Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHƆN 19:4 - Yataa 'a Dɔbɛnɛ Nama

4 Mbɛ Kɔfana Padeti bɔ‑a to baa ma, mbɛ a‑a a fɔ mɔ fanka chɛ ye, a ɔ, “Wo wo too ma sɔ, n mbe a ma‑a wan, an ni bɔ a a nɛ wo wandi tena. An mbe a ma‑a, wo ni a ɔ yen, mbɛ n ma chia kan kɔ kan yen ni, kaa a tɛ koe a a fa koe ma.”

အခန်းကိုကြည့်ပါ။ ကော်ပီ




CHƆN 19:4
16 ပူးပေါင်းရင်းမြစ်များ  

Kɔfana Padeti to‑a si ɔ tongbo kɔɔ wan bai chɛ kun ma, mbɛ a 'a musu‑a sakana a na a tena, a si Chisɔsi ma. Musu chɛ‑a a fɔ wan sakana chɛ ɔ, mbɛ Kɔfana Padeti ma a boo kan kɔ kan chɛ Chisɔsi fa koe ɔ. A ɔ, Chisɔsi mu mɔ tanden ba an na, min ma ko yama kan kɔ kan ma ni. A ɔ, a faa gbaaen ba mu, a si cho ma, a‑a min chɛ an su chɛ ɔ, a si Chisɔsi ma.


Kɔfana Padeti‑a a ɔ yen, mbɛ a boo ee kun bai chɛ ma. A sin, ni a chii‑a a boo ka koe ma Chisɔsi a, mbɛ gbunɛ an mbe bɔ‑a a ɔ. A‑a chɛ ɔ yen kɛn, mbɛ a‑a yii ya, mbɛ a‑a a boo a ko, an gbɛɛ ya kɔɔ, ɛ ta‑a a fɔ‑a, a ɔ, “N boo ee kamin chɛ fa koe ɔ. Wo wan mbe a nɛnɛ ma yɛman‑da.”


Ɛ kɔpɔɛ chɛ a yɛ‑a kɛn an ma, a ɔ, “N‑na ko yama an ma ka. N‑na kamin chɛ min ma tachɛ ka, a ma ko yama kan kɔ kan man ni, ɛ ka na tena fa‑a fuu.” Chɛɛ an dɔ, “I ta ɔ wan nɛ chɛ nɛnɛ a. Nn ma to ni nn ni a ɔ sɔn ɛnden bɛɛ a.”


Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”


Mbɛ Kɔfana Padeti‑a a fɔ wan Chu n tɛ mɔɛ nu Yataa a, an 'na mansa n ye, a basan mɔ fanka chɛ a, a ɔ, “N ma ko yama kan kɔ kan yen ni, kamin chɛ‑a min ma.”


A sin, an teayaen fan mu, an ni ko yawaenɛ sa mɔ ma, koe min na mu, mɔ tana, mɔ ɛ ka nɛ mɔ sɔn yama an ko a. Chɛɛ a tana, a ma ko yama kan kɔ kan ma ni.”


Domi soya gbakoo chɛ, min ni ka Chisɔsi ma fɛn‑da, a‑a a ɔ yen min ma‑a. Mbɛ a‑a tando be Yataa ma, a ɔ, “Tea gbu ko a, mɔ tandenɛ ni kamin chɛ a.”


Mbɛ Kɔfana Padeti yɛ‑a a 'a kata bu ɔ, mbɛ a‑a a ma, an na‑a Chisɔsi a a tena. Mbɛ a ɔ, “I wan mu Chu mɔɛ n 'na mansa a?”


Mbɛ Kɔfana Padeti ɔ a ma, a ɔ, “Tea e na ma fen na?” Mbɛ Kɔfana Padeti bɔ‑a to mɔɛ chɛ n tena, a 'a kata baa ma. Mbɛ a ɔ, “N ma chia kan kɔ kan yen ni, kaa a tɛ koe a, mɔna chɛ fa koe ma.


Mɔɛ miin mbe Chu n tɛ Yataa a, an 'na mansa chɛ nu, an bɛ Yataa 'a kata kun ma fɛn poesi chɛ n na, an gbɛɛ‑a Chisɔsi yen kɛn sɔ ɔ an ya kɔɔ, an‑na yee tɛ wan gba fea, an dɔ, “A ni gbangban kɔnɛ ma, a ni fa. A ni gbangban kɔnɛ ma, a ni fa.” Chɛɛ Kɔfana Padeti ɔ, “Wo wandi wo a bia, mbɛ wo‑a a fa a buɛ ɔ. N tana, n ma chia kan kɔ kan yen ni, kaa a tɛ koe a a fa koe ma.”


Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.


Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.


Chɛ ni Chisɔsi Chasi wandi ta wii gbu an na, min be‑a wo kun ka koe a. Chasi ma‑a wan yɔ sa tɔngbɔɛ yasi, tɔmbɛ nii min ma, a sin, a wakoe ɔ nii ma chɛ chɛ ni.


A nii ma ko yama kan kɔ kan ma ni. A sin, fania bai nii ma bɔ ni a da ɔ tee dɔndɔ wɛɛ.


An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.


Chɛɛ wo‑a a ɔ sɔn fan, mbɛ Chisɔsi na‑a, min mbe a ma, a ni tɔɔya ka mmɔ kun ma, mmɔ 'a ko yama n ko a. A sin tana, a ma ko yama kan kɔ kan ma ni.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ