CHƆN 2:23 - Yataa 'a Dɔbɛnɛ Nama

²³ Chisɔsi ni tima min na Chuusaɛn duu ɔ, kun bɔ a ɔ bɛn chɛ tima a, mɔɛ sɛsɛ na‑a an kai fa wan a a. Koe min na mu, an na‑a a ɔ yen fan, a na‑a kamaya koe miin ma.

CHƆN 2:23 ပူးပေါင်းရင်းမြစ်များ

DUKU 8:13

Mɔɛ dɔ n sin mbe wan yɔ faa gban duu gboo chɛ, chin fen kuu n bea‑a min ma. Ni an‑na sakana bai chɛndɛ chɛ a min, an mbe an boo si wan a kɔɔ, buɔdia wandi gbu a. Chɛɛ Yataa 'a bai chɛ ee sa an yiima ɔ chɛndɛ chɛ, a ni tima ɔ yansama ya nɔ. An mbe dan dechee a a tima ɛnden fan ko a, chɛɛ ni koe ɔ gbɛa‑a an ma, mbɛ an‑na an boo bɔ a kɔɔ.

CHƆN 11:45

Mɔɛ chɛ n sɛsɛ, miin na‑a na ka Mɛi sɛbɔ‑a, an na‑a a ɔ yen fan Chisɔsi na‑a koe min ma ka, mbɛ an‑na an kai fa a a.

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 2:13

Tima ni gbɛ che koe an na, kun bɔ a ɔ bɛnɛ ko a. Chɛ ko a, Chisɔsi sɛ‑a wan Chuusaɛn duu ɔ.

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 4:45

A che‑a kɛn Kadidi, nɔ mɔɛ nu, an‑na an boo si wan a kɔɔ. Koe min na mu, an bɛɛ na‑a ta wan Chuusaɛn duu ɔ, kun bɔ a ɔ bɛnɛ kun ma. A tima chɛ a, an na‑a ko ɔ ko yen fan, Chisɔsi na‑a miin ma, an bɛn chɛ ɔ.

CHƆN 5:36

Chɛɛ siiya ɛ wan nɔ n ko a, n faen mu min na, a ben Chɔn ta siiya ma. N mbe koe miin ma, chɛ chɛ wai chɛ nu, Fa Yataa‑a n sɔ miin chɛ koe a, an fan mbe koɔ n ko a. N mbe an chɛ buɛ min dɔ, an fan mbe a ɔ yian, mbɛ Fa an‑na n sɔ.

CHƆN 6:14

Mɔɛ chɛ n‑na kamaya koe chɛ ɔ yen kɛn, Chisɔsi‑a min ma, mbɛ an dɔ, “Tea ko a, kamin chɛ, Yataa 'a gbonka chɛ mɔɛ chɛ an nɛ. Mosisi na‑a chɛ an na koe kɔɔ fɔ dunya ɔ.”

CHƆN 6:2

Mbɛ mɔ fanka wa n bea‑a a fɛ, koe min na mu, an na‑a a ɔ yen fan, a na‑a a ma buɛ min dɔ gbandi mɔɛ n baun‑da.

CHƆN 7:31

Chɛɛ mɔ fanka chɛ nu, an sɛsɛ na‑a an kai fa wan a a. Mbɛ an dɔ, “Kunka mansa chɛ gbu, a ɛ na‑a tima min na, kamaya koe ee to nɔ, a ɛ min ma‑a, a ni ben kamin chɛ ma.”

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.