CHƆN 19:15 - Yataa 'a Dɔbɛnɛ Nama

¹⁵ Mbɛ an‑na yee tɛ to, an dɔ, “A ni ka ka, a ni ka ka. A ma a ni fa kɔn gbengbandenɛ ma.” Chɛɛ Kɔfana Padeti ɔ, “Wo 'a mansa, wo toen mu n ni a ma, an ni a fa kɔn gbengbandenɛ ma, ae?” Chu n tɛ mɔɛ nu Yataa a, an 'na mansa n dɔ, “Nn 'na mansa mu Domi kun ti wa an na dechee.”

CHƆN 19:15 ပူးပေါင်းရင်းမြစ်များ

MATIU 22:17

Chɛ an fɛ mu, a yen ko, mmɔ ɛ pawa chɛ tima ɔ tima, Domi kun ti wa tena. A ɔ yian bɛ nn na, i ta yiima ɔ, i‑a pawa chɛ be koe yen ka ma, a nyin fan?”

DUKU 23:18

Chɛɛ an gbɛɛ‑a a fɔ wan dɔndɔ a, an kuiɛ ma sɛenɛ a, an dɔ, “Kamin chɛ fa, mbɛ i‑a i boo ka Baabasi a nn ye.”

CHƆN 18:31

Mbɛ Kɔfana Padeti ɔ, “Mbɛ wo wandi, wo ta a a, wo ni wo 'a sawa a tachɛ a a.” Chɛɛ an dɔ, “Wo wan Domi mɔɛ n ma a gbasaya chɛ be nin bɛ kɛn nn ma, kaa a tɛ koe a mɔɛ fa koe ma.”

CHƆN 19:6

Mɔɛ miin mbe Chu n tɛ Yataa a, an 'na mansa chɛ nu, an bɛ Yataa 'a kata kun ma fɛn poesi chɛ n na, an gbɛɛ‑a Chisɔsi yen kɛn sɔ ɔ an ya kɔɔ, an‑na yee tɛ wan gba fea, an dɔ, “A ni gbangban kɔnɛ ma, a ni fa. A ni gbangban kɔnɛ ma, a ni fa.” Chɛɛ Kɔfana Padeti ɔ, “Wo wandi wo a bia, mbɛ wo‑a a fa a buɛ ɔ. N tana, n ma chia kan kɔ kan yen ni, kaa a tɛ koe a a fa koe ma.”

CHISƆSI 'A SƆ MƆƐ NU 13:28

An nii ma chia ɔ chia sɔn ni kaa a tɛ koe a, a fa koe ma. Chɛ gbɛɛ ɔ, an‑na Kɔfana Padeti ɔ tisa wan, a ni a ma, an ni a fa.

CHISƆSI 'A SƆ MƆƐ NU 21:36

An gbɛɛ‑a a sɔ wan an fɛ, yee tɛ‑a, an dɔ te, “Mmɔ a fa.”

CHISƆSI 'A SƆ MƆƐ NU 22:22

Mɔɛ chɛ nu, an‑na an too ma sɔ wan Pɔɔ ma, aan a che‑a bai chɛ kaina chɛ ma. Mbɛ an‑na yee tɛ, an dɔ, “Wo mɔ bonda chɛ ka dunya ɔ ka! Koe min na mu, a ma nyin, a ni ma fɔɛ chɛ ɔ!”