CHƆN 21:22 - Yataa 'a Dɔbɛnɛ Nama

²² Mbɛ Chisɔsi ɔ, “Pita, i ta kuu? A ya mbɛ n gbu n‑na a fɔ, n dɔ, a fɔɛ ni to a sun da a, aan n ni yɛ to dunya chɛ ɔ. A a tun dechee ma koe a n fɛ denɛ a.”

CHƆN 21:22 ပူးပေါင်းရင်းမြစ်များ

MATIU 16:24

Mbɛ a ɔ an gbɛɛ ma, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn mɔnɛ ɔ bia koe a n ko a, a basan fa koe a.

MATIU 24:27

Koe min na mu, n fan, Mɔ Gbu 'a Denɛ, n mbe na‑a wan mɔ ɔ mɔ ni n yen, yɔ mɔ ɔ mɔ ɛ banda manɛ yen buɛ min dɔ, ni a man‑da mia banda a.

MATIU 24:3

Chɛ gbakɔ, Chisɔsi ni wan si ɔ Wodifi kɔnkɔɛ kun ma, mbɛ a fɛ denɛ n na‑a a tena. Mbɛ an dechee a nɔ, an dɔ, “I‑a bai miin fɔ ka, a ɔ yian nn na, ni sɔyɔ mu koe chɛ n mbe ma‑a. Nn mbe a ɔ sɔn‑da ka ma, mbɛ dunya danka che‑a, i na koe a? A tɔmɔsi ɛ ma‑a fen na?”

MATIU 24:44

Chɛ an‑na a fɔ, wo ma bɛndenɛ ni ma tima ɔ tima ko a. A mu min na, wo ee na‑a tee sɔn‑da, n fan, Mɔ Gbu 'a Denɛ, n mbe na‑a tee min ma.”

MATIU 25:31

Chisɔsi ɔ, “N fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ maeka n gbɛɛ a. Ni n sin ma‑a na‑a, n mbe ma‑a wan man‑da, mbɛ n si‑a n 'na mansa sea chɛ a, Yataa 'a manɛ ɔ.

MATIU 8:22

Chɛɛ Chisɔsi‑a a fɔ wan a wɛɛ ye, a ɔ, “Bea n fɛ. Mɔɛ miin mbe yɔ mɔ faenɛ nu, an to nɔ, an ni an 'na mɔ faenɛ n tɔn.”

MAKI 9:1

Mbɛ Chisɔsi ɔ te to an ma, “N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan Yataa 'a mansaya ɔ ni yian, gbasaya wandi a.”

CHƆN 21:19

Chisɔsi da a bai chɛ, a ni ka a ɔ yian fan na, mbɛ Pita ni na tena fa‑a ka wan. A sin, a 'a saya chɛ ɛ na‑a wan a ma‑a mɔɛ n ni Yataa 'a kamaya ɔ yen. Mbɛ Chisɔsi ɔ gbɛ a ma, a ɔ, “A a tun ma koe n fɛ denɛ a.”

CHƆN 21:21

Mbɛ Pita‑a a yen kɛn, mbɛ a‑a Chisɔsi ɔ tisa, a ɔ, “Mansa, an mbe n bɔɛ chɛ nan sin bia ka ma?”

GBOO SAA KƆYINDI KO A 11:26

Koe min na mu, wo e biidi chɛ daunɛ min chɛ‑a tima sɛsɛ ko a, wo ni gbɛ chɛ wɛɛ min kɔpu ɔ, wo e ma‑a Mansa Chisɔsi 'a saya an dɔ yian‑da den, aan a ni na to.

GBOO SAA KƆYINDI KO A 4:5

Chɛ an fɛ mu, wo ma a a gbandia, kaa a tɛ koe a mɔ ɔ mɔ ma, tima ya ɔ, Mansa Chisɔsi e na to na‑a. A wan mbe koe n na bɔ‑a ya a ma, miin mbe nun dɔ, ni koe nu miin mbe mmɔ faa ɔ. A sin, tando min nyin, Yataa ɛ a be‑a wan mɔ ɔ mɔ ma, a be koe nyin mɔɛ miin ma.

Gboo Saa Tɛsadonika Ko A 2:19

Ko dɔ gbɛɛ kan kɔ kan mbe ee to nɔ, min mbe yiinatɛ be nn ma, a ni nn bu ɔ dia, a ben wo ma. Wo wan, nn mbe wo wɛn ya a tɔnɔnɛ a, mbɛ nn‑na nn kunɛ kɔɔ sɔ den, mmɔ 'a mansa Chisɔsi chen kɔɔ, a na tima ma.

CHIMISI 5:7

N suun ma nyɔɛ nu Chasi ɔ, wo ma faabia ɔ, wo e ta‑a mmɔ 'a mansa Chisɔsi Chasi yɛ tima ma kɔn‑da dunya chɛ ɔ. Wo a ɔ yen bɛ sɛnɛ sa mɔɛ ɛ faabia min chɛ, sama ma kɔnɛ a, sona ni chɛ. Ɛ a faa bia wan aan, tima ma kɔnɛ a, a 'a chin fen nyima ni che a ya tena.

CHIMISI 5:8

A nyin wo wɛɛ, wo ni wo faa bia. Wo faa n ma yɔn, a mu min na, mmɔ 'a mansa Chisɔsi Chasi na tima ɔ ma yansan to.

KO Ɔ NUNDENƐ 1:7

A yen ko, Chisɔsi ɛ na tena wan dugbu ɔ. A sin, mɔ ɔ mɔ ɛ a yen‑da wan, a basan chɛ n bɛɛ a, miin na‑a a sɔɔ a kaa fɛ. A sin, mɔɛ n gbɛɛ dunya ɔ, an mbe di‑a wan gbafi gbafi a ko a. A ɛ ma‑a ka wan. A ni ma ka.

KO Ɔ NUNDENƐ 2:25

Chɛɛ wo gboo ɔ ma fa dan koe a n na.

KO Ɔ NUNDENƐ 22:20

Mɔɛ chɛ, min mbe koe chɛ n gbɛɛ fɔ‑a, a ɔ, “Tea ko a, n na tima ɔ ma yansan to.” A ni ma ka. Mansa Chisɔsi, na fo.

KO Ɔ NUNDENƐ 22:7

Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. Mɔɛ chɛ duaen mu gba, mɔɛ chɛ, min mbe a too ma sɔ‑a bai chɛ ma gboo chɛ ɔ, bai chɛ min ka‑a Yataa tena.”

KO Ɔ NUNDENƐ 3:11

A ɔ ee yansan tena to, mbɛ n na‑a. Chɛ an‑na a fɔ, wo gboo ɔ ma fa dan koe a n na, min mbe a ma, wo ee na‑a fo‑a wo 'a boo ɔ gbasi woo a.