CHƆN 20:22 - Yataa 'a Dɔbɛnɛ Nama

²² Mbɛ a‑a a fia fu an ma fuu, mbɛ a‑a a fɔ an ye, a ɔ, “Yataa Nyina ni ma wo fɛ.

CHƆN 20:22 ပူးပေါင်းရင်းမြစ်များ

CHƆN 14:16

N mbe fa ɔ tisa‑a wan, a ni a ma, wo ni demanɛ dɔ mende ma sɔn. A sin, ɛ a Nyina a na‑a wan, a ni ma wo fɛ tima ɔ tima ko a.

CHƆN 15:26

“Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.

CHƆN 16:7

Chɛɛ n mbe chɛ ma din tena wo tena, mbɛ a nyin fan wo ko a, n ni ta. Koe min na mu, ni n ma yɛ ni, Yataa Nyina min mbe wo deman‑da, a ee na‑a wo tena. Chɛɛ ni n yɛ‑a, n mbe a ma‑a wan, a ni na wo tena.

CHƆN 20:21

Mbɛ a ɔ to an ma, a ɔ, “Yataa ni faachima be wo ma. Fa‑a n na na buɛ min dɔ dunya chɛ ɔ, n bɛɛ, a chia dɔndɔ gbe chɛ a mu, n mbe wo a ta tena a ɔ.”

CHƆN 20:23

Ni wo‑a wo boo bɔ mɔɛ n 'na ko yama n dɔ, an bɔ‑a an dɔ. Chɛɛ ni wo ma wo boo bɔ ni an dɔ, an mbe ee bɔ‑a an ko yama chɛ n dɔ.”

CHƆN 7:39

Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.

CHISƆSI 'A SƆ MƆƐ NU 10:47

“Yataa Nyina bea‑a ka wan mɔɛ chɛ n fɛ, yɔ a bea‑a buɛ min dɔ nn bɛɛ fɛ. Chɛ an fɛ mu gbɛ, mɔ ɔ mɔ ee to nɔ, min mbe an ka‑a yii chɛ koe a an kunɛ ɔ, Yataa chia a.”

CHISƆSI 'A SƆ MƆƐ NU 19:2

Mbɛ a‑a an dɔ tisa, a ɔ, “Yataa Nyina na‑a bea wan wo fɛ, wo na‑a wo kai fa kɛn Chisɔsi a?” Mbɛ an dɔ te, “A an. Nn gbu ma chɛ a min nin bɛ, mbɛ nyina ɛ wan nɔ, min tɔɛ ɛ ka.”

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 2:4

Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

CHISƆSI 'A SƆ MƆƐ NU 4:8

Yataa Nyina ni wan gbɛ Pita fɛ gban, min‑na a ma, a‑a a fɔ an ye, a ɔ, “Chɛnyɛ gbakoo n bɛ mansa n na, Isɔɛɛ mɔɛ n kun ma,

CHISƆSI 'A SƆ MƆƐ NU 8:15

An sin yii‑a wan nɔ an tena, mbɛ an‑na samunɛ chɛ, min mbe a ma, mɔɛ miin‑na an kai fa Chisɔsi a, Yataa Nyina ni bea an fɛ.

Gboo Kadesia Ko A 3:2

N mbe chɛ an fɔ tena dechee wo ye. Wo bea koe a sawa chɛ fɛ, an mbe ee a ma, Yataa Nyina ni bea wo fɛ. Chɛɛ wo dan sakana bai chɛndɛ chɛ a, ni wo‑a a min, an mbe a ma, ɛ bea wo fɛ.