CHƆN 21:18 - Yataa 'a Dɔbɛnɛ Nama

¹⁸ A ɔ te to, “Ka n mbe chɛ ma din i tena, mbɛ i ni tima min na i tɔngbɔ tɔɛ a, i ni i ma bɛn fan, mbɛ i ta‑a i faa ma kaina nu, mbɛ i‑a i faa ma koe n ma. Chɛɛ tima min na e chenancha‑a, e i boo ɔ sawan‑da wan, mbɛ an‑na i chii fɔin. Mbɛ an ta‑a i a kaina, i ma to ni i ni ta kaina min.”

CHƆN 21:18 ပူးပေါင်းရင်းမြစ်များ

DUKU 12:37

Ɛ ma‑a wan bɔi den chɛ n ma buɔdia a, miin mbe ee chinɔ‑a, aan an kun ti ni yɛ. N ni a ma din wo tena, mbɛ kun ti chɛ ɛ a ma bɛn‑da wan, mbɛ a‑a a 'a bɔi den chɛ n chee, mbɛ a wandi gbu‑a daun fenɛ ya, a‑a a be an ma a daun koe a.

CHƆN 13:36

Mbɛ Saimɔn Pita ɔ, “Mansa, e na tena ta‑a mende?” Mbɛ Chisɔsi ɔ, “E ee che‑a a sɔ‑a n fɛ dɔndɔ a, n mbe ta tena kaina min, chɛɛ ni a ɔ mɛ‑a, e a sɔ‑a wan n fɛ.”

CHƆN 21:17

A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

CHƆN 21:19

Chisɔsi da a bai chɛ, a ni ka a ɔ yian fan na, mbɛ Pita ni na tena fa‑a ka wan. A sin, a 'a saya chɛ ɛ na‑a wan a ma‑a mɔɛ n ni Yataa 'a kamaya ɔ yen. Mbɛ Chisɔsi ɔ gbɛ a ma, a ɔ, “A a tun ma koe n fɛ denɛ a.”

CHISƆSI 'A SƆ MƆƐ NU 21:11

Akabɔsi chɛ na‑a wan nn tena, mbɛ a‑a Pɔɔ 'a bu tɛ chii yuu ya, a‑a a wandi chenɛ ɔ chii, a basan a boo a. Mbɛ a‑a a fɔ, a ɔ, “Yataa Nyina ɔ te, a ɔ, mɔɛ min ta mu bu tɛ chii yuu chɛ a, Chu mɔɛ n mbe a chii‑a ka wan Chuusaɛn duu ɔ. A ɔ, an sin mbe a be‑a wan mɔɛ chɛ n ma, miin ma Chu mɔ a.”

GBOO FEAN BƆƐ KƆYINDI KO A 5:4

Tima min na wɛ mmɔ ɛ dunya ma gboo chɛ ɔ, mmɔ ɛ kuun tena wan, tɔɔya ɔ. An ma a fɔ ni, mbɛ mmɔ toen mu mmɔ ma senɛ ni ma. Chɛɛ mmɔ toen mu, banda bu ɔ gboo chɛ, a ni sɛ mmɔ ma. Chɛ ni a ma, mmɔ 'a dunya ma gboo chɛ, a ni mun kuɔ fɔ nɛnɛ a.