CHƆN 19:19 - Yataa 'a Dɔbɛnɛ Nama

¹⁹ Mbɛ Kɔfana Padeti‑a a ma, bai kundu nyɛn‑da gbembe kundu ma, min gbangban‑da kɔn gbengbandenɛ chɛ ma. An bai kundu chɛ ɔ, “Chisɔsi an nɛ, min ka‑a Nasaɛti, Chu n 'na mansa.”

CHƆN 19:19 ပူးပေါင်းရင်းမြစ်များ

MATIU 2:23

Mbɛ a ta‑a, a si‑a Nasaɛti duu ɔ. Chɛ‑a a ma wan, Yataa na‑a min na ben a 'a gbonka chɛ mɔɛ n dɔ, a ni bɔ a a. A ɔ, “An mbe na‑a a chee‑a wan Nasaɛti mɔɛ a.”

MAKI 15:26

Mbɛ koe min gbu na‑a a ma, an‑na a gbangban kɔn gbengbanden chɛ ma, an‑na a nyɛn fan kɔn dɛnfɛ ma, an dɔ, Chu mɔɛ n 'na mansa an nɛ.

DUKU 18:37

Mbɛ mɔɛ n‑na a fɔ a ye, an dɔ, “Chisɔsi, an mbe ka ben tena, min ka‑a Nasaɛti duu ɔ.”

DUKU 23:38

Kɔn dɛnfɛ ni wan bun dɔ a 'a kɔn gbengbanden chɛ kun ma. A nyɛnden fan ni an kɔn chɛ ma, an dɔ, Chu mɔɛ n 'na mansa an nɛ.

CHƆN 1:49

Natanɛɛ ɔ, “Kan mɔ,” a ɔ, “Yataa 'a denɛ chɛndɛ chɛndɛ mu i a,” a ɔ, “Isɔɛɛ mɔɛ n 'na mansa mu i a.”

CHƆN 18:33

Mbɛ Kɔfana Padeti yɛ‑a a 'a kata bu ɔ, mbɛ a‑a a ma, an na‑a Chisɔsi a a tena. Mbɛ a ɔ, “I wan mu Chu mɔɛ n 'na mansa a?”

CHƆN 19:12

Kɔfana Padeti‑a chɛ a min kɛn, a‑a chia yan fan Chisɔsi boo ka koe a, a bɔ koe chɛ ɔ. Chɛɛ fanka chɛ‑a yee tɛ to, an dɔ, “Ni i‑a mɔna chɛ boo ka, mbɛ i ma to ni Domi kun ti wa a. Mɔɛ min mbe a wandi ya mansa a, ɛ ma‑a ka a kaa sa‑a Domi kun ti wa chɛ an na.”

CHƆN 19:14

Tee min ma, Chu n ni an ma bɛn suin tee ko a, tee che‑a a kun tɛ. An wichi chɛ ni kun bɔ a ɔ bɛnɛ an ko a. Mbɛ Kɔfana Padeti ɔ an ma, a ɔ, “Wo 'a mansa gbu yen ko.”

CHƆN 19:21

Mbɛ Chu n tɛ mɔɛ nu Yataa a, an 'na mansa n dɔ Kɔfana Padeti ma, an dɔ, “I nii a fɔ, i ɔ, Chu n 'na mansa, chɛɛ i ni a fɔ wan, i ɔ, mɔna chɛ, an‑na a fɔ, a ɔ, Chu n 'na mansa mu a a.”

CHƆN 19:3

Mbɛ an‑na an yuu sɔ na koe a a tena, an mbe ta‑a ma yɛn ma bun‑da a ma, an dɔ, “Chu mɔɛ n 'na mansa chɛ ni mɛ.” Mbɛ dɔndɔ dɔndɔɛ a, an‑na a gbasi.

CHISƆSI 'A SƆ MƆƐ NU 26:9

“N fandi gbu wɛɛ, n ni n yii na chii wan, ko kan kɔ kan ma koe a, min ni a ma, Chisɔsi tɔɛ ni fa, Nasaɛti mɔɛ chɛ.

CHISƆSI 'A SƆ MƆƐ NU 3:6

Chɛɛ Pita ɔ, “Kɔpɔ kan kɔ kan mbe ee n boo ɔ, a be koe i ma. Chɛɛ fenɛ min nɛnɛ ɛ n boo ɔ, n mbe a be‑a wan i ma. Chisɔsi Chasi min ka‑a Nasaɛti duu ɔ, a 'a gbasaya ɔ mu, n mbe a fɔ tena i ye, mbɛ i ni i kɔɔ sɔ, i ni tachɛ chɛ.”