CHƆN 21:23 - Yataa 'a Dɔbɛnɛ Nama

²³ Chɛ‑a a ma wan, bai fasan‑da a ɔ Chisɔsi fɛ mɔɛ n tɛ ɔ, mbɛ a fɛ den chɛ nɛnɛ ee fa‑a to. Chɛɛ Chisɔsi nii ma a fɔ ni, mbɛ a gbu ee fa‑a. A na‑a a fɔ wan dechee, a ɔ, “Pita, i ta kuu? A ya mbɛ n gbu n‑na a fɔ, n dɔ, a fɔɛ ɛ to‑a wan a sun da a, aan n ni yɛ to dunya chɛ ɔ.”

CHƆN 21:23 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

CHISƆSI 'A SƆ MƆƐ NU 28:14

Suun ma nyɔɛ dɔ nu Chasi ɔ, nn‑na an tan fan nɔ, a sin, an‑na nn dɔ bia wan, ma koe a an 'na sondaya a, tɛn sɔngbɔ dɔndɔ ko a. Mbɛ nn danka‑a gbɛ na‑a Domi duu ɔ.

CHISƆSI 'A SƆ MƆƐ NU 6:3

Chɛ an fɛ mu, nn suun ma nyɔɛ nu Chasi ɔ, wo mɔ wɔnfea ya wo tɛ, basɔmaya ɛ wo boo ɔ miin ko a. Yataa Nyina ɛ miin fɛ, a yɛ to, miin yiima tɛen mu, min mbe a ma, nn ni wai chɛ nɛnɛ be an ma.

GBOO SAA KƆYINDI KO A 11:26

Koe min na mu, wo e biidi chɛ daunɛ min chɛ‑a tima sɛsɛ ko a, wo ni gbɛ chɛ wɛɛ min kɔpu ɔ, wo e ma‑a Mansa Chisɔsi 'a saya an dɔ yian‑da den, aan a ni na to.

GBOO SAA KƆYINDI KO A 4:5

Chɛ an fɛ mu, wo ma a a gbandia, kaa a tɛ koe a mɔ ɔ mɔ ma, tima ya ɔ, Mansa Chisɔsi e na to na‑a. A wan mbe koe n na bɔ‑a ya a ma, miin mbe nun dɔ, ni koe nu miin mbe mmɔ faa ɔ. A sin, tando min nyin, Yataa ɛ a be‑a wan mɔ ɔ mɔ ma, a be koe nyin mɔɛ miin ma.

CHIMISI 5:7

N suun ma nyɔɛ nu Chasi ɔ, wo ma faabia ɔ, wo e ta‑a mmɔ 'a mansa Chisɔsi Chasi yɛ tima ma kɔn‑da dunya chɛ ɔ. Wo a ɔ yen bɛ sɛnɛ sa mɔɛ ɛ faabia min chɛ, sama ma kɔnɛ a, sona ni chɛ. Ɛ a faa bia wan aan, tima ma kɔnɛ a, a 'a chin fen nyima ni che a ya tena.

KO Ɔ NUNDENƐ 2:25

Chɛɛ wo gboo ɔ ma fa dan koe a n na.