CHƆN 20:17 - Yataa 'a Dɔbɛnɛ Nama

¹⁷ Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”

CHƆN 20:17 ပူးပေါင်းရင်းမြစ်များ

MATIU 12:50

A mu min na, mɔɛ miin mbe kooya be‑a Fa Yataa ma, an fan mu n de a, an fan mu n dɔ kaima n na, an bɛ n dɔ musuma n na.”

MATIU 25:40

Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.

MATIU 28:7

Mbɛ n 'na sakana bai an nɛ wo tena gbɛ. Wo yɛ gbɛ bui‑a, wo ni a fɔ a fɛ mɔɛ n ye, wo ɔ, Yataa‑a a kɔɔ sɔ a ka saya ɔ. Wo ɔ, a sin, ɛ ta tena an ya ɔ Kadidi chɛnyɛ ɔ, an mbe a yen‑da kaina min pɛnɛnɛ.”

MAKI 12:26

Min sin sien mu faa mɔɛ n kɔɔ sɔ koe ma, a ka saya ɔ, ɛ n yii ma, mbɛ wo‑a a kan fan, Mosisi 'a gboo ɔ, a si kɔn den chɛ ma, min ni yɔ a ni minda tena wan. Yataa na‑a a fɔ buɛ min dɔ, a ɔ, Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai.”

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

DUKU 10:4

Ni wo ma‑a ta‑a, wo ma ta kɔpɔ a wo boo ɔ, wo ma basachi bia wo boo ɔ, wo ma kɔɔwa fean bɔɛ ya, n mbe ee baa, wo ni sɔ chia a, kɔndɔn chɛ koe a.

CHƆN 13:1

Tima ni gbɛ che koe an na, kun bɔ a ɔ bɛn chɛ kuu sɔ koe a. Chisɔsi na‑a a ɔ sɔn fan, mbɛ tima an ni ka gbɛ che‑a, a ni dunya chɛ to, a ni yɛ a fa tena. Mɔɛ miin ni a fɛ dunya chɛ ɔ, a na‑a to wan an na tima ɔ tima ko a. A sin, mmɔ ɛ na tena a ɔ yen‑da, a to‑a buɛ min dɔ an na, a da faenɛ ɔ gban.

CHƆN 13:3

Chisɔsi na‑a a ɔ sɔn fan, mbɛ a fa ban‑da gbasaya gbɛɛ be‑a a ma, ko ɔ ko ma koe a. A na‑a a ɔ sɔn fan to, mbɛ a ka‑a Yataa tena wan, a sin mbe yɛ tena to nɔ wan.

CHƆN 14:2

Fa Yataa waa banda bu ɔ, sa tena kɔkoo nɔ kaka. N mbe chɛ fɔ tena wo ye, koe min na mu tea mu. A sin, n mbe ta tena wan kaina ɔ bɛn‑da wo ko a.

CHƆN 14:28

Wo‑a a a min fan, n‑na min fɔ wo ye, mbɛ n mbe na tena wan ta‑a, chɛɛ n mbe yɛ‑a wan to wo ya ɔ. Ni n ko a di wan wo ye, wo bu ɔ dia‑a wan, a si n yɛ koe ma Fa tena. Koe min na mu, a benden mu n ma.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 16:28

N sin gbu ka‑a Fa tena wan, mbɛ n na‑a nɛ dunya chɛ ɔ. A sin, sanche chɛ ɔ, n mbe bɔ tena wan dunya chɛ ɔ, mbɛ n yɛ‑a Fa tena.”

CHƆN 17:11

Sanche chɛ ɔ gbɛ, n mbe chia an na, na koe a i tena. N tana, ɛ gbɛ buɛ min dɔ, n mbe ee ma tena to dunya chɛ ɔ. Chɛɛ an tana, an mbe wɛ nɛ chɛ a ɔ. Fa, i wɛn kan nyɔ ee, an kun ma fɛn, min mbe a ma, an ni ma mɔ dɔndɔɛ a an nyɔn tena, yɔ mɔ ɛ buɛ min dɔ. Chɛ ma i 'a gbasaya ɔ, i na‑a gbasaya min sima be n ma.

CHƆN 17:25

Fa, i wɛn tanden mu, i wakoe ee mɔɛ miin faa ɔ, kɛn gba an ma i sɔn. Chɛɛ n tana, n‑na i sɔn fan tima ɔ tima ko a. A sin, n fɛ den chɛ n bɛɛ gbu, an‑na a ɔ sɔn gbɛ, mbɛ i wan‑na n sɔ.

CHƆN 17:5

Fa Yataa, sanche gbɛ, a ma n ni ma basɔmaya chɛ ɔ, i waa a, yɔ n ni min nyɔn sima ɔ, dunya chɛ a e na to dan‑da.

CHƆN 20:27

Mbɛ a‑a a fɔ Tɔmɔsi gbu ma, a ɔ, “N boo kana n ma fɛn, i ni i boo din nɛ paa chɛ n dɔ. A yɛ to, i boo a na, i ni a din nɛ n kaa fɛ chɛ. Kɔɔsa bia chɛ gbɛɛ ni ban gbɛ i boo ɔ, i kai fa gbɛ n na.”

CHƆN 7:33

Mbɛ Chisɔsi ɔ, “N mbe ma tena wɛ wo tɛ ɔ, tima ɛnden fan ko a dechee. Mbɛ a gbakɔ, n mbe yɛ‑a wan a tena, a wɛn‑na n sɔ.

GBOO DOMI KO A 8:29

An mɔɛ chɛ nu, Yataa na‑a an sɔn pɛn chɛndɛ chɛ, mbɛ a‑a a boo sɔ an ma. An mbe ma‑a wan gbɛ yɔ a 'a denɛ Chisɔsi. A 'a den chɛ ɛ ma‑a gbɛ denɛ saa an na, den sɛsɛ wa chɛ n ya ɔ.

GBOO FEAN BƆƐ KƆYINDI KO A 6:18

Yataa Mansa Wa‑a a fɔ wan to, a ɔ, “N mbe ma‑a wan wo fa a, mbɛ wo wɛɛ ma‑a n 'na denɛ kaima n na, a basan n 'na denɛ musuma an na.”

Gboo Kadesia Ko A 3:26

Koe min na mu, ni wo‑a wo kai fa Chisɔsi Chasi a, wo gbɛɛ mu Yataa 'a denɛ n fan na, wo gbɛɛ mu gbɛ mɔ dɔndɔɛ an na, wo bɛ Chisɔsi Chasi a.

GBOO IBU MƆƐ N KO A 11:16

Chɛɛ an ni min ma gbɛ, an ni an yii na chii gbɛ chɛnyɛ an na, min nyin a ben a ma, banda bu ɔ. Chɛ ko a, mauma ko nii ma Yataa tena, ni an‑na a chee an 'na Yataa a. Koe min na mu, a na‑a duu wa ɔ bɛn fan an ko a.

GBOO IBU MƆƐ N KO A 8:10

Mbɛ dɔbɛnɛ an nɛ, n mbe min chɛ‑a mɔɛ n na, miin ka‑a Isɔɛɛ chɛnyɛ ɔ. N fan Mansa Yataa, ni tee chɛ n ben‑da, n mbe n 'na sawa n sa‑a wan, an yii ma, n ni a sa an faa ɔ. A sin, n mbe ma‑a wan an 'na Yataa a, mbɛ an bɛɛ, an ma‑a n 'na mɔɛ n na.

1 PITA 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.

1 CHƆN 3:2

N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.

KO Ɔ NUNDENƐ 21:3

A sin, n‑na mɔɛ kuiɛ a min fan gbankon, a ka mansa sea chɛ tena, a ɔ, “A yen ko, Yataa waa ɛ ma tena gbɛ mɔ gbu n tɛ ɔ wan. An bɛ an mbe ma tena gbɛ an na, an sin mbe ma‑a a 'a mɔɛ n fan na. A wan Yataa wandi, ɛ ma‑a wan an tɛ ɔ, an mbe ma‑a an 'na Yataa a.

KO Ɔ NUNDENƐ 21:7

Mɔ ɔ mɔ min mbe sɔ‑a gban n ko a, koe chɛ n gbɛɛ, n mbe an fan chɛ‑a a ko a. N mbe ma‑a wan a 'a Yataa a, a wɛɛ ɛ ma‑a wan n 'na denɛ a.