CHƆN 21:2 - Yataa 'a Dɔbɛnɛ Nama

² A fɛ den chɛ n fan ni nɔ. Saimɔn Pita, ni Tɔmɔsi, an ni min chee, Fɛn Kai, ni Natanɛɛ, min na‑a ka Kana, Kadidi chɛnyɛ ɔ, a basan kai Sɛbɛdi 'a denɛ kaima n na. Chisɔsi fɛ denɛ fea dɔ mende n ni wan to nɔ.

CHƆN 21:2 ပူးပေါင်းရင်းမြစ်များ

MATIU 10:3

Fiipi ni Batɔɔmiu. Matiu, min ni pawa bia mɔɛ a, ni Tɔmɔsi. Chimisi, kai Afiɔsi 'a denɛ, ni Tadayɔsi.

MAKI 1:19

A sɛ‑a ɛnden fan na, yii chɛ a sanɛ, mbɛ a‑a kai Sɛbɛdi 'a den kaima fea n tan. Chimisi ni ma, an fea a dɔɛ Chɔn na, an mbe dɛndɛ ɔ, an 'na nyɛ gbain yaa, an mbe an dɔ bɛn‑da.

DUKU 5:10

Chimisi wɛɛ tɛnɛ‑a wan a a, an fea Chɔn na, kai Sɛbɛdi 'a denɛ nu. An bɛ gbɛɛ ni an bɛ Saimɔn na wai chɛ a. Mbɛ Chisɔsi‑a a fɔ Saimɔn ye, a ɔ, “I ma chian, a mu min na, a ka gbɛ bi ma, aan a ta a nyɔn na, e ma‑a na‑a mɔɛ n fan na n tena, yɔ e nyɛ n bia buɛ min dɔ tee.”

CHƆN 1:45

Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”

CHƆN 11:16

Mbɛ Tɔmɔsi, an ni min tɔɛ ma si, an dɔ, Fɛn Kai, a koɔ‑a a bɔɛ chɛ n tena, a ɔ, “Mmɔ gbɛɛ mmɔ bɛ mmɔ kan mɔ a, mmɔ ta, min mbe a ma, mmɔ ni fa dɔndɔ a.”

CHƆN 2:1

Tee dɔndɔ bendenɛ gbakɔ, a fean bɔɛ ma, Chisɔsi de ni wan daun chɛ bɛnɛ ɔ, Kana duu ɔ, Kadidi chɛnyɛ ɔ. An bɛn chɛ kunɛ ni musu si koe an na.

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 20:28

Mbɛ a wan Tɔmɔsi ɔ gbɛ, a ɔ, “I wan mu n 'na mansa a, i wan mu n 'na Yataa a.”

CHƆN 4:46

Mbɛ Chisɔsi che‑a Kana duu ɔ, Kadidi chɛnyɛ chɛ ɔ, a na‑a yii ma fan kaina min gbɛ a. Duu dɔndɔ ɔ, min tɔ ni Kapanaun, kɔmende mɔ dɔndɔ 'a den kaienɛ gbandienɛ ni wan nɔ.