CHƆN 19:11 - Yataa 'a Dɔbɛnɛ Nama

¹¹ Chɛɛ Chisɔsi ɔ, “Gbasaya ee che ma‑a i boo ɔ n kun ma, ni Yataa an ma a be ni i ma. Chɛ an fɛ mu, mɔɛ min‑na a ma, an na‑a nɛ chɛ n na i chen kɔɔ, a ta ko yama benden mu i ta ma.”

CHƆN 19:11 ပူးပေါင်းရင်းမြစ်များ

MATIU 26:65

Tɛ mɔ wa chɛ‑a bai chɛ a min kɛn Chisɔsi da a, a‑a a ma doma a panda wan. A ɔ, “A‑a Yataa main. Mmɔ ɛ to‑a to siiya dɔ mende minan na? Mmɔ ban‑da a a min‑da a wandi da a, ɛ Yataa main‑da.

MATIU 27:2

Mbɛ an‑na a ma, mɔɛ n‑na Chisɔsi chii. Mbɛ an ta‑a a a, an‑na a ma konan Kɔfana Padeti ma, min ni kɔfana a Chudia chɛnyɛ ɔ, Domi kun ti wa kɔɔ.

MATIU 6:13

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

MAKI 14:44

An mbe e na to na‑a, Chudasi na‑a a fɔ wan mɔɛ chɛ n ye, a ɔ, ɛ mɔɛ min kɔndɔn‑da, a ɔ, an nɛ. A ɔ, an ni dɛ a ma, an ni a bia gban, mbɛ an ta‑a a a.

DUKU 22:53

Mmɔ‑a tee sɛsɛ wa chɛ gbɛɛ ban Yataa 'a kata ɔ, wo ma n bia ni. Chɛɛ wo ta tima an che‑a ka wo faa ma koe ma koe a, tima min na Sitana 'a gbasaya ɛ wɛ dunya chɛ kun ma.”

CHƆN 18:13

An ta‑a mɔɛ min pɛn tena, an nɛ kai Anasi a. Chu n 'na tɛ mɔ wa Yataa tena, an san chɛ a, a ni Kayafasi an na. Anasi chɛ, a 'a denɛ musuma, an ni a boo ɔ.

CHƆN 18:3

Mbɛ Chudasi na‑a an kaina chɛ, ɛ na‑a an bɛ Domi chɛnyɛ ɔ soya kuunɛ n na. An bɛ ni poesi n na na‑a, miin ni Yataa 'a kata kun ma fɛn. Fayisii mɔɛ dɔ nu, an bɛ Chu n tɛ mɔɛ nu Yataa a, an 'na mansa nu, an fan na‑a an sɔ. Chɛɛ chɛ feanka n ni wan an boo ɔ, ni sanku manɛ, a basan dambo n na.

CHƆN 19:10

Mbɛ Kɔfana Padeti ɔ a ma, a ɔ, “E yen ko ban‑da koɔ koe a n tena. A ni ma i yii ma, mbɛ gbasaya ɛ wan n boo ɔ, i kun bɔ koe a saya chɛ ɔ. Gbasaya ɛ wan to n boo ɔ, a ma koe a, an ni i fa kɔn gbengbandenɛ ma.”

CHƆN 3:27

Chɔn dɔ, “Ni koe ma‑a ka, Yataa an dɔn‑da a ma.

CHƆN 7:30

Chisɔsi kuiɛ chɛ gbakɔ, mɔɛ chɛ dɔ n toen ni an ni a bia fɔin. Chɛɛ mɔ ɔ mɔ ma a boo tu ni a a. Koe min na mu chɛ ma‑a, tima nii ma chɛ a, tima min yianden ni a 'a fɔɛ ɔ, a bia koe a.

CHƆN 9:41

Mbɛ Chisɔsi ɔ, “Ni fion tɔɛ ni wo a, Yataa ni a ya ka‑a wan wo 'a ko yama n na. Chɛɛ wo e a fɔɛ min chɛ, wo ɔ, fion tɔ ma wo a, an fɛ mu, a ee a ya ka‑a wo 'a ko yama n na.”

CHISƆSI 'A SƆ MƆƐ NU 2:23

Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ.

CHISƆSI 'A SƆ MƆƐ NU 3:13

Ebeami ni Yataa min fai, Aisaki ni min fai, Chekɔpi wɛɛ ni min fai, mmɔ bemba n ta bemba n bɛɛ n‑na Yataa min fai, an‑na basɔmaya wa chɛ be a 'a wai chɛ mɔɛ Chisɔsi ma. Chɛɛ wo to‑a wan nɔ, wo‑a a bia, mbɛ wo‑a a be ya ɔ sɔɛ n ma. Mbɛ wo yɛ‑a, Kɔfana Padeti chen kɔɔ, a ni a yii na chii tena kɛn Chisɔsi chɛ boo ka koe a, wo‑a kɔɔsa bia chɛ wan a wakoe ma.

CHISƆSI 'A SƆ MƆƐ NU 4:28

An na kan‑da wan kaina dɔndɔ, min mbe a ma, an ni koe chɛ n dɔ bɛn, miin dɔ bɛnden ni gbɛ i boo ɔ, yɔ i toen ni a a buɛ min dɔ.

GBOO DOMI KO A 11:36

A yen ko o, Yataa an‑na fen kɔ fen na dan. Fen kɔ fen, min mbe dunya chɛ ɔ, Yataa an mbe a ma an mbe nɔ. Fen kɔ fen dunya chɛ ɔ, an mbe nɔ, Yataa tando koe an na. Dua ni ma a tɔɛ ma, kuɔ fɔ ko a. A ni ma ka.

GBOO DOMI KO A 13:1

Mɔ ɔ mɔ ni kooya be mɔɛ chɛ n ma, miin mu ka ya ɔ sɔɛ n na. Koe min na mu, mɔ ɔ mɔ ee gbasaya ma sɔn, ni Yataa ma dɔn ni a ye. A sin, mɔɛ miin mbe gbasaya ɔ ka, Yataa an‑na a be an ma.

CHIMISI 1:17

Ko chɛndɛ gbɛɛ, mabɔ ee min ma, ɛ ka Yataa an tena. Manɛ gbɛɛ, miin na dandenɛ ɛ banda bu ɔ, a boo gba mu an na. Ko chɛndɛ kan kɔ kan, mabɔ ee min ma, a wan‑na an be mmɔ ma, a ka banda bu ɔ. A tana, a ee mun kuɔ fɔ. A ee ka yɔ nininɛ, min mbe ka a gba ɔ.

CHIMISI 4:17

A ni ma wo yii ma, ni mɔ‑a a ɔ sɔn, e koe min ma, min nyin, chɛɛ i sin ma an koe chɛ ma ni, ko yama mu a a.