CHƆN 2:11 - Yataa 'a Dɔbɛnɛ Nama

¹¹ Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 2:11 ပူးပေါင်းရင်းမြစ်များ

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:17

Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.

CHƆN 1:43

A banda ka dɔndɔɛ ma, mbɛ Chisɔsi‑a a yii na chii, mbɛ a‑a Kadidi chɛnyɛ ɔ chia bia. Mbɛ a‑a Fiipi yan, mbɛ a ɔ te a ma, a ɔ, “Na, i ni ma n fɛ denɛ a.”

CHƆN 1:50

Chisɔsi ɔ, “N‑na a fɔ wan i ye, mbɛ n‑na i yen fan, i ni tima min na fiki kɔn chɛ kɔɔ. Chɛ an gbu‑a a ma ka, i dan‑da ka n na? E na tena wan koe sɛsɛ ɔ yen‑da ma‑a, miin benden mu chɛ ma kaka.”

CHƆN 10:41

Mɔ sɛsɛ na‑a wan, an‑na Chisɔsi tan. Mbɛ an nyɔn tɛ ɔ, an dɔ, “Chɔn nii ma kamaya ko kan kɔ kan ma ni. Chɛɛ bai n gbɛɛ, a‑a miin fɔ, a si kamin chɛ ma, an ma‑a tea a.”

CHƆN 11:15

Chɛɛ wo ko a, n bu ɔ di, n nii nɔ a fa tima a, min mbe a ma, wo ni wo kai fa n na. Wo na, mmɔ ni ta a su tan.”

CHƆN 11:47

Chɛ ko a, Fayisii chɛ nu, an bɛ Chu n tɛ mɔɛ n na Yataa a, an 'na mansa n na, an‑na Chu kuti wa si kaina dɔndɔ. Mbɛ an dɔ, “Mmɔ ɛ fen ma tena gbɛ? Mmɔ a ɔ yen gbɛ sanche, kamin chɛ ɛ kamaya koe min gbɛɛ a tachɛ tena.

CHƆN 12:18

Chɛ an na‑a a ma, mɔ fanka chɛ wɛɛ na‑a a ya ɔ, koe min na mu, an na‑a a a min fan, mbɛ Chisɔsi an‑na kamaya koe wa chɛ ma.

CHƆN 12:37

Chisɔsi na‑a kamaya koe chɛ n gbɛɛ ma boo ɔ boo an ya kɔɔ, chɛ gbɛɛ ɔ, an nii ma an kai fa ni a a.

CHƆN 12:41

Aisaya na‑a chɛ fɔ, koe min na mu, a na‑a a yen fan, Chisɔsi ni na tena ma‑a kamaya tɔɛ min na. A sin, chɛ an na‑a a ma, a na‑a a kɔɔ fɔ mɔɛ n ye.

CHƆN 14:13

A sin, n mbe ko ɔ ko chɛ‑a wan wo ye, wo e n dɔ tisa‑a min chɛ koe a, n tɔɛ ɔ. Chɛ ɛ a ma‑a wan, n ni a ma, mɔɛ n ni a ɔ yen, Fa kamayaen mu buɛ min dɔ.

CHƆN 16:27

Koe min na mu, Fa wandi gbu, a toen fan mu wo a. Wo toenɛ min chɛ‑a n na, a wɛɛ, an‑na a to wo a. A sin, wo‑a wo kai fa to n na, mbɛ wo dan‑da a a, mbɛ n ka‑a Fa Yataa tena wan.

CHƆN 16:30

Sanche mu gbɛ a boo‑a nn ma chɛndɛ chɛ, mbɛ nn yii ma koe gbɛɛ ɛ i boo faa a wan. I gbu an mbe ee mɔ ɔ mɔ ɔ tisa, ni fen mbe a yii ma, koe min na mu, i‑a mɔ gbu yii ma koe sɔn fan. Chɛ ko a, nn dan‑da gbɛ a a chɛndɛ chɛ, mbɛ i ka‑a Yataa tena wan.”

CHƆN 2:1

Tee dɔndɔ bendenɛ gbakɔ, a fean bɔɛ ma, Chisɔsi de ni wan daun chɛ bɛnɛ ɔ, Kana duu ɔ, Kadidi chɛnyɛ ɔ. An bɛn chɛ kunɛ ni musu si koe an na.

CHƆN 2:23

Chisɔsi ni tima min na Chuusaɛn duu ɔ, kun bɔ a ɔ bɛn chɛ tima a, mɔɛ sɛsɛ na‑a an kai fa wan a a. Koe min na mu, an na‑a a ɔ yen fan, a na‑a kamaya koe miin ma.

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 4:3

Chisɔsi‑a a a min kɛn bai min ni sa tena, a si a ma, a bɔ‑a wan Chudia chɛnyɛ ɔ, mbɛ a yɛ‑a Kadidi chɛnyɛ ɔ.

CHƆN 4:46

Mbɛ Chisɔsi che‑a Kana duu ɔ, Kadidi chɛnyɛ chɛ ɔ, a na‑a yii ma fan kaina min gbɛ a. Duu dɔndɔ ɔ, min tɔ ni Kapanaun, kɔmende mɔ dɔndɔ 'a den kaienɛ gbandienɛ ni wan nɔ.

CHƆN 4:54

A gba fean bɔɛ an nɛ, Chisɔsi ka‑a Chudia chɛnyɛ ɔ, a yɛ‑a Kadidi, mbɛ a‑a kamaya koe ma.

CHƆN 5:23

A‑a chɛ ma, min mbe a ma, mɔɛ n gbɛɛ ni basɔmaya be n ma, yɔ an mbe a be buɛ min dɔ Fa ma. Mɔ ɔ mɔ min ma basɔmaya be ni n ma, a mɔɛ chɛ ma a be ni ka Fa an ma, min‑na n sɔ.

CHƆN 6:14

Mɔɛ chɛ n‑na kamaya koe chɛ ɔ yen kɛn, Chisɔsi‑a min ma, mbɛ an dɔ, “Tea ko a, kamin chɛ, Yataa 'a gbonka chɛ mɔɛ chɛ an nɛ. Mosisi na‑a chɛ an na koe kɔɔ fɔ dunya ɔ.”

CHƆN 6:2

Mbɛ mɔ fanka wa n bea‑a a fɛ, koe min na mu, an na‑a a ɔ yen fan, a na‑a a ma buɛ min dɔ gbandi mɔɛ n baun‑da.

CHƆN 6:26

Chisɔsi ɔ, “N mbe chɛ ma din tena wo tena, koe min na mu, wo e n yan tena. Wo‑a biidi miin daun, wo bu fa‑a gban, an fɛ mu. Chɛɛ an ma a fɔ ni, mbɛ wo‑a kamaya koe chɛ n dɔ gbɛ wan, n‑na miin ma.

CHƆN 6:30

Mbɛ an dɔ, “Mɔɔ ni i‑a kamaya koe ma, nn ni a ɔ yen, a ma koe a, nn ni dan i da a bai a. E fen ma‑a?

CHƆN 7:31

Chɛɛ mɔ fanka chɛ nu, an sɛsɛ na‑a an kai fa wan a a. Mbɛ an dɔ, “Kunka mansa chɛ gbu, a ɛ na‑a tima min na, kamaya koe ee to nɔ, a ɛ min ma‑a, a ni ben kamin chɛ ma.”

CHƆN 9:16

Mbɛ Fayisii chɛ dɔ nu, an dɔ, “Mɔɛ min‑na chɛ ma, suin tee sawa yɔn koe a, an mɔɛ chɛ, Yataa an ma a sɔ ni a ma.” Chɛɛ an dɔ n sin, an dɔ, “Mɔ ɔ mɔ min mu ko yama ma mɔɛ a, a ee kamaya ko bonda chɛ sima ma.” Chɛ‑a a ɔ yian fan, mbɛ an kuiɛ a nii ma kan ni, a si Chisɔsi ma.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 4:17

Nn mbe ko gbɛama miin dɔ bia tena ka sanche, ɛndenɛ mu, a sin, an dɔ ee mɛ tena. Chɛ an mbe na‑a kuɔ fɔ tɔnɔnɛ wa an na, min benden mu kaka ko gbɛama chɛ n ma.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

1 CHƆN 5:13

N mbe gboo chɛ nyɛn tena wo wan tena, wo wɛn kai faen mu Yataa 'a denɛ a, min mbe a ma, wo ni a ɔ sɔn, mbɛ wo‑a kuɔ fɔ fɔɛ ma sɔn.