Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHƆN 19:42 - Yataa 'a Dɔbɛnɛ Nama

42 Mɔ fea chɛ n na‑a Chisɔsi su sa an dɔ, a tɔn kamba a, a mu min na, an ni an baima. A sin to, an tee chɛ bea ma, a ni Chu n 'na suin tee kuu sɔɛ an na.

အခန်းကိုကြည့်ပါ။ ကော်ပီ




CHƆN 19:42
10 ပူးပေါင်းရင်းမြစ်များ  

N fan, Mɔ Gbu 'a Denɛ, n mbe tee sawa ni pimbi sawa ya‑a wan fii chima ɔ, yɔ Chona na‑a tee sawa ni pimbi sawa ya buɛ min dɔ nyɛ wa bu ɔ.


Tee min ma, Chu n ni an ma bɛn suin tee ko a, tee che‑a a kun tɛ. An wichi chɛ ni kun bɔ a ɔ bɛnɛ an ko a. Mbɛ Kɔfana Padeti ɔ an ma, a ɔ, “Wo 'a mansa gbu yen ko.”


Chu mɔ sɛsɛ na‑a a kan fan, koe min na mu, Chisɔsi gbangban‑da ka kaina min, a ɔ nii ma yansan duu a. An bai kundu chɛ nyɛn‑da gba sawa. A nyɛn‑da Chu mɔɛ n da a kuiɛ pɛn dɔ, mbɛ a a mun‑da Domi mɔɛ n ta ɔ, a danka a, a nyɛn‑da Kiisi mɔɛ n ta ɔ.


Tee chɛ ni Anyima tee an na. Chu n ni an ma bɛn tee chɛ an ma suin tee ko a. Chɛ ko a, an nii ma to ni, su chɛ n ni ma dɛn dɔ kɔn gbengbandenɛ ma an tee chɛ ma. A bɛbɛɛ suin tee min nɛnɛ ni na tena ka, min ni tee wa a. Chɛ na‑a a ma wan, Chu n ya ɔ sɔɛ n‑na Kɔfana Padeti ɔ tisa, a ni a ma, an ni mɔɛ chɛ n chenɛ n dɔ kai kai, an ni fua fa‑a, mbɛ an‑na an su bɔ dɛn dɔ kɔn gbengbandenɛ chɛ n ma.


An na‑a Chisɔsi gbangban ka kaina min kɔn gbengbandenɛ ma, a fa‑a, yadi ni wan nɔ baima. An yadi chɛ ɔ, fanɛ nama ni wan nɔ, an nii ma mɔ su sa nin bɛ min dɔ a kɔma a.


An sin ban‑da wan koe chɛ n gbɛɛ a tachɛ‑a Chisɔsi a, yɔ a na‑a a fɔ buɛ min dɔ, a si a ma Yataa 'a gboo ɔ. Mbɛ an‑na a a yii kɔn chɛ ma, an‑na a tɔn.


Mbɛ an‑na a tɔn kɛn, tee fea a sawan bɔɛ ma, Yataa‑a a kɔɔ sɔ, a ka saya ɔ. A ma‑a wan ka, yɔ a nyɛnden mu buɛ min dɔ to Yataa 'a gboo ɔ.


Yii chɛ‑a kɛn wo kunɛ ɔ, Yataa chia a, a tima chɛ a, a ma‑a wan yɔ wo tɔn‑da wan ka, wo bɛ Chasi a. A yɛ to, mbɛ Yataa‑a wo kɔɔ sɔ, a ka saya ɔ, wo bɛ Chasi a to. Danaya ni wan wo ɔ Yataa 'a gbasaya ko a, min‑na Chisɔsi kɔɔ sɔ, a ka saya chɛ ɔ. An danaya chɛ sin fan‑na a ma, chɛ ma‑a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ