CHƆN 19:25 - Yataa 'a Dɔbɛnɛ Nama

²⁵ Chɛ gbɛɛ ɛ chɛ a ɔ tima min kɔɔ, Chisɔsi de ni wan nɔ sɔ ɔ a 'a kɔn gbengbandenɛ chɛ baima. A de dɔ musuma wɛɛ ni wan nɔ. Kai Kopasi 'a musu Mɛi wɛɛ ni wan nɔ, a basan Mɛi dɔndɔɛ chɛ wɛɛ a, min ka‑a Makadaa duu ɔ.

CHƆN 19:25 ပူးပေါင်းရင်းမြစ်များ

MATIU 12:46

Chisɔsi ɛ koɔ tena chɛ wan mɔ fanka chɛ tena, mbɛ a de na‑a, a sɔ‑a baa ma, an bɛ a dɔ kaima n na. An toen ni an ni a yen.

MAKI 16:9

Mbɛ Chisɔsi na‑a a kɔɔ sɔ kɛn, Tɛnɛ kan kɔɔ dɔɛ ma, a‑a a wandi yian mɔɛ min pɛn na, an nɛ Mɛi a, min ka‑a Makadaa duu ɔ. A na‑a nyina yama wɔnfea chɛ n gbain an Mɛi chɛ an fɛ.

DUKU 2:35

Chɛ ɛ a ma‑a wan, mɔ sɛsɛ n faa n dɔ koe n dɔ ni sɔn. I sin, Mɛi, ɛ ma‑a wan i ma faayɔn ba dɛgbɛ a, koe chɛ n gbɛɛ ɛ ma‑a tima min na.”

DUKU 23:49

Chɛɛ koe chɛ n gbɛɛ ni ben tena tima min na, Chisɔsi dia nyɔɛ chɛ n bɛɛ ni wan nɔ sɔ ɔ pɔɔ, an mbe an dɔ yen‑da. Musu miin bɛɛ na‑a a ma sɔ ka, a ka Kadidi chɛnyɛ ɔ, an ni wan an tɛ ɔ.

DUKU 24:18

An dɔndɔ min tɔ ni Kiyopasi, a ɔ, “Mɔna, i dɔndɔ gbe chɛ, sonda mu i wan na dechee Chuusaɛn, min ma a ɔ sɔn koe miin ben‑da nɔ tee fea chɛ ɔ.”

DUKU 8:2

Musu dɔ n bɛɛ ni wan a fɛ. An ni musu n fan na, Chisɔsi na‑a miin baun an 'na gbandi ɔ. An dɔ n sin, a na‑a nyina yama n fan gbain an fɛ. Musu chɛ n gbu sin tɛ ɔ, musu dɔndɔ ni wan nɔ, min tɔ ni Mɛi, min ka‑a Makadaa duu ɔ. Chisɔsi na‑a nyina yama wɔnfea gbain an fɛ.

CHƆN 20:1

Sau sau ma, Tɛnɛ kan kɔ dɔɛ ma, kaina a findenɛ ni wɛ tima min na, Mɛi min ka‑a Makadaa duu ɔ, a ta‑a Chisɔsi kamba chɛ tena. Mbɛ a‑a a ɔ yen, mbɛ senɛ min bundenɛ ni an fan chɛ da a, a su chɛ sa‑a ka kaina, mbɛ an senɛ chɛ ee to nɔ bun dɔ.