CHƆN 20:20 - Yataa 'a Dɔbɛnɛ Nama

²⁰ Chɛ fɔenɛ gbakɔ a boo ɔ, mbɛ Chisɔsi‑a a boo n yian an na, a basan a kaa a fɛ chɛ a. An na‑a an 'na mansa yenɛ min chɛ ka, a na‑a a fɛ den chɛ n bu ɔ dia‑a wan gbeden.

CHƆN 20:20 ပူးပေါင်းရင်းမြစ်များ

MATIU 28:8

Mbɛ an yɛ‑a bui chɛ bui chɛ‑a. An ta‑a, chiandia ɛ an dɔ, chɛɛ an bu ɔ ni di kaka. Mbɛ an ta‑a koe chɛ ɔ yian koe a a fɛ denɛ n na.

CHƆN 16:20

Ka n mbe chɛ ma din wo tena, mbɛ wo e di chɛ‑a wan gbafi gbafi, wo ya yii ni bɔn, a si koe chɛ n ma, miin mbe na tena n tan‑da. Chɛɛ mɔɛ chɛ n tana dunya ɔ, Yataa wakoe ee miin faa ɔ, an mbe ma‑a buɔdia an dɔ. Wo e ma‑a wan faamɔnɛ ɔ, chɛɛ wo 'a faamɔnɛ chɛ ɛ mun‑da buɔdia an na wo ma.

CHƆN 16:22

Wo wɛɛ, an mbe ka ma‑a wo a sanche chɛ ɔ. Wo e faayɔnɛ an dɔ, chɛɛ a ee mɛ‑a, n mbe wo yen‑da wan to. A sin, wo bu ɔ dia‑a wan kaka. An buɔdia chɛ nɛnɛ, mɔ ɔ mɔ ee che‑a a ma‑a to, wo ni fo a a.

CHƆN 19:34

Chɛɛ chɛ gbɛɛ ɔ, soya chɛ n dɔndɔ, a‑a tamba a sendenɛ ya wan, a‑a Chisɔsi kaa fɛ sɔɔ a a. A sin, a ya kɔɔɛ a, wii bɔ‑a wan nɔ, a basan yii a.

CHƆN 20:25

Chɛ ko a, Tɔmɔsi bɔɛ chɛ n‑na a ɔ yian fan a a, an dɔ, “Nn‑na mmɔ 'a mansa yen.” Chɛɛ a ɔ te an ma, a ɔ, “N mbe ee dan chɛ a. Mɔɔ ni n‑na a yen, n ni dɔntima paa chɛ n yen a boo kana n ma, n boo denɛ gbu ni tu an na, mbɛ n tu‑a a kaa a fɛ a.”

CHƆN 20:27

Mbɛ a‑a a fɔ Tɔmɔsi gbu ma, a ɔ, “N boo kana n ma fɛn, i ni i boo din nɛ paa chɛ n dɔ. A yɛ to, i boo a na, i ni a din nɛ n kaa fɛ chɛ. Kɔɔsa bia chɛ gbɛɛ ni ban gbɛ i boo ɔ, i kai fa gbɛ n na.”

1 CHƆN 1:1

Nn mbe gboo chɛ min nyɛn tena ka, a sien mu mɔɛ chɛ an ma, an mbe min chee, an dɔ, Bai, min tɔ mu to Fɔɛ. A ni wan nɔ dunya a dan‑da tima min na. Nn‑na a yen fan nn ya a pɛnɛnɛ, nn‑na a kuiɛ a min, nn sin tindi tindi‑a wan nn nyɔn ma.