CHƆN 19:31 - Yataa 'a Dɔbɛnɛ Nama

³¹ Tee chɛ ni Anyima tee an na. Chu n ni an ma bɛn tee chɛ an ma suin tee ko a. Chɛ ko a, an nii ma to ni, su chɛ n ni ma dɛn dɔ kɔn gbengbandenɛ ma an tee chɛ ma. A bɛbɛɛ suin tee min nɛnɛ ni na tena ka, min ni tee wa a. Chɛ na‑a a ma wan, Chu n ya ɔ sɔɛ n‑na Kɔfana Padeti ɔ tisa, a ni a ma, an ni mɔɛ chɛ n chenɛ n dɔ kai kai, an ni fua fa‑a, mbɛ an‑na an su bɔ dɛn dɔ kɔn gbengbandenɛ chɛ n ma.

CHƆN 19:31 ပူးပေါင်းရင်းမြစ်များ

MATIU 27:62

Tee dɔndɔɛ ma, min ni suin tee a, Chu n tɛ mɔɛ nu Yataa a, an 'na mansa nu, an bɛn‑da wan Kɔfana Padeti tena. Chu mɔɛ chɛ n bɛɛ, miin ni Fayisii n na, an ni wan an bɛn chɛ ɔ.

MAKI 15:42

An tee chɛ bea ma, min ni tee a Chu n ni an ma bɛn an 'na suin tee chɛ ko a,

CHƆN 19:1

Mbɛ Kɔfana Padeti‑a a ma, an‑na Chisɔsi boan chɛndɛ chɛ.

CHƆN 19:14

Tee min ma, Chu n ni an ma bɛn suin tee ko a, tee che‑a a kun tɛ. An wichi chɛ ni kun bɔ a ɔ bɛnɛ an ko a. Mbɛ Kɔfana Padeti ɔ an ma, a ɔ, “Wo 'a mansa gbu yen ko.”

CHƆN 19:42

Mɔ fea chɛ n na‑a Chisɔsi su sa an dɔ, a tɔn kamba a, a mu min na, an ni an baima. A sin to, an tee chɛ bea ma, a ni Chu n 'na suin tee kuu sɔɛ an na.