CHƆN 2:16 - Yataa 'a Dɔbɛnɛ Nama

¹⁶ Mɔɛ chɛ n sin, miin ni ka bugbɔɛ ma tachɛ‑a, a ɔ an ma, “Wo bɔ nɛ wo 'a bugbɔɛ chɛ n na. Wo sɛmbɛ Fa 'a chenɛ ma koe a fee fen ma tachɛ chenɛ a.”

CHƆN 2:16 ပူးပေါင်းရင်းမြစ်များ

MATIU 21:12

Chisɔsi ta‑a wan Yataa 'a kata ɔ, mbɛ a‑a mɔɛ chɛ n gbɛɛ gbain, miin ni fee fenɛ n ma tachɛ tena, a basan a san mɔɛ n na. A‑a kɔpɔ sinchi mɔɛ chɛ n 'na tebu n na bea bea wan, a basan si fenɛ n na, bugbɔ n ma tachɛ mɔɛ n mbe si miin ma.

MATIU 21:13

Mbɛ a‑a a fɔ an ye, a ɔ, “A nyɛnden fan mu Yataa 'a gboo ɔ, mbɛ Yataa‑a a fɔ wan, a ɔ, a 'a chenɛ ɛ ma‑a samun chɛ koe an na. Chɛɛ wo‑a a 'a chen chɛ mun gbɛ kanka n nun tena an na.”

MATIU 22:5

Chɛɛ an mɔɛ chɛ n ma an too ma sɔ ni, kai chɛ 'a sakana chɛ ma. Mɔɛ dɔndɔɛ ta‑a wan a 'a sɛnɛ ɔ, dɔndɔɛ sin ta‑a fee fen ma tachɛ tena. An dɔ n ta‑a an ma gbɔsɔɛ n dɔ.

MAKI 11:17

Chɛ gbakɔ, a bun‑da an kan‑da, a ɔ, “A nyɛnden fan mu Yataa 'a gboo ɔ, mbɛ Yataa‑a a fɔ wan, a ɔ, a 'a chenɛ ɛ dechee samun chɛ koe an na, dunya gbɛɛ ko a. Chɛɛ wo‑a an chen chɛ mun kanka n nun tena a.”

DUKU 2:49

Mbɛ Chisɔsi ɔ, “Fen ko a mu, wo ni n yan tena? Wo ni kun fan, wo ni a ɔ sɔn, mbɛ n mbe ma‑a wan nɛ Fa 'a kata chɛ ɔ. Wo nii n yan.”

CHƆN 10:29

Fa min‑na an be n ma, a 'a gbasaya benden mu fen kɔ fen ma. A sin, mɔ ɔ mɔ ee che an bia‑a gbasaya a, an ni bɔ Fa boo ɔ.

CHƆN 2:15

Mbɛ a‑a bosa nyan fan yuu ɔ, mbɛ a‑a sɔ fen chɛ n gbɛɛ gbain fan kata chɛ ɔ, sa chɛ nu, a basan ninchi chɛ n na. Mɔɛ chɛ n sin, miin ni kɔpɔɛ sinchi ka, a‑a an 'na tebu n na bɔn fan, mbɛ a‑a an 'na kɔpɔɛ a fasan fasan.

CHƆN 20:17

Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”

CHƆN 5:17

Mbɛ Chisɔsi ɔ, “Fa Yataa ɛ basan fan mɔɛ n ma, tima ɔ tima ko a. N bɛɛ, a nyin n ni a ma ka.”

CHƆN 8:49

Mbɛ Chisɔsi ɔ, “Nyina yama ee n fɛ. N mbe basɔmaya an be Fa ma, chɛɛ wo tana, wo e baa an bɔ n ma.

1 TIMOTI 6:5

An sin mbe ma an nyɔn dɔ sawan sawanɛ an na su ɔ tee a, mɔɛ miin yiima a ma ko ni, a sin tea sima wɛɛ ee a ɔ. Ɛ wan an yii ma, mbɛ Yataa koe ee ta nyanɛ gbaa.

2 PITA 2:3

Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.