Mbɛ a‑a a fɔ Tɔmɔsi gbu ma, a ɔ, “N boo kana n ma fɛn, i ni i boo din nɛ paa chɛ n dɔ. A yɛ to, i boo a na, i ni a din nɛ n kaa fɛ chɛ. Kɔɔsa bia chɛ gbɛɛ ni ban gbɛ i boo ɔ, i kai fa gbɛ n na.”
Mbɛ Chisɔsi ɔ a ma, a ɔ, “I‑a n yenɛ min chɛ, an‑na a ma dechee, i‑a i kai fa n na. Dua ni ma mɔɛ chɛ n ma, miin ma n yen ni, chɛɛ an‑na an kai fa‑a n na.”
Chɛɛ miin nyɛndenɛ ɛ ka gboo chɛ ɔ, an nyɛn‑da, min mbe a ma, wo ni wo kai fa Chisɔsi a, mbɛ a wan mu kunka mansa a. A yɛ to, mbɛ Yataa 'a denɛ mu a a, a sin, ni wo‑a wo kai fa a a, wo e kuɔ fɔ fɔɛ ma sɔn‑da wan.
A‑a chɛ ma, min mbe a ma, mɔɛ n gbɛɛ ni basɔmaya be n ma, yɔ an mbe a be buɛ min dɔ Fa ma. Mɔ ɔ mɔ min ma basɔmaya be ni n ma, a mɔɛ chɛ ma a be ni ka Fa an ma, min‑na n sɔ.
Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.