CHƆN 21:16 - Yataa 'a Dɔbɛnɛ Nama

¹⁶ Mbɛ Chisɔsi‑a Saimɔn Pita ɔ tisa to, a gba fean bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Mbɛ Saimɔn dɔ te to, a ɔ, “Aa mansa, i‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ a ma, a ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

CHƆN 21:16 ပူးပေါင်းရင်းမြစ်များ

MATIU 2:6

‘Yataa ɔ, Wo wan Bɛtɛɛn mɔɛ nu, Chuda tanda ɔ, duu pɛɛ ma wo 'a duu a, duu gbau gbau n tɛ ɔ Chuda. An dɔ mu, ya ɔ sɔɛ ɛ bɔ tena, min mbe n 'na Isɔɛɛ mɔɛ n kun ma fɛn‑da.’ ”

MATIU 25:32

A sin, mɔɛ miin gbɛɛ an mbe dunya ma, an na ɛ kan‑da wan n chen kɔɔ. Ni an na kan‑da, n mbe an tɛ du‑a wan fea a, yɔ sɔ fen kun ma fɛn mɔɛ, ɛ sa n tɛ du buɛ min dɔ, an bɛ ba n na.

MATIU 26:72

Pita‑a chɛ wɛɛ kɔɔsa bia wan, kai wandi ɔ. A ɔ, “N mbe a fɔ tena Yataa chen kɔɔ nɛ, mbɛ n ma kamin chɛ sɔn, min tɔ mu Chisɔsi.”

DUKU 19:10

N fan, Mɔ Gbu 'a Denɛ, n naen mu dunya chɛ ɔ mɔɛ n fan yan koe a, miin toen mu a ɔ Yataa ma, n ni an kun ka.”

CHƆN 18:17

Sunkun tɔngbɔɛ chɛ, min ni ka kata chɛ da a, a koɔ‑a Pita tena. A ɔ, “I wɛɛ, a ma ma, mbɛ i mu kamin chɛ fɛ denɛ dɔndɔ an na.” Chɛɛ Pita ɔ, “A an, a fɛ den ma n na.”

CHƆN 18:25

Saimɔn Pita ni wan sɔ ɔ tun mɔɛ chɛ n tɛ ɔ, ɛ a gbaa chɛ‑a. Mbɛ an‑na a ɔ tisa, an dɔ, “I wɛɛ, a ma ma, mbɛ i mu kamin chɛ fɛ denɛ dɔndɔ an na.” Chɛɛ Pita‑a kɔɔsa bia chɛ wan to, a ɔ, “A an, a fɛ den ma n na.”

CHƆN 21:17

A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

GBOO IBU MƆƐ N KO A 13:20

Yataa‑a a ma wan, mmɔ 'a mansa Chisɔsi‑a a kɔɔ sɔ, a ka saya ɔ. Mmɔ ɛ wan gbɛ yɔ sa nu, Chisɔsi ɛ miin kun ma fɛn. A‑a a wandi wii a bɔn fan, mmɔ ko a. Chɛ sin ma‑a wan dɔbɛn nama a, min mbe ma‑a kuɔ fɔ ko a. Chisɔsi wii chɛ 'a gbasaya ɔ, Yataa min mbe faa chima be,

1 PITA 2:25

A saa a, wo ni wan ben‑da wo kun ye, yɔ sa miin toenɛ a ɔ. Chɛɛ wo ya a yɛ‑a gbɛ Yataa ma, min mbe wo kun ma fɛn.

1 PITA 5:2

Wo ni mɔɛ chɛ n kun ma fɛn chɔchi ɔ chɛndɛ chɛ, Yataa‑a miin be wo ma. Wo an kun ma fɛn wo faa gbɛɛ a, yɔ Yataa toen mu a buɛ min dɔ. Wo ma an kun ma fɛn faa ɔ nɔɛ a. Wo ma a chɛ pawa dechee an ko a. Chɛɛ wo‑a a chɛ, a chɛ koe a dia ko a.

KO Ɔ NUNDENƐ 7:17

Koe min na mu, sa tɔngbɔɛ chɛ sɔ ɔ mansa sea chɛ baima, ɛ ma‑a wan an kun ma fɛn mɔɛ a. A sin mbe chia yian‑da wan an na, an ni yii ma sɔn, min mbe fɔɛ be. A sin to, Yataa ɛ di ka‑a wan an ya a.”