CHƆN 18:38 - Yataa 'a Dɔbɛnɛ Nama

³⁸ Mbɛ Kɔfana Padeti ɔ a ma, a ɔ, “Tea e na ma fen na?” Mbɛ Kɔfana Padeti bɔ‑a to mɔɛ chɛ n tena, a 'a kata baa ma. Mbɛ a ɔ, “N ma chia kan kɔ kan yen ni, kaa a tɛ koe a, mɔna chɛ fa koe ma.

CHƆN 18:38 ပူးပေါင်းရင်းမြစ်များ

MATIU 27:24

Kɔfana Padeti‑a a ɔ yen, mbɛ a boo ee kun bai chɛ ma. A sin, ni a chii‑a a boo ka koe ma Chisɔsi a, mbɛ gbunɛ an mbe bɔ‑a a ɔ. A‑a chɛ ɔ yen kɛn, mbɛ a‑a yii ya, mbɛ a‑a a boo a ko, an gbɛɛ ya kɔɔ, ɛ ta‑a a fɔ‑a, a ɔ, “N boo ee kamin chɛ fa koe ɔ. Wo wan mbe a nɛnɛ ma yɛman‑da.”

MAKI 15:14

Chɛɛ Kɔfana Padeti ɔ, “Fen ko a chɛ ɛ ma? Kamin chɛ gbu, a‑a fen ko yama ma?” Chɛɛ an‑na yee gbu ma munda wan gbɛ, an dɔ, “A ni gbangban kɔnɛ ma, a ni fa.”

DUKU 23:4

Mbɛ Kɔfana Padeti‑a a fɔ wan Chu n tɛ mɔɛ nu Yataa a, an 'na mansa n ye, a basan mɔ fanka chɛ a, a ɔ, “N ma ko yama kan kɔ kan yen ni, kamin chɛ‑a min ma.”

CHƆN 18:33

Mbɛ Kɔfana Padeti yɛ‑a a 'a kata bu ɔ, mbɛ a‑a a ma, an na‑a Chisɔsi a a tena. Mbɛ a ɔ, “I wan mu Chu mɔɛ n 'na mansa a?”

CHƆN 19:4

Mbɛ Kɔfana Padeti bɔ‑a to baa ma, mbɛ a‑a a fɔ mɔ fanka chɛ ye, a ɔ, “Wo wo too ma sɔ, n mbe a ma‑a wan, an ni bɔ a a nɛ wo wandi tena. An mbe a ma‑a, wo ni a ɔ yen, mbɛ n ma chia kan kɔ kan yen ni, kaa a tɛ koe a a fa koe ma.”

CHƆN 19:6

Mɔɛ miin mbe Chu n tɛ Yataa a, an 'na mansa chɛ nu, an bɛ Yataa 'a kata kun ma fɛn poesi chɛ n na, an gbɛɛ‑a Chisɔsi yen kɛn sɔ ɔ an ya kɔɔ, an‑na yee tɛ wan gba fea, an dɔ, “A ni gbangban kɔnɛ ma, a ni fa. A ni gbangban kɔnɛ ma, a ni fa.” Chɛɛ Kɔfana Padeti ɔ, “Wo wandi wo a bia, mbɛ wo‑a a fa a buɛ ɔ. N tana, n ma chia kan kɔ kan yen ni, kaa a tɛ koe a a fa koe ma.”

CHISƆSI 'A SƆ MƆƐ NU 17:32

An‑na a a min kɛn gbɛ, Pɔɔ‑a bai sa, a si mɔ gbu kɔɔ sɔ koe ma, a ka saya ɔ, dɔ n‑na a ma yɛn fan. Chɛɛ dɔ n sin, an dɔ, “Nn mbe to‑a wan to, nn ni bai a min, a si koe chɛ ma.”

1 PITA 1:19

Chɛ ni Chisɔsi Chasi wandi ta wii gbu an na, min be‑a wo kun ka koe a. Chasi ma‑a wan yɔ sa tɔngbɔɛ yasi, tɔmbɛ nii min ma, a sin, a wakoe ɔ nii ma chɛ chɛ ni.