CHƆN 21:25 - Yataa 'a Dɔbɛnɛ Nama

²⁵ Chisɔsi na‑a ko sɛsɛ dɔ mende n ma wan. Chɛɛ an koe chɛ n gbɛɛ nii ma nyɛn ni dɔndɔ dɔndɔɛ a. Ni an na‑a an gbɛɛ nyɛn, n mbe a ya tena, mbɛ dunya chɛ gbɛɛ ɔ kaina nii a kun‑da an gboo chɛ n gbɛɛ sa tena ko a.

CHƆN 21:25 ပူးပေါင်းရင်းမြစ်များ

MATIU 11:5

Wo a fɔ a ye, wo ta yiima ɔ, mbɛ ya te tɔɛ nu, an‑na kaina ɔ yen, wo ɔ, namaa an sɔ‑a. Wo a fɔ to, wo ta yiima ɔ, wo ɔ, gbandi yama ni miin gboo ma, an baun‑da, wo ɔ, too gbee tɔɛ nu, an‑na koe a min, wo ɔ, miin faen ni, an‑na fɔɛ ma sɔn to, wo ɔ, yɔn tɔɛ n bɛɛ, an‑na sakana bai chɛndɛ chɛ a min.

MATIU 19:24

Ka wɛ n mbe a ma din to wo tena, mbɛ a ɔ gbɛ kaka nyan tɔɛ ko a, a ni don Yataa 'a mansaya kɔɔ, a ni ben ninchi don koe ma miichi woe a.”

MAKI 5:16

Mɔɛ miin ni ka nɔ ko ɔ ko ma‑a, an fan‑na a gbɛɛ ɔ yian gbɛ an bɔ n na. An‑na a ɔ yian, Chisɔsi na‑a nyina yama chɛ n gbain buɛ min dɔ kamin chɛ fɛ, a basan kɔɛnya chɛ n bakoe a.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 20:35

N‑na a ɔ yian fan wo a, chia ɔ chia a, mɔɛ ɛ wai chɛ buɛ min dɔ a boo a, basan koe a mɔɛ n ma, boo ee miin ma, an ma koe chɛ koe a. Mmɔ yii ɛ ma‑a wan bai chɛ kɔ, Mansa Chisɔsi na‑a min fɔ, a ɔ, ‘Dua ɛ fenɛ be mɔɛ ma kaka, a ni ben a bia mɔɛ ma.’ ”

GBOO IBU MƆƐ N KO A 11:32

Chɛɛ bai ee to n da a, a fɔ koe a. Koe min na mu, tima ee ma‑a nɔ, an gbɛɛ tɔɛ ɔ tɛ koe a dɔndɔ dɔndɔɛ a. Kideɔn ni ma, Baaki, Samisin ni Chɛfata. Mansa Defidi wɛɛ, an fea Samɛɛ a, ni Yataa 'a gbonka chɛ mɔɛ tɔɛ nu,