CHƆN 19:34 - Yataa 'a Dɔbɛnɛ Nama

³⁴ Chɛɛ chɛ gbɛɛ ɔ, soya chɛ n dɔndɔ, a‑a tamba a sendenɛ ya wan, a‑a Chisɔsi kaa fɛ sɔɔ a a. A sin, a ya kɔɔɛ a, wii bɔ‑a wan nɔ, a basan yii a.

CHƆN 19:34 ပူးပေါင်းရင်းမြစ်များ

MATIU 27:62

Tee dɔndɔɛ ma, min ni suin tee a, Chu n tɛ mɔɛ nu Yataa a, an 'na mansa nu, an bɛn‑da wan Kɔfana Padeti tena. Chu mɔɛ chɛ n bɛɛ, miin ni Fayisii n na, an ni wan an bɛn chɛ ɔ.

CHƆN 19:33

Chɛɛ an che‑a kɛn Chisɔsi ma, an nii ma a chenɛ n dɔ kai ni. Koe min na mu, an na‑a a ɔ yen fan, mbɛ a faenɛ ni gbɛ.

CHƆN 20:20

Chɛ fɔenɛ gbakɔ a boo ɔ, mbɛ Chisɔsi‑a a boo n yian an na, a basan a kaa a fɛ chɛ a. An na‑a an 'na mansa yenɛ min chɛ ka, a na‑a a fɛ den chɛ n bu ɔ dia‑a wan gbeden.

CHISƆSI 'A SƆ MƆƐ NU 22:16

A sin, e gbɛ fen ma kɔnun tena? I kɔɔ sɔ, i ni Mansa Chisɔsi chee basan koe a i ma, mbɛ yii chɛ‑a i kunɛ ɔ, Yataa chia a, i ni ko fion, a bɔ i 'a ko yama n dɔ.’

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

Gboo Ɛfisɔsi Ko A 5:26

A‑a chɛ ma, min mbe a ma, a ni a ma, mɔɛ miin mbe chɔchi ɔ, an ni ma tenchen Yataa ko a. A ni an ko fion, yii a, mbɛ a‑a a da a bai sa an yii kun ma.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 9:13

Sawa kɔma chɛ n tima a, ba wii min ni bɔn, a basan ninchi wii a, a ni mɔɛ n ko wan dechee an gboo ma. An soe chɛ n buwa wɛɛ ni ko dɔndɔ gbe chɛ an ma.

GBOO IBU MƆƐ N KO A 9:22

Tea gbu a, sawa ta fɛ chia a, fen kɔ fen ma ɛ ko dechee fion wii an na, Yataa chen kɔɔ. A sin gbu, ni wii a nii ma bɔn ni, Yataa nii a boo bɔ‑a mmɔ 'a ko yama n dɔ.

1 PITA 3:21

Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.

1 CHƆN 5:6

A wan mu, a wan Chisɔsi Chasi, min na‑a dunya ɔ. Yii chɛ‑a wan a kunɛ ɔ, Yataa chia a, a sin, a fa‑a kɛn, a wii bɔn‑da wan. Yii dechee ma chɛ ni a kunɛ ɔ, a yɛ to, a wii bɔn‑da wan to. A sin, Yataa Nyina wɛɛ‑a siiya bɔ wan, mbɛ koe chɛ n mu tea an na.

1 CHƆN 5:8

Sii saa saa mu Yataa Nyina an na, a fean bɔɛ mu yii a, a sawan bɔɛ mu wii a. Chɛ n sin gbɛɛ kuiɛ ɛ dɔndɔ gbe.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.

KO Ɔ NUNDENƐ 7:14

Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.