29 Mbɛ Chisɔsi ɔ a ma, a ɔ, “I‑a n yenɛ min chɛ, an‑na a ma dechee, i‑a i kai fa n na. Dua ni ma mɔɛ chɛ n ma, miin ma n yen ni, chɛɛ an‑na an kai fa‑a n na.”
Mbɛ fɛ denɛ dɔndɔɛ chɛ, min pɛn na‑a che ka kamba chɛ ma, a wɛɛ don‑da nɔ. A don‑da kɛn nɔ, a‑a koa chɛ n yen nɔ sa ɔ, mbɛ a dan‑da a a, mbɛ Chisɔsi‑a a kɔɔ sɔ a ka saya ɔ.
Mɔɛ min yii na tɛen mu fen chɛ n ma, Yataa na‑a a too ɔ dia miin na, a yɛ to, mɔɛ min dandenɛ ɛ koe n na, a ya ma miin dɔ yen ni, a mɔɛ chɛ an kai faen mu Yataa a.
Mosisi na‑a a kai fa wan Yataa a, mbɛ a bɔ‑a Ichipi chɛnyɛ ɔ. A sin, chian bɛɛ nii a ɔ, a si mansa wa chɛ faa tɛ koe ma. A na‑a ma wan dechee, yɔ Yataa ni wan a ya kɔɔ, mɔ ɔ mɔ ee min yen. A sin na‑a a ma wan, a na‑a a faa bia.
Wo ma a yen nin bɛ, chɛɛ wo toen fan mu a a. A yɛ to, wo kai faen fan mu a a, wo ee a yen tena wɛɛ. A sin, sanche chɛ ɔ wɛɛ, wo bu ɔ diama mu. An buɔdia chɛ danka ee, wo ee che bai fɔ‑a a si a ma.