CHƆN 18:8 - Yataa 'a Dɔbɛnɛ Nama

⁸ Chɛ nɛnɛ ɔ, a ɔ, “N ban‑da a fɔ‑a wo ye, mbɛ Chisɔsi mu n fan na. Chɛ an fɛ mu, ni wo e wo ya a kan tena n fan na, mbɛ wo a ma, n fɛ mɔɛ chɛ n ni ta.”

CHƆN 18:8 ပူးပေါင်းရင်းမြစ်များ

MATIU 26:56

Chɛɛ chɛ gbɛɛ ɛ ma tena, min mbe a ma, Yataa 'a gbonka chɛ mɔɛ n na‑a miin nyɛn Yataa 'a gboo ɔ, an ni bɔ a a.” Mbɛ Chisɔsi fɛ denɛ n gbɛɛ, an‑na a dɔndɔ gbe to, mbɛ an ben‑da bui‑a.

CHƆN 10:28

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

CHƆN 13:1

Tima ni gbɛ che koe an na, kun bɔ a ɔ bɛn chɛ kuu sɔ koe a. Chisɔsi na‑a a ɔ sɔn fan, mbɛ tima an ni ka gbɛ che‑a, a ni dunya chɛ to, a ni yɛ a fa tena. Mɔɛ miin ni a fɛ dunya chɛ ɔ, a na‑a to wan an na tima ɔ tima ko a. A sin, mmɔ ɛ na tena a ɔ yen‑da, a to‑a buɛ min dɔ an na, a da faenɛ ɔ gban.

CHƆN 13:36

Mbɛ Saimɔn Pita ɔ, “Mansa, e na tena ta‑a mende?” Mbɛ Chisɔsi ɔ, “E ee che‑a a sɔ‑a n fɛ dɔndɔ a, n mbe ta tena kaina min, chɛɛ ni a ɔ mɛ‑a, e a sɔ‑a wan n fɛ.”

CHƆN 16:32

Chɛɛ tima ɛ che tena, a sin, an tima gbu che‑a, wo gbɛɛ, wo e na tena fasan‑da n ma tima min na. Dɔndɔ dɔndɔɛ a, wo e na tena ta‑a wo ta chia an na, mbɛ wo‑a n dɔndɔ gbe ma gbaaenɛ to. Chɛɛ chɛ gbɛɛ ɔ, n dɔndɔ gbe ee ma tena, koe min na mu, Fa ɛ n kɔ gban.

CHƆN 18:7

Mbɛ Chisɔsi‑a an dɔ tisa to, a ɔ, “Nyɔn gbu mu, wo e wo ya a kan tena min na?” Mbɛ an dɔ te to, “Chisɔsi, min ka‑a Nasaɛti duu ɔ.”

CHƆN 18:9

A‑a chɛ fɔ, min mbe a ma, a na‑a min fɔ, a ni bɔ a a. A na‑a a fɔ wan, a ɔ, “Fa, n ma fo ni mɔɛ chɛ n dɔndɔ wɛɛ a, i na‑a mɔɛ miin be n ma, an kun ma fɛn koe a.”

GBOO SAA KƆYINDI KO A 10:13

Dɔsiman kan kɔ kan mbe ee wo tan, min sima ma mɔ gbu tan nin bɛ. Chɛɛ Yataa ee a da a kuiɛ yɔn, a sin mbe ee dɔn dɔsimanɛ ni na mɔ gbu tena, i 'a danaya ɔ ma gbɛ min dɔ bia koe a. Ni dɔsimanɛ na‑a i tena tima min na, a tima dɔndɔ gbe chɛ kɔɔ, ɛ chia yian‑da wan e kun buɛ min dɔ, i ni bɔ a ɔ. Ɛ i ɔ gbɛa‑a wan a ɔ bia koe a.

GBOO FEAN BƆƐ KƆYINDI KO A 12:9

Chɛɛ a‑a a fɔ wan n ye, a ɔ, “N 'na koadia demanɛ, a‑a a kun i ko a. Koe min na mu, tima min na ee kun ko ma, n 'na gbasaya danka ee a tima chɛ a.” Chɛ an fɛ mu, n bu ɔ di yonka tɛ koe a kaka, a si gbasaya ma min mbe ee n boo ɔ, min mbe a ma, Chisɔsi 'a gbasaya ni ma n kun ma.

Gboo Ɛfisɔsi Ko A 5:25

Musu si kai nu, wo to wo 'a musu n na, yɔ Chasi to‑a buɛ min dɔ chɔchi a, mbɛ a‑a a fɔɛ be a ko a.

1 PITA 5:7

Wo faa gbaaen mu koe miin gbɛɛ a, wo Yataa ma fɛn dechee. A gbɔsɔen mu wo ko a kaka.