CHƆN 19:18 - Yataa 'a Dɔbɛnɛ Nama

¹⁸ An kaina chɛ ni, an‑na Chisɔsi gbangban kɔn gbengbandenɛ ma, a basan kamin fea dɔ mende n bɛɛ a. Chisɔsi an ni dɛn dɔ an kamin fea chɛ n tɛtɛ ma.

CHƆN 19:18 ပူးပေါင်းရင်းမြစ်များ

MATIU 27:44

An bɛ gbangban‑da ka kanka fea miin na dɔndɔ a, an bɛɛ, an‑na a main ka wan to.

CHƆN 18:32

An‑na bai min fɔ ka, a‑a a ɔ yian fan, mbɛ Chisɔsi na‑a min fɔ, a ɛ bɔ‑a wan a a. Chisɔsi na‑a a ɔ yian fan, an ni na tena a fa‑a buɛ min dɔ.

CHƆN 19:32

Mbɛ soya chɛ n ta‑a, mbɛ an‑na kaminɛ saa chenɛ n dɔ kai. Mbɛ an yɛ‑a, an‑na kaminɛ dɔndɔɛ wɛɛ chenɛ n dɔ kai kai, an na‑a miin gbangban ka kɔn gbengbandenɛ ma, an bɛ Chisɔsi a.

CHISƆSI 'A SƆ MƆƐ NU 2:23

Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ.

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.