CHƆN 18:37 - Yataa 'a Dɔbɛnɛ Nama

³⁷ Chɛ‑a a ma wan, Kɔfana Padeti ɔ, “E ka a fɔ an na gbɛ n ye, mbɛ mansa mu i a?” Mbɛ Chisɔsi ɔ, “I wan‑na a fɔ, i ɔ, mansa mu n na. N na‑a dunya chɛ ɔ, mbɛ n suun‑da mɔgbuya ɔ. Chɛ ma‑a, ko dɔndɔ gbe chɛ an ko a, tea ɔ yian koe a mɔɛ n na. A sin, mɔ ɔ mɔ min toen mu an tea chɛ a, ɛ a too ma sɔ wan n da a kuiɛ ma.”

CHƆN 18:37 ပူးပေါင်းရင်းမြစ်များ

MATIU 26:64

Mbɛ Chisɔsi ɔ, “I‑a an fɔ ka. Chɛɛ n ni a ma din wo tena, mbɛ a ka sanche ma aan a ta, n fan, Mɔ Gbu 'a Denɛ, wo e n yen‑da wan si ɔ kaina ma bɛndenɛ Yataa boo nyima ɔ, gbasaya ɔ. A sin, wo e n yen‑da wan na‑a, banda a dugbu ɔ.”

MATIU 27:11

A tima chɛ a, an‑na a ma wan, Chisɔsi sɔ‑a Kɔfana Padeti chen kɔɔ. Mbɛ kɔfana chɛ‑a a ɔ tisa, a ɔ, “I wan mu Chu mɔɛ n 'na mansa a?” Mbɛ Chisɔsi ɔ, “I‑a an fɔ ka.”

MAKI 14:62

Mbɛ Chisɔsi ɔ, “N fan nɛ. A sin, n fan, Mɔ Gbu 'a Denɛ, wo e n yen‑da wan, n mbe si ɔ kaina ma bɛndenɛ Yataa boo nyima ɔ, gbasaya ɔ. A sin to, wo e n yen‑da wan na‑a, banda a dugbu ɔ.”

MAKI 15:2

Mbɛ Kɔfana Padeti‑a a ɔ tisa, a ɔ, “I wan mu Chu mɔɛ n 'na mansa a?” Mbɛ Chisɔsi ɔ, “I‑a an fɔ ka.”

DUKU 22:70

Mbɛ an gbɛɛ‑a a fɔ, an dɔ, “Mbɛ i wan mu Yataa 'a denɛ a?” Mbɛ a ɔ, “Wo‑a an fɔ ka.”

DUKU 23:3

Mbɛ Kɔfana Padeti ɔ, “I wan mu Chu mɔɛ n 'na mansa a?” Mbɛ Chisɔsi ɔ, “I‑a an fɔ ka.”

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:17

Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 3:32

Mɔɛ min ka‑a banda bu ɔ, a tana, a‑a miin dɔ yen nɔ, a‑a miin na min, ɛ an fan dɔ yian. Chɛɛ chɛ gbɛɛ ɔ, mɔɛ n mbe ee an boo si a 'a sakana bai kɔɔ.

CHƆN 7:17

Mɔ ɔ mɔ min ma bɛnden mu, Yataa faa ma koe ma koe a, an mbe a ɔ sɔn, n mbe kanɛ min chɛ tena. A mɔɛ chɛ, an mbe a ɔ sɔn, ni n mbe Yataa da a bai an na ben tena. Chɛ ma, an mbe a ɔ sɔn, ni n mbe a chɛ tena n fandi kun ma an na.

CHƆN 8:14

Chisɔsi ɔ, “A ee ka. Mmɔ a ya, mbɛ n mbe siiya an bɔ tena n fandi ko a. Chɛɛ n mbe bai miin fɔ tena, tea mu. Koe min na mu, n ka‑a kaina min, n‑na nɔ sɔn fan. A sin to, n‑na n ta tena sɔn fan. Chɛɛ wo tana, wo ma an kaina chɛ n dɔndɔ wɛɛ sɔn.

CHƆN 8:45

Chɛɛ n tana, n mbe tea gbu an fɔ, a sin fan fɛ mu, wo ma dan ni n da a bai a.

CHƆN 8:46

Wo dɔndɔ wɛɛ ee nɛ, min mbe kun a ɔ yian‑da, mbɛ ko yama ma mɔɛ mu n na. N mbe tea an fɔ, a sin nyin fan wo ni dan n da a kuiɛ a.

CHƆN 8:47

Mɔ ɔ mɔ min mu Yataa 'a denɛ a, a bu ɔ di wan tima ɔ tima, a too ma sɔ koe a Yataa bai ma. Chɛɛ wo tana, a 'a denɛ ma wo a, an fɛ mu, wo e ban wo too ma sɔ koe a, a da a bai n ma.”

1 TIMOTI 6:13

Yataa ɛ mmɔ yen tena wan, min‑na fɔɛ be fen fen ma, Chisɔsi Chasi wɛɛ ɛ mmɔ yen‑da, min ma a nun ni Kɔfana Pɔnchɔsi Padeti ma, danaya min nyɔn sima ɛ a ɔ. N toen mu i ni

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 CHƆN 2:21

N mbe gboo chɛ nyɛnɛ min chɛ tena wo tena, n mbe ee a fɔ tena wan ka, mbɛ wo ma tea sɔn. Koe min na mu, wo‑a a sɔn fan. A sin to, wo‑a a ɔ sɔn fan to, mbɛ fania kan kɔ kan mbe ee che a ma‑a, wo ni ka tea chia chɛ ma.

1 CHƆN 3:14

Ni mmɔ to‑a mmɔ suun ma nyɔɛ n na, ɛ a ɔ yian fan, mbɛ mmɔ bɔ‑a saya 'a gbasaya kɔɔ, mmɔ‑a kuɔ fɔ fɔɛ ma sɔn. Chɛɛ mɔ ɔ mɔ min ma to ni a suun ma nyɔɛ a, a mɔɛ chɛ ɛ wɛ tun saya 'a gbasaya an kɔɔ.

1 CHƆN 3:19

Ni mmɔ‑a a ma ka, an mbe a ɔ yian‑da, mbɛ tea ɛ wan mmɔ ɔ. An mbe a ma‑a, mmɔ faa ee gbaa, mmɔ ɛ ma‑a Yataa chen kɔɔ,

1 CHƆN 4:6

Chɛɛ nn tana, nn mbe Yataa an ko a. Chia chɛ a mu, mmɔ ɛ tɛ bɔɛ sɔn mɔɛ ma, Yataa Nyina min mbe tea ɔ yian, ɛ min fɛ, an tɛ mɔɛ a, fania fɔ nyina gbama ɛ min fɛ. Mɔ ɔ mɔ min‑na Yataa sɔn, ɛ a too ma sɔ wan nn ma. Chɛɛ mɔɛ min mbe ee Yataa ko a, a mɔɛ chɛ ee a too ma sɔ nn ma.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”