CHƆN 18:3 - Yataa 'a Dɔbɛnɛ Nama

³ Mbɛ Chudasi na‑a an kaina chɛ, ɛ na‑a an bɛ Domi chɛnyɛ ɔ soya kuunɛ n na. An bɛ ni poesi n na na‑a, miin ni Yataa 'a kata kun ma fɛn. Fayisii mɔɛ dɔ nu, an bɛ Chu n tɛ mɔɛ nu Yataa a, an 'na mansa nu, an fan na‑a an sɔ. Chɛɛ chɛ feanka n ni wan an boo ɔ, ni sanku manɛ, a basan dambo n na.

CHƆN 18:3 ပူးပေါင်းရင်းမြစ်များ

MATIU 25:1

Chisɔsi ɔ, “Yataa 'a mansaya ɔ yian tima, ɛ ma‑a ka wan, yɔ koe min ma‑a sunkun tɔngbɔ tanɛ n na. Yɛɛ dɔndɔ ma, an‑na dambo ya wan, ta koe a mɔ kaima chɛ tan‑da, min ni na tena musu si tena.

CHƆN 13:2

Chisɔsi ni gbɛ yɛɛ ma daun fenɛ an ma kɔn tena, an bɛ a fɛ denɛ n na. A tima chɛ a, Sitana chɛen fan ni gbɛ Chudasi faa ɔ, Chisɔsi ma tachɛ koe a, chɛɛ ma nyɔnɛ n ma. Chudasi chɛ ni kai Saimɔn Isikayɔti 'a denɛ an na.

CHƆN 18:12

Mbɛ Domi soya mɔɛ nu, an bɛ an 'na mɔ chenama an na, a basan Yataa 'a kata kun ma fɛn poesi chɛ n na, an gbɛɛ‑a Chisɔsi bia. Mbɛ an‑na a chii.

CHƆN 18:18

Chima an ni na tena a tima chɛ a, min‑na a ma, tɛ mɔ wa chɛ 'a bɔi denɛ chɛ n dɔ nu, an bɛ Yataa 'a kata kun ma fɛn poesi chɛ n na, an‑na ta chɛ chɛmbu ɔ. A sin, an tindanden fan ni a a, an mbe an gbaa‑a. Mbɛ Pita wɛɛ na‑a an tena, a sɔ‑a, a bun‑da a gbaa‑a.

CHƆN 18:22

Chisɔsi‑a chɛ fɔ kɛn dechee, poesi chɛ n dɔndɔ nɔ, a‑a a too ɔ gbasi. A ɔ, a wan Chisɔsi ee kun, a ɔ, a ni koɔ ka buɛ chɛ ɔ, an 'na tɛ mɔ wa tena.

CHƆN 19:6

Mɔɛ miin mbe Chu n tɛ Yataa a, an 'na mansa chɛ nu, an bɛ Yataa 'a kata kun ma fɛn poesi chɛ n na, an gbɛɛ‑a Chisɔsi yen kɛn sɔ ɔ an ya kɔɔ, an‑na yee tɛ wan gba fea, an dɔ, “A ni gbangban kɔnɛ ma, a ni fa. A ni gbangban kɔnɛ ma, a ni fa.” Chɛɛ Kɔfana Padeti ɔ, “Wo wandi wo a bia, mbɛ wo‑a a fa a buɛ ɔ. N tana, n ma chia kan kɔ kan yen ni, kaa a tɛ koe a a fa koe ma.”

CHƆN 7:32

Mbɛ Chu mɔɛ chɛ dɔ nu, miin ni Fayisii n na, an‑na fanka chɛ wɛwɛɛ kuiɛ a min bai chɛ n na, a si Chisɔsi ma. Chɛ ko a, an fan, an bɛ Chu n tɛ mɔɛ n na Yataa a, an 'na mansa n na, an‑na kata chɛ ɔ poesi n sɔ, a bia koe a.

CHISƆSI 'A SƆ MƆƐ NU 1:16

Mbɛ a‑a a fɔ, a ɔ, “N suun ma nyɔɛ nu Chasi ɔ, Yataa 'a gboo‑a min fɔ, a ni che wan a ni bɔ a a. Suun, Yataa Nyina‑a a ma wan, Mansa Defidi‑a koe chɛ kɔɔ fɔ, a si Chudasi ma, min ni na tena ma‑a. Chudasi chɛ ni mmɔ bɔɛ an na. Koe min na mu, Chisɔsi na‑a a boo sɔ wan a ma, wai chɛ chɛ koe a, mmɔ ɛ ka min na. A wan sɔ‑a mɔɛ n ya ɔ, miin ta‑a Chisɔsi bia.

CHISƆSI 'A SƆ MƆƐ NU 10:1

Kamin dɔndɔ ni wan nɔ Sisayea duu ɔ, min tɔ ni Kɔniyɔsi. A ni soya gbakoo dɔndɔ an na, Domi soya chɛmɛ dɔndɔ kun ma. Chɛ ni kaka dɔndɔ an na, soya chɛ n tɛ ɔ, an ni miin chee, an dɔ, Itadi mɔɛ n 'na soya nu.