CHƆN 21:17 - Yataa 'a Dɔbɛnɛ Nama

¹⁷ A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

CHƆN 21:17 ပူးပေါင်းရင်းမြစ်များ

MATIU 25:40

Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.

MAKI 14:72

Mbɛ a ya kɔɔɛ a, tɛ kɔnɛ konchee‑a. A fean bɔɛ an nii nɛ gbɛ, tɛ chɛ‑a chɛ ma. Mbɛ a puin‑da Pita yii ma, mbɛ Chisɔsi na‑a a fɔ wan a ye, a ɔ, “Pita, tɛ kɔnɛ e na konchee, si tena fea, e a fɔ‑a wan yɔ i ma n sɔn, gba sawa ko a.” Chɛ‑a a ma wan, Pita puyɛ‑a di a.

CHƆN 12:8

Yɔn tɔɛ n tana, wo bɛ an mbe ma tena an na tima ɔ tima. Chɛɛ n tana, mmɔ bɛ ee ma tena tima ɔ tima.”

CHƆN 13:38

Chisɔsi ɔ, “Tea ko a, i ma bɛndenɛ mu, i ni fa n ko a, ae? Ka n mbe chɛ ma din i tena, e na tena min ma‑a. Tɛ kɔnɛ e na konchee banda ɔ ka da ma, e a fɔ‑a wan, gba sawa ko a, mbɛ i ma n sɔn ɛnden bɛɛ a.”

CHƆN 14:15

Mbɛ Chisɔsi ɔ a fɛ denɛ n ma, a ɔ, “Wo e koe chɛ n ma‑a wan, n‑na miin fɔ wo ye an ma koe a, ni wo toen fan mu n na.

CHƆN 15:10

Ni wo e koe chɛ n ma‑a, n mbe miin fɔ wo ye an ma koe a, wo ee na‑a wo kan kɔ sɔ‑a n 'na koadia a. N bɛɛ, n‑na koe chɛ n ma wan, Fa ɛ miin fɔ n ye, mbɛ n ma n kan kɔ sɔ ni a 'a koadia a.

CHƆN 16:30

Sanche mu gbɛ a boo‑a nn ma chɛndɛ chɛ, mbɛ nn yii ma koe gbɛɛ ɛ i boo faa a wan. I gbu an mbe ee mɔ ɔ mɔ ɔ tisa, ni fen mbe a yii ma, koe min na mu, i‑a mɔ gbu yii ma koe sɔn fan. Chɛ ko a, nn dan‑da gbɛ a a chɛndɛ chɛ, mbɛ i ka‑a Yataa tena wan.”

CHƆN 18:27

Mbɛ a gba sawan bɔɛ chɛ wɛɛ ɔ, Pita ɔ, “A an.” A sin, a ya kɔɔɛ a, tɛ kɔnɛ konchee‑a wan.

CHƆN 18:4

Chisɔsi na‑a a ɔ sɔn fan chɛndɛ chɛ, an ni na tena koe miin gbɛɛ a ben‑da a a. Chɛ ko a, a wɛɛ ta‑a wan an ya ɔ, mbɛ a ɔ, “Wo e wo ya a kan tena nyɔn na?”

CHƆN 21:18

A ɔ te to, “Ka n mbe chɛ ma din i tena, mbɛ i ni tima min na i tɔngbɔ tɔɛ a, i ni i ma bɛn fan, mbɛ i ta‑a i faa ma kaina nu, mbɛ i‑a i faa ma koe n ma. Chɛɛ tima min na e chenancha‑a, e i boo ɔ sawan‑da wan, mbɛ an‑na i chii fɔin. Mbɛ an ta‑a i a kaina, i ma to ni i ni ta kaina min.”

CHƆN 4:16

Mbɛ Chisɔsi ni a fɔ gbɛ a ye, a ɔ, “Ta wɛ, i ni i chɛɛ chee, mbɛ wo fea na‑a a a.”

CHISƆSI 'A SƆ MƆƐ NU 1:24

Mbɛ an‑na samunɛ chɛ, an dɔ te, “Mansa Yataa, i wan‑na mɔ gbu gbɛɛ yii ma koe ɔ sɔn. Chɛ ko a, Fa, mɔ fea chɛ n tɛ ɔ, a ɔ yian nn na, ni i‑a i boo sɔ min ma,

CHISƆSI 'A SƆ MƆƐ NU 11:10

Chɛ ma‑a si tena sawa, mbɛ koa chɛ basan fen chɛ n na, miin ni a ɔ, a tuin‑da, a yɛ banda bu ɔ.

CHISƆSI 'A SƆ MƆƐ NU 15:8

A sin, Yataa min‑na mɔ ɔ mɔ faa ɔ koe sɔn, a dɔn‑da wan an ma koe a ka. A‑a a ma wan, Yataa Nyina bea‑a an bɛɛ fɛ, yɔ a‑a a ma buɛ min dɔ mmɔ ko a.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

Gboo Ɛfisɔsi Ko A 4:30

Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.

1 PITA 1:6

Chɛ ni ma buɔdia a wo ma. Buɔdia chenama wa ni ma wɛɛ wo ma ya ɔ ma, chɛɛ tima ɛnden ko a, wo e na‑a wan ma‑a faayɔnɛ ɔ. Koe min na mu, wo e ko gbɛama sɛsɛ n dɔ bia‑a wan.

2 PITA 3:1

N dia nyɔɛ nu, gboo fean bɔɛ an nɛ, n‑na min nyɛn gbɛ wo tena. Gboo fea chɛ n dɔ, n mbe wo yiima a che tena wan koe chɛ n ma chɛndɛ chɛ, wo ni ma wo yii na chii‑a an ma.

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”

KO Ɔ NUNDENƐ 3:19

Mɔɛ chɛ nu, n toen mu miin na, n mbe an fan ma nyin, mbɛ n‑na a ma, an tɔɔ‑a. Chɛ an fɛ mu, wo wo ma bɛn, mbɛ wo‑a wo kan kɔ sɔ wo 'a ko yama n na.