ɔ dechee, a mɔɛ chɛ ee koadia chenama ɔ yian.”

CHƆN 13:23

Chisɔsi fɛ den chɛ n dɔndɔ, min ko a ni di a ye kaka, a ni wan Chisɔsi tɔnfɛ daun chɛ‑a.

CHƆN 19:26

Chisɔsi fɛ den chɛ, min ko a ni di a ye gbeden, a wɛɛ ni wan nɔ sɔ ɔ Chisɔsi de baima. Chisɔsi‑a an fea chɛ yen kɛn sɔ ɔ, mbɛ a ɔ, “N de, i 'a denɛ an nɛ gbɛ.”

CHƆN 20:2

Mbɛ a‑a bui sa a a Saimɔn Pita tena, an fea a bɔɛ fɛ denɛ dɔndɔɛ chɛ a, min ko a ni di ka gbeden Chisɔsi ye. Mbɛ an Mɛi chɛ‑a a fɔ an ye, a ɔ, “Mɔɛ n‑na mmɔ 'a mansa su bɔ kamba ɔ, a sin, nn ma a ɔ sɔn an taen mu a a kaina min.”

CHƆN 20:20

Chɛ fɔenɛ gbakɔ a boo ɔ, mbɛ Chisɔsi‑a a boo n yian an na, a basan a kaa a fɛ chɛ a. An na‑a an 'na mansa yenɛ min chɛ ka, a na‑a a fɛ den chɛ n bu ɔ dia‑a wan gbeden.

CHƆN 20:28

Mbɛ a wan Tɔmɔsi ɔ gbɛ, a ɔ, “I wan mu n 'na mansa a, i wan mu n 'na Yataa a.”

CHƆN 21:20

Mbɛ Pita‑a a ya a mun, mbɛ a‑a a bɔɛ chɛ yen na‑a gbaa a, a bɔɛ min ko a di ka an 'na mansa ye gbeden. A bɔɛ chɛ, an ni min dɔ daun chɛ tena yɛɛ ma tee a, an na‑a a da a ta Chisɔsi too baima, mbɛ a‑a a ɔ tisa, a ɔ, “Mansa, nyɔn gbu sin mbe na tena i ma tachɛ‑a, i chɛɛ ma nyɔnɛ n ma?”

CHƆN 21:24

N fan mu an fɛ den chɛ a, n fan‑na koe chɛ n gbɛɛ ɔ yen, mbɛ n‑na an nyɛn nɛ n 'na gboo chɛ ɔ. A sin, mmɔ‑a a ɔ sɔn fan, mbɛ n‑na miin gbɛɛ fɔ, mbɛ tea bai nu mu an na.

CHƆN 21:8

A bɔɛ fɛ denɛ tɔɛ chɛ n to‑a wan dɛndɛ gbu ɔ, aan an na‑a tindi ma, an mbe yaa chɛ sawan‑da, min na faenɛ ni ka nyɛ n na. Tindi chɛ ma ɔ nii ma yansan an na. An tɛɛ ni ma wan yadi chɛmɛ dɔndɔ nyɔn na.

CHISƆSI 'A SƆ MƆƐ NU 10:36

Wo‑a a ɔ sɔn fan, Yataa‑a bai min na ta Isɔɛɛ mɔɛ n tena. A ni wan sakana bai chɛ ɔ yian‑da, mbɛ faachima ɛ sɔn fan Yataa a, Chisɔsi Chasi 'a gbasaya ɔ, min mu mɔ gbu gbɛɛ 'a mansa a.

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

GBOO SAA KƆYINDI KO A 15:47

Mɔ kaima saa saa chɛ, a bɔ‑a duu gboo an dɔ, a nyan‑da fifii ɔ. Mɔ kaima fean bɔɛ chɛ sin, a ka‑a banda bu ɔ wan.

GBOO FEAN BƆƐ KƆYINDI KO A 5:14

Chisɔsi Chasi 'a koadia, an mbe tachɛ tena mmɔ a. Mmɔ ban‑da ka gbɛ buɛ min dɔ a ɔ sɔn‑da, mbɛ a dɔndɔ gbe an fa‑a mɔ gbu gbɛɛ ko a. Chɛ ɛ a ɔ yian fan, mbɛ mɔɛ gbɛɛ fa‑a wan, a 'a saya chɛ ɔ.

CHIMISI 2:1

N suun ma nyɔɛ nu Chasi ɔ, wo ma to mɔɛ dɔ n na, a ni ben dɔ n ma. Ni wo‑a chɛ ma, wo ee che a fɔ‑a, mbɛ wo kai faen fan mu mmɔ 'a mansa Chisɔsi Chasi a, min mbe si ɔ a 'a basɔmaya ɔ.