CHƆN 20:25 - Yataa 'a Dɔbɛnɛ Nama

²⁵ Chɛ ko a, Tɔmɔsi bɔɛ chɛ n‑na a ɔ yian fan a a, an dɔ, “Nn‑na mmɔ 'a mansa yen.” Chɛɛ a ɔ te an ma, a ɔ, “N mbe ee dan chɛ a. Mɔɔ ni n‑na a yen, n ni dɔntima paa chɛ n yen a boo kana n ma, n boo denɛ gbu ni tu an na, mbɛ n tu‑a a kaa a fɛ a.”

CHƆN 20:25 ပူးပေါင်းရင်းမြစ်များ

MATIU 27:42

An dɔ, “A‑a mɔ dɔ mende n baun, chɛɛ a ee che a ni a wandi baun. Kamin chɛ an‑na a fɔ, a ɔ, an mu Isɔɛɛ mɔɛ n 'na mansa a. Ni a wan mu a a, a ni puin bɛ kɔn gbengbanden chɛ ma sanche, min mbe a ma, nn ni dan a a.

MAKI 16:11

Chɛɛ an nii ma che ni dan‑da a a, an‑na a a min kɛn, mbɛ a wan Mɛi‑a a yen fan, a ɛ fɔɛ ɔ.

MAKI 16:13

Mbɛ an yɛ‑a, an‑na a ɔ yian an bɔɛ tɔɛ n na, chɛɛ an bɛɛ ma dan ni an da a bai chɛ a.

MAKI 16:14

Chɛ gbakɔ, Chisɔsi fɛ den tan kun ma dɔndɔɛ chɛ nu, an ni wan si ɔ tebu ma, daun chɛ tena. Mbɛ Chisɔsi‑a a wandi yian an gbɛɛ a. A‑a an ma tɔɔ, a ɔ, an faa a kɔɔen mu, a sin, danaya ee an dɔ. A ɔ, koe min na mu, an ban‑da dan koe a mɔɛ saa an na, miin na‑a a wan Chisɔsi yen, a kɔɔ sɔenɛ gbakɔ saya ɔ.

DUKU 24:25

Mbɛ Chisɔsi ɔ, “Wo wooen ba mu. Fen mu, wo ee fua dan‑da koe chɛ n na, Yataa 'a gbonka chɛ mɔɛ chɛ n‑na miin fɔ wo ye?

CHƆN 1:41

Anduu‑a koe min pɛn pɛn ma, a‑a a kɔɔɛ Saimɔn yan fan. Mbɛ a‑a a fɔ a ye, a ɔ, “Nn‑na mɔɛ chɛ yen, min mu kunka mansa a.” (Kiisi mɔɛ n dɔ, Chasi).

CHƆN 20:27

Mbɛ a‑a a fɔ Tɔmɔsi gbu ma, a ɔ, “N boo kana n ma fɛn, i ni i boo din nɛ paa chɛ n dɔ. A yɛ to, i boo a na, i ni a din nɛ n kaa fɛ chɛ. Kɔɔsa bia chɛ gbɛɛ ni ban gbɛ i boo ɔ, i kai fa gbɛ n na.”

CHƆN 21:7

Mbɛ Chisɔsi fɛ denɛ dɔndɔɛ chɛ, min ko a ni di ka a ye gbeden, a‑a a fɔ Pita ye, a ɔ, “Mansa Chisɔsi an mbe ka sɔ ɔ tindi ma.” Pita‑a chɛ a min kɛn, mbɛ an 'na mansa an nɛ, mbɛ a na‑a a 'a doma min bɔ ka, ɛ nyɛ gbain chɛ‑a, mbɛ a‑a a chii fɔin a bu tɛ, mbɛ a dɛ‑a yii chɛ ɔ.

CHƆN 6:30

Mbɛ an dɔ, “Mɔɔ ni i‑a kamaya koe ma, nn ni a ɔ yen, a ma koe a, nn ni dan i da a bai a. E fen ma‑a?

GBOO IBU MƆƐ N KO A 3:12

N suun ma nyɔɛ nu Chasi ɔ, wo wo kun ma fɛn, wo dɔndɔ wɛɛ, ko yama ma faa ma na dɛ wo ɔ. A ni a ma, wo ee dan Yataa a. Chɛ ɛ a ma‑a wan, wo ni wo kan kɔ sɔ Yataa a, min mbe ee fa.

GBOO IBU MƆƐ N KO A 3:18

A sin, Yataa nii ma a kai ni mɔ dɔ gbɛɛ tena, mbɛ kuɔ fɔ ko a, an mbe ee don‑da suin tena chɛ, a‑a min dɔ bɛn. Chɛɛ a na‑a a fɔ chɛ n fan ye, miin nii ma an too ma sɔ ni a ma.