CHƆN 21:12 - Yataa 'a Dɔbɛnɛ Nama

¹² Mbɛ Chisɔsi a ɔ an ma, a ɔ, “Wo na, wo ni daunɛ chɛ.” A fɛ den chɛ n dɔndɔ wɛɛ ma a faa sɔ ni tisa chɛ koe a, a ni a fɔ Chisɔsi ma, a ɔ, “Nyɔn mu i a?” An na‑a a ɔ sɔn fan chɛndɛ chɛ, mbɛ Mansa Chisɔsi an nii nɛ.

CHƆN 21:12 ပူးပေါင်းရင်းမြစ်များ

MATIU 22:46

Mɔ ɔ mɔ nii ma kun ni, a ni Chisɔsi 'a tisa chɛ yɛman, a‑a min chɛ Fayisii mɔɛ chɛ n na. A sin, a ka a tima chɛ ma aan a ta, mɔ ɔ mɔ chian‑da wan a ɔ tisa koe a, kan gbɛn tisa a.

MAKI 9:32

Chɛɛ an nii ma a gbu ɔ gbɛ ni, a ni bai min fɔ tena. Chɛɛ an chianden fan ni dechee a ɔ tisa koe a.

DUKU 9:45

Chɛɛ a fɛ den chɛ n nii ma bai chɛ ɔ gbɛ ni, a mu min na, a nunden fan ni an ma, a ɔ gbɛ koe a. An sin chian‑da wan a ɔ tisa koe a, bai chɛ fasai koe a an ye.

CHƆN 16:19

Chisɔsi na‑a a ɔ sɔn fan, mbɛ an toen fan ni ka, an ni a ɔ tisa. Mbɛ a ɔ, “N dɔ, wo ee na tena to n yen‑da, n dɔ, a ɔ ee mɛ tena to. Mbɛ n dɔ te to, wo e n yen‑da wan, n dɔ, a ɔ ee mɛ tena to. N‑na a ɔ sɔn fan, mbɛ chɛ gbu an‑na wo kɔndɔ fii ka.

CHƆN 21:11

Mbɛ Saimɔn Pita sɛ‑a, mbɛ an‑na yaa gbu sawan, an na‑a a a tindi ma, nyɛ gboso gboso n faenɛ a. An taen fan ni nyɛ chɛmɛ dɔndɔ, nyɛ bi duu n kun ma sawa. Nyɛ chɛ n kɔ ni koo wɛɛ ka boo ɔ boo, chɛɛ yaa chɛ a nii ma panda ni ɛnden bɛɛ a.

CHƆN 21:15

An ban‑da kɛn daunɛ chɛ‑a, mbɛ Chisɔsi koɔ‑a Saimɔn Pita tena, a ɔ, “Kai Chɔn 'na denɛ Saimɔn, n ko a di wan i ye, i ni ben i bɔɛ chɛ n gbɛɛ ma?” Mbɛ Saimɔn dɔ, “Aa mansa, i‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ a ma, a ɔ, “Mbɛ n fɛ mɔɛ n kun ma fɛn, yɔ an mbe sa denɛ n kun ma fɛn buɛ min dɔ.”

CHƆN 4:27

Ɛ bai chɛ fɔ‑a dechee, mbɛ a fɛ denɛ chɛ n yɛ‑a, a ka duu ɔ. A sin, an da ɔ gbaa‑a wan, an‑na a tan kɛn chia ɔ bɔɛ ɔ, an fea musu chɛ a. Chɛɛ an dɔndɔ wɛɛ ma musu chɛ ɔ tisa ni, a ni a fɔ, a ɔ, “I toen mu fen na?” Dɔndɔ wɛɛ ma Chisɔsi ɔ tisa ni, a ni a fɔ, a ɔ, “Fen mu e koɔ‑a musu chɛ tena?”

CHISƆSI 'A SƆ MƆƐ NU 10:41

Chisɔsi nii ma bɔ ni mɔɛ gbɛɛ an ya a, chɛɛ a bɔ‑a dechee nn fan ya a. Yataa na‑a a boo sɔ nn fɛn ma, ma koe a sii n na. Nn fan‑na daun dɔndɔɛ chɛ, nn‑na nn min kaina dɔndɔɛ, Chisɔsi a sɔenɛ gbakɔ saya ɔ.